完整藏文原文 · 德格版页 当前仅加载第 50 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་བུ་ཡོངས་སུ་དགའ་ལྡན་དང་། ལྷའི་བུ་རབ་འཕྲུལ་དང་། ལྷའི་བུ་གཞན་འཕྲུལ་དབང་བྱེད་ཀྱང་བྲམ་ཟེ་དེ་ལྟ་བའི་ཕྱིར་འོངས་ནས། བྲམ་ཟེ་རྒྱ་མཚོའི་རྡུལ་གྱིས་དེ་དག་ལ་ཁྱེད་ཅག་སུ་ཡིན་ཞེས་དྲིས་པ་དང་། ལྷའི་རྒྱལ་པོ་ལྔ་པོ་དག་གིས་རང་རང་གི་མིང་
D112.050.0163a01.01རུས་བསྟན་ནས་འདི་སྐད་ཅེས་སྨྲས་སོ། །ཀྱེ་བྲམ་ཟེ་ཁོ་བོ་ཅག་ལ་བསྒོ་བ་ནི་ཅི་ཞིག་ཡོད། མཆོད་སྦྱིན་ཆེན་པོ་འདི་ལ་ཁོ་བོ་ཅག་གིས་ཡོ་བྱད་དག་སྦྱར་བར་བྱ་བ་ལྟ་ཅི་ཡོད། བྲམ་ཟེས་སྨྲས་པ། བཅོམ་ལྡན་འདས་དང་། དགེ་སློང་གི་དགེ་འདུན་གྱི་ཕྱིར་ཁྱེད་ཅག་ལྷའི་འཇིག་རྟེན་ན་
D112.050.0163a02.01ཐམས་ཅད་ལས་ཁྱད་པར་དུ་འཕགས་པའི་རིན་པོ་ཆེའི་ཁང་པ་བརྩེགས་པ་དག་དང་། རིན་པོ་ཆེའི་ཤིང་ལྗོན་པ་དག་དང་། དཔག་བསམ་གྱི་ཤིང་ལྗོན་པ་དག་དང་། སྤོས་ཀྱི་ཤིང་ལྗོན་པ་དག་དང་། མེ་ཏོག་གི་ཤིང་ལྗོན་པ་དག་དང་། འབྲས་བུའི་ཤིང་ལྗོན་པ་དག་དང་། ལྷའི་
D112.050.0163a03.01ན་བཟའ་དག་དང་། ལྷའི་གདན་དག་དང་། ལྷའི་གདིང་བ་དག་དང་། ལྷའི་རིན་པོ་ཆེའི་སྣོད་དག་དང་། ལྷའི་རྒྱན་དག་དང་། གདུགས་དང་། རྒྱལ་མཚན་དང་། བ་དན་དང་། ལྷབ་ལྷུབ་དག་དང་། ལྷའི་རོལ་མོའི་སྒྲ་གང་དག་ཡོད་པ་དེ་དག་ཐམས་ཅད་ཀྱིས་འཛམ་བུའི་ཚལ་
D112.050.0163a04.01ཐམས་ཅད་བརྒྱན་པར་གྱིས་ཤིག །ལྷའི་རྒྱལ་པོ་ལྔ་པོ་དེ་དག་གིས་གྲོགས་པོ་དེ་ལྟར་བྱའོ་ཞེས་བྲམ་ཟེའི་ལྟར་མཉན་ཏེ། བྲམ་ཟེའི་དྲུང་ནས་ཕྱིར་ལོག་ནས་ལྷའི་འཇིག་རྟེན་དུ་དོང་སྟེ་ཕྱིན་པ་དང་། ལྷའི་བུ་འཁྲི་བྱེད་དང་། ལྷའི་བུ་འཁྱིལ་བྱེད་དང་། ལྷའི་བུ་སྣར་མ་སྐྱེས་དང་།
D112.050.0163a05.01ལྷའི་བུས་རྩོམ་དགའ་རྣམས་བོས་ཏེ་འདི་སྐད་ཅེས་སྨྲས་སོ། །གྲོགས་པོ་དག་ཁྱེད་ཅག་དེང་ལ་འཛམ་བུའི་གླིང་དུ་བབས་ཏེ། བཅོམ་ལྡན་འདས་ཀྱི་ཕྱིར་འཛམ་བུའི་ཚལ་གྱི་སྐྱེད་མོས་ཚལ་རྒྱན་གྱི་ཁྱད་པར་སྣ་ཚོགས་དག་དང་། གདན་དང་། གདིང་བ་སྣ་ཚོགས་དག་གིས་ཇི་ལྟར་
D112.050.0163a06.01ལྷའི་འཇིག་རྟེན་འདི་བརྒྱན་པ་དེ་ལྟ་བུ་དག་གིས་བརྒྱན་པར་གྱིས་ཤིག །གྲོགས་པོ་དག་རིན་པོ་ཆེའི་ཁང་པ་བརྩེགས་པ་འདི་ལྟ་བུ་ཡང་བརྩིག་ཏུ་ཆུག་ཤིག །འདི་ལྟ་སྟེ། ཁང་པ་བརྩེགས་པ་རིན་པོ་ཆེའི་བ་གམ་ཅན་འདི་ཅི་འདྲ་བ་དེ་ལྟ་བུའི་རིན་པོ་ཆེའི་ཁང་པ་བརྩེགས་བརྩིག་ཏུ་
D112.050.0163a07.01