完整藏文原文 · 德格版页 当前仅加载第 50 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་པ་བྱས་ནས་དེར་ཡང་སེམས་ཅན་དཔག་ཏུ་མེད། གྲངས་མེད་པ་དག་ཐེག་པ་གསུམ་ཡང་དག་པར་འཛིན་དུ་བཅུག་ཅིང་བཙུད་དེ་རབ་ཏུ་བཀོད་དོ། །དེ་ཞག་བདུན་པོ་དེ་དག་འདས་ནས་སྲོག་ཆགས་བརྒྱད་ཁྲི་བཞི་སྟོང་དང་ལྷན་ཅིག་ཏུ་མངོན་པར་བྱུང་སྟེ། སྐྲ་དང་ཁ་སྤུ་བྲེགས་
D112.050.0267b01.01ནས་གོས་ངུར་སྨྲིག་དག་བགོས་ཏེ། ཡང་དག་པར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་དེ་བཞིན་གཤེགས་པ་རིན་པོ་ཆེའི་སྙིང་པོ་ཡོངས་སུ་མྱ་ངན་ལས་འདས་པའི་བསྟན་པ་འབར་བར་བྱས་ཏེ། ལོ་ཁྲིའི་བར་དུ་དམ་པའི་ཆོས་འཛིན་པར་གྱུར་ནས། དེར་ཡང་
D112.050.0267b02.01སེམས་ཅན་དཔག་ཏུ་མེད་གྲངས་མེད་པ་དག་ཐེག་པ་གསུམ་པོ་དག་ཡང་དག་པར་འཛིན་དུ་བཅུག་ཅིང་བཙུད་དེ་རབ་ཏུ་བཀོད་དོ། །གསུམ་ལ་སྐྱབས་སུ་འགྲོ་བ་ལ་ཡང་རབ་ཏུ་བཀོད་དོ། །དགེ་བསྙེན་གྱི་སྡོམ་པ་དང་། དགེ་ཚུལ་གྱི་སྡོམ་པ་དང་། བསྙེན་པར་རྫོགས་པ་དགེ་སློང་
D112.050.0267b03.01གི་དངོས་པོ་ཚངས་པར་སྤྱོད་པའི་སྡོམ་པ་ལ་ཡང་བཙུད་དེ་རབ་ཏུ་བཀོད་དོ། །དེས་ཡང་སྲོག་ཆགས་བྱེ་བ་ཁྲག་ཁྲིག་འབུམ་ཕྲག་མང་པོ་དག་མངོན་པར་ཤེས་པ་དང་། རྫུ་འཕྲུལ་ལ་མཁས་པ་ལ་ངེས་པར་སྦྱར་ཅིང་དེས་པ་དང་། ཚངས་པར་སྤྱོད་པའི་གནས་ལ་ཡང་ངེས་པར་
D112.050.0267b04.01སྦྱར། ཕུང་པོ་རྣམས་དགྲ་ལྟ་བུར་གྱུར་པར་ཡོངས་སུ་ཤེས་པ་ལ་ཡང་ངེས་པར་སྦྱར། སྐྱེ་མཆེད་རྣམས་གྲོང་སྟོང་པ་ལྟ་བུར་ཡོངས་སུ་ཤེས་པ་ལ་ཡང་ངེས་པར་སྦྱར། ཆོས་ཐམས་ཅད་རྟེན་ཅིང་འབྲེལ་བར་འབྱུང་བའོ་ཞེས་འདུས་བྱས་ཤེས་པ་མཐོང་བ་ཡོངས་སུ་ཤེས་པ་ལ་
D112.050.0267b05.01ཡང་ངེས་པར་སྦྱར། ཆོས་ཐམས་ཅད་མིག་ཡོར་ལྟ་བུ་དང་། མིག་སྒྱུ་ལྟ་བུ་དང་། ཆུ་ཟླ་ལྟ་བུར་ཡང་བསྟན། སྐྱེ་བ་མེད་པ་དང་། འགག་པ་མེད་པ་དང་། མཚམས་སྦྱོར་བ་མེད་པའི་འགོག་པ་དང་། ཞི་བ་དང་། རབ་ཏུ་ཞི་བ་དང་། ཉེ་བར་ཞི་བ་དང་། མཆོག་དང་། གྱ་ནོམ་
D112.050.0267b06.01པའི་འགོག་པ་མྱ་ངན་ལས་འདས་པ་ཡོངས་སུ་ཤེས་པ་ཡང་བསྟན་ཏེ། འཕགས་པའི་ལམ་ཡན་ལག་བརྒྱད་པ་ལ་རབ་ཏུ་བཀོད་ནས་འཆི་བའི་དུས་བྱས་པར་གྱུར་ཏོ། །སེམས་ཅན་དེ་དག་གིས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་
D112.050.0267b07.01