完整藏文原文 · 德格版页 当前仅加载第 50 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་རྫོགས་པར་འཚང་རྒྱ་བར་འགྱུར་ཏེ། ཁྱོད་ཀྱིས་བྱང་ཆུབ་ཡང་དག་པར་འཛིན་དུ་བཅུག་པ་གང་ཡིན་པ་དེ་དག་ཐམས་ཅད་ཡང་དང་ཡང་དུ་ཁྱོད་ཀྱི་བསྔགས་པ་རྗོད་པར་གྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེས་བདག་ཅག་དང་པོ་
D112.050.0156b01.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་པས་ན། དེས་ད་ལྟར་བདག་ཅག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། དེ་ནི་བདག་ཅག་གི་དགེ་བའི་བཤེས་གཉེན་ཡིན་ནོ་ཞེས་བསྔགས་པ་བརྗོད་པར་འགྱུར་ཞིང་
D112.050.0156b02.01སངས་རྒྱས་བཅོམ་ལྡན་འདས་དེ་དག་གིས་ཁྱོད་ལ་མཆོད་པ་བྱ་བའི་ཕྱིར་བྱང་ཆུབ་སེམས་དཔའ་དག་གཏོང་བར་འགྱུར་ཏེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་བྱང་ཆུབ་སེམས་དཔའི་རྣམ་པར་འཕྲུལ་པ་སྣ་ཚོགས་དག་གིས་ཁྱོད་ལ་མཆོད་པ་བྱས་ཤིང་། དེར་
D112.050.0156b03.01ཁྱོད་ལས་ཆོས་ཐོས་ནས་ཏིང་ངེ་འཛིན་དང་། གཟུངས་དང་། བཟོད་པ་རྣམ་པ་སྣ་ཚོགས་དག་ཐོབ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་རང་རང་གི་སངས་རྒྱས་ཀྱི་ཞིང་དག་ཏུ་དོང་སྟེ། ཁྱོད་ཀྱི་བསྔགས་བརྗོད་པར་འགྱུར་ཞིང་དབྱངས་རྗེས་སུ་སྒྲོགས་པར་འགྱུར་
D112.050.0156b04.01ཏེ། བྲམ་ཟེ་ཁྱོད་ཀྱི་རྨི་ལམ་དེ་ནི་དེའི་སྔ་ལྟས་ཡིན་ནོ། །བྲམ་ཟེ་གང་ཁྱོད་ཀྱི་རྨི་ལམ་ན་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་དྲུག་ཅུ་ཁོང་བར་ཞུགས་ནས་དེ་དག་པད་མ་དག་ལ་སྐྱིལ་མོ་ཀྲུང་བཅས་ཏེ་འདུག་ཅིང་བསམ་གཏན་སྒོམ་པ་དག་མཐོང་བ་ནི་བྲམ་ཟེ་ཁྱོད་བྱང་
D112.050.0156b05.01ཆུབ་མངོན་པར་རྫོགས་པར་སངས་རྒྱས་པ་ན། གང་དག་སྲོག་ཆགས་བྱེ་བ་ཁྲག་ཁྲིག་འབུམ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་པར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དག་ལ་འགོད་པར་འགྱུར་
D112.050.0156b06.01བ་དེ་དག་ཀྱང་བྲམ་ཟེ་ཁྱོད་བླ་ན་མེད་པའི་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདས་ནས། བསྐལ་པ་སངས་རྒྱས་ཀྱི་ཞིང་རྡུལ་ཕྲ་རབ་ཀྱི་རྡུལ་སྙེད་འདས་པའི་འོག་ཏུ་ཕྱོགས་བཅུའི་སངས་རྒྱས་ཀྱི་ཞིང་གཞན་དག་ཏུ་ཆོས་ཀྱི་རྒྱལ་སྲིད་མཛད་པའི་སངས་རྒྱས་
D112.050.0156b07.01