完整藏文原文 · 德格版页 当前仅加载第 50 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་འདུན་གྱི་ཆེད་ཀྱི་ཕྱིར་ལྷ་རྣམས་ཀྱིས་རྒྱལ་པོའི་ཕོ་བྲང་གྲོང་ཁྱེར་ཡིད་འོང་འཛིན་གྱི་འཛམ་བུའི་ཚལ་གྱི་སྐྱེད་མོས་ཚལ་ལྷའི་རྒྱན་དང་། ལྷབ་ལྷུབ་དག་གིས་བརྒྱན་ཏོ་ཞེས་ཐོས་ནས་བདག་ཅག་དོང་སྟེ་བལྟ་ཞིང་དེར་དེ་བཞིན་གཤེགས་པ་རིན་པོ་ཆེའི་སྙིང་པོ་
D112.050.0167a01.01དང་། དགེ་སློང་གི་དགེ་འདུན་ཡང་བལྟའོ། །དེར་སོང་ནས་བཅོམ་ལྡན་འདས་ལས་ཆོས་ཀྱང་མཉན་པར་བྱའོ་ཞེས་སྨྲས་ནས། དེའི་ཚེ་ན་མི་རྣམས་ལས་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་བྱེ་བ་ཁྲག་ཁྲིག་འབུམ་ཕྲག་དུ་མ་དག་བཅོམ་ལྡན་འདས་དང་། དགེ་སློང་གི་
D112.050.0167a02.01དགེ་འདུན་ལ་བལྟ་བ་དང་། ཕྱག་བྱ་བ་དང་། ཕྲད་པར་བྱ་བ་དང་། བསྙེན་བཀུར་བྱ་བ་དང་། སྐྱེད་མོས་ཚལ་དེ་ཡང་མཐོང་བར་འདོད་པའི་ཕྱིར་ཉིན་གཅིག་བཞིན་དུ་གྲོང་ཁྱེར་ཡིད་འོང་འཛིན་དུ་འོང་ངོ་། །སྐྱེད་མོས་ཚལ་དེ་ལ་ཡང་རིན་པོ་ཆེ་སྣ་བདུན་ལས་བྱས་པའི་སྒོ་ཉི་ཁྲི་ཡོད་དེ།
D112.050.0167a03.01སྐྱེད་མོས་ཚལ་གྱི་སྒོ་རེ་རེ་ཞིང་རིན་པོ་ཆེའི་ཁྲིའུ་ལྔ་བརྒྱ་ལྔ་བརྒྱ་བཤམས་ནས་དེ་དག་ལ་བྲམ་ཟེའི་ཁྱེའུ་ལྔ་བརྒྱ་ལྔ་བརྒྱ་འཁོད་ནས་སེམས་ཅན་གང་དག་འོངས་ཤིང་སྐྱེད་མོས་ཚལ་དེར་འཇུག་པ་དེ་དག་བྲམ་ཟེའི་ཁྱེའུ་དེ་དག་གིས་སངས་རྒྱས་ལ་སྐྱབས་སུ་གཏོང་། ཆོས་དང་དགེ་འདུན་
D112.050.0167a04.01ལ་སྐྱབས་སུ་གཏོང་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་འཇུག་སྟེ། འཛུད་ཅིང་སེམས་ཀྱང་སྐྱེད་དུ་འཇུག་གོ། །གང་དག་ཉེ་བ་ན་གནས་པ་རྣམས་དང་། གང་དག་རིང་བ་ན་གནས་པ་རྣམས་ཀྱང་བཅོམ་ལྡན་འདས་ལ་བལྟ་བ་དང་།
D112.050.0167a05.01ཕྱག་བྱ་བ་དང་། དགེ་སློང་གི་དགེ་འདུན་ལ་ཡང་བལྟ་བའི་ཕྱིར། ཕྱིས་སྐྱེད་མོས་ཚལ་དེར་འཇུག་གོ། །དེ་ལྟར་མདུན་ན་འདོན་གྱི་གཙོ་བོ་བྲམ་ཟེ་རྒྱ་མཚོའི་རྡུལ་གྱིས་ལོ་བདུན་པོ་དེ་དག་ལས་ལྷ་བགྲང་བ་ལས་འདས་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D112.050.0167a06.01ཡང་དག་པར་འཛིན་དུ་བཅུག་སྟེ་བཏུལ་ཅིང་བཙུད་དེ་རབ་ཏུ་བཀོད་དོ། །ཀླུ་དང་། ལྷ་མ་ཡིན་དང་། གནོད་སྦྱིན་དང་། སྲིན་པོ་དང་། གྲུལ་བུམ་དང་། དྲི་ཟ་དང་། {ཡི་དགས་,ཡི་དྭགས་}དང་། ཤ་ཟ་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་སུ་སྐྱེས་བ་བགྲང་བ་
D112.050.0167a07.01