完整藏文原文 · 德格版页 当前仅加载第 50 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་དེ་ལྟ་བུའི་རྫུ་འཕྲུལ་གྱི་ཡུལ་ཡང་ཐོབ་པར་གྱུར་ཅིག །དེ་ན་མེ་ཏོག་མན་དཱ་ར་བ་དང་། མན་དཱ་ར་བ་ཆེན་པོའི་ཟེ་བ་དག་ལ་སྐྱིལ་མོ་ཀྲུང་བཅས་ཏེ་མཆི་བར་འགྱུར་ཞིང་ཆོས་ཀྱི་བདེ་བ་ཡིད་ལ་བགྱིད་པས་དེ་བཞིན་གཤེགས་པ་ལ་ལྟ་བར་
D112.050.0187a01.01གྱུར་ཅིག །གང་དང་གང་དུ་མཆིས་སམ་ལྡོག་པའི་ཕྱོགས་ཐམས་ཅད་དུ་བདག་ཀྱང་མཐོང་བར་གྱུར་ཅིག །དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་རྣམས་ལ་ནེམ་ནུར་དང་ཡིད་གཉིས་དང་ཐེ་ཙོམ་ཇི་ལྟ་བུ་དག་སྐྱེ་བར་འགྱུར་བ་དེ་དག་ཐམས་ཅད་
D112.050.0187a02.01བདག་ལ་བལྟས་ཤིང་མཐོང་བ་ཙམ་གྱིས་བྲལ་བར་གྱུར་ཅིག །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཆོས་བསྟན་པ་ཇི་ལྟ་བུ་དག་འཚལ་བ་དེ་ལྟ་བུའི་ཆོས་བསྟན་པ་དག་བདག་ལ་བལྟས་པ་ཙམ་གྱིས་འཚལ་བར་གྱུར་ཅིག །དེ་ན་སེམས་ཅན་
D112.050.0187a03.01རྣམས་བདག་གི་བ་མ་མཆིས་ཤིང་། ཡོངས་སུ་འཛིན་པ་མ་མཆིས་པར་འགྱུར་ཞིང་། ཐ་ན་རང་གི་ལུས་དང་སྲོག་ལ་ཡང་དོན་དུ་གཉེར་བ་མ་མཆིས་པར་གྱུར་ཅིག །དེ་ན་བྱང་ཆུབ་སེམས་དཔའ་ཐམས་ཅད་ཕྱིར་མི་ལྡོག་པ་ཤ་སྟག་ཏུ་གྱུར་ཅིག །དེ་ན་
D112.050.0187a04.01མི་དགེ་བའི་མིང་ཡང་མ་མཆིས་པར་གྱུར་ཅིག །སངས་རྒྱས་ཀྱི་ཞིང་དེ་ན་བསླབ་པ་ལེན་པའི་མིང་ཡང་མ་མཆིས་ལ། ལྟུང་བྱེད་ལས་སློང་བའི་བར་གྱི་བཀའ་མཆིད་ཀྱང་མ་མཆིས་པར་གྱུར་ཅིག །སེམས་ཅན་ཐམས་ཅད་སྐྱེས་བུ་ཆེན་པོའི་མཚན་སུམ་ཅུ་
D112.050.0187a05.01རྩ་གཉིས་དང་ལྡན་པར་གྱུར་ཅིག །ཐམས་ཅད་སྲེད་མེད་ཀྱི་བུའི་སྟོབས་དང་ལྡན་པར་གྱུར་ཅིག །དེ་ན་བྱང་ཆུབ་ཅིང་ཡོངས་སུ་མྱ་ངན་ལས་འདས་ཀྱི་བར་དུ་སེམས་ཅན་གཅིག་ཀྱང་དབང་པོ་མ་ཚང་བར་མ་གྱུར་ཅིག །དེ་ན་སེམས་ཅན་ཐམས་ཅད་སྐྲ་བྲེགས་
D112.050.0187a06.01ཤིང་གོས་ངུར་སྨྲིག་སར་པ་དག་འཚལ་བཞིན་དུ་སྐྱེ་བར་གྱུར་ཅིག །ཤིན་ཏུ་རྣམ་པར་འབྱེད་པའི་ཏིང་ངེ་འཛིན་ཐོབ་པར་འགྱུར་ཞིང་བྱང་ཆུབ་ཀྱི་མཐའི་བར་དུ་ཡང་ཆུད་མི་ཟ་བར་གྱུར་ཅིག །དེ་ན་སེམས་ཅན་ཐམས་ཅད་ཀྱང་དགེ་བའི་རྩ་བ་དང་འགྲོགས་པར་གྱུར་ཅིག །སངས་
D112.050.0187a07.01