完整藏文原文 · 德格版页 当前仅加载第 50 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབ་པའི་ཕྱིར་ཡོངས་སུ་བཙལ་བར་བྱའོ་ཞེས་གསུངས་པ་ལྟ་བུ་སྟེ། བྲམ་ཟེའི་ཁྱེའུ་དེ་ནི་བྱང་ཆུབ་ཀྱི་ལམ་ཡིན་ནོ། །ཚོགས་དེ་ལྟ་བུས་བྱང་ཆུབ་ཐོབ་པར་འགྱུར་ཏེ། བྲམ་ཟེའི་ཁྱེའུ་བསྒོམ་པ་ནི་དེ་ལྟ་བུ་ཡིན། དྲན་པ་ནི་དེ་ལྟ་བུ་ཡིན། བྱང་ཆུབ་ཀྱི་ལམ་
D112.050.0206a01.01གྱི་སྤྱོད་པ་ནི་དེ་ལྟ་བུ་ཡིན་གྱིས། བྲམ་ཟེའི་ཁྱེའུ་བྱང་ཆུབ་ཏུ་འདུན་པ་སྐྱེད་ཅིག །བྲམ་ཟེའི་ཁྱེའུ་བྱང་ཆུབ་ཀྱི་ལམ་ནི་ཡང་དག་པ་ཡིན་གྱིས་བསམ་པ་ཐག་པ་ནས་སྨོན་ལམ་ཐོབ་ཤིག་དང་ཡོངས་སུ་རྫོགས་པར་འགྱུར་རོ། །བྲམ་ཟེའི་ཁྱེའུ་བསམ་པ་ཐག་པས་བྱང་ཆུབ་ཀྱི་
D112.050.0206a02.01ལམ་ནི་དང་བ་ཡིན་ནོ། །བྲམ་ཟེའི་ཁྱེའུ་གཡོ་མེད་པས་རྣམ་པར་དག་པ་སྟེ། ཉོན་མོངས་པ་རབ་ཏུ་བསལ་བས་བྱང་ཆུབ་ཀྱི་ལམ་ནི་དྲང་བ་ཡིན་ནོ། །བྲམ་ཟེའི་ཁྱེའུ་བླ་ན་མེད་པའི་མྱ་ངན་ལས་འདས་པའི་མཐར་ཐུག་པས་བྱང་ཆུབ་ཀྱི་ལམ་ནི་གྲུབ་པ་དང་། བདེ་བ་ཡིན་
D112.050.0206a03.01གྱིས་སྨོན་ལམ་ཐོབ་ལ་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཡོངས་སུ་དག་པའམ། ཡོངས་སུ་མ་དག་པ་ཇི་ལྟ་བུ་འདོད་པ་ལོང་ཤིག །རིགས་ཀྱི་བུ་དེ་ནས་བྲམ་ཟེའི་ཁྱེའུ་སྐར་མའི་ཁྱུ་མཆོག་གིས་དེ་བཞིན་གཤེགས་པ་རིན་པོ་ཆེའི་སྙིང་པོའི་སྤྱན་སྔར་པུས་མོ་གཡས་
D112.050.0206a04.01པའི་ལྷ་ང་ས་ལ་བཙུགས་ཏེ་འདུག་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱི་སྟེ། སེམས་ཅན་འདོད་ཆགས་ཆུང་བ་རྣམས་དང་། ཞེ་སྡང་ཆུང་བ་རྣམས་དང་། གཏི་
D112.050.0206a05.01མུག་ཆུང་བ་རྣམས་དང་། སེམས་འཁྲུལ་པ་མ་མཆིས་ཤིང་མ་འཁྲུལ་པ་རྣམས་དང་། འཁོན་པའི་སེམས་མ་མཆིས་པ་རྣམས་དང་། ཕྲག་དོག་དང་སེར་སྣའི་སེམས་རྣམ་པར་སྤངས་པ་རྣམས་དང་། ལོག་པར་ལྟ་བའི་སེམས་ཡོངས་སུ་སྤངས་པ་རྣམས་དང་། ཡང་
D112.050.0206a06.01དག་པའི་ལྟ་བའི་སེམས་ལ་གནས་པ་རྣམས་དང་། དགེ་བར་སེམས་པ་རྣམས་དང་། དགེ་བ་ཡོངས་སུ་ཚོལ་བར་སེམས་པ་རྣམས་དང་། ངན་སོང་གསུམ་གྱི་ལམ་རྣམ་པར་སྤོང་བར་སེམས་པ་རྣམས་དང་། མཐོ་རིས་ཀྱི་ལམ་གསུམ་ལ་བརྩོན་པར་སེམས་པ་རྣམས་དང་། བསོད་
D112.050.0206a07.01