完整藏文原文 · 德格版页 当前仅加载第 50 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཞིང་ཡང་སྟོན་པར་གྱུར་ཅིག །བྱང་ཆུབ་ཡང་དག་པར་འཛིན་དུ་སྩོལ་པར་ཡང་གྱུར་ཅིག །སེམས་ཅན་དེ་དག་ཀྱང་བདག་ལ་མཆོག་ཏུ་དགའ་ཞིང་དད་པ་ཐོབ་པར་གྱུར་ནས་བྱང་ཆུབ་ཏུ་སེམས་སྐྱེད་པར་གྱུར་ཅིག །དེ་དག་གི་སྡུག་བསྔལ་གྱི་ཚོར་བ་ཐམས་ཅད་
D112.050.0189b01.01རབ་ཏུ་ཞི་བར་གྱུར་ཅིག །དེ་དག་གིས་ཏིང་ངེ་འཛིན་ཉི་མའི་སྒྲོན་མ་ཐོབ་པར་གྱུར་ནས་གཏི་མུག་སྤངས་པར་གྱུར་ཅིག །དེ་དག་འགུམ་པའི་དུས་བགྱིས་ནས་ཀྱང་བདག་གི་སངས་རྒྱས་ཀྱི་ཞིང་དུ་སྐྱེ་བར་གྱུར་ཅིག །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་
D112.050.0189b02.01དམ་པ་ལེགས་སོ་ལེགས་སོ། །ཁྱོད་ཀྱིས་ནི་སྨོན་ལམ་བཟང་པོར་བཏབ་བོ། །དེས་གསོལ་པ། བཙུན་པ་བཅོམ་ལྡན་འདས་གལ་ཏེ་བདག་སྨོན་ལམ་དེ་ལྟ་བུ་ཡོངས་སུ་རྫོགས་པར་འགྱུར་བ་ལྟ་ན་དེའི་སླད་དུ་སངས་རྒྱས་ཀྱི་ཞིང་གི་རྡུལ་ཕྲ་རབ་ཀྱི་རྡུལ་སྙེད་ཀྱི་
D112.050.0189b03.01ཕྱོགས་བཅུའི་སངས་རྒྱས་ཀྱི་ཞིང་གཞན་དག་ཏུ་ཙན་དན་སྦྲུལ་གྱི་སྙིང་པོའི་ཕྱེ་མའི་ཆར་རབ་ཏུ་འབབ་པར་གྱུར་ཅིག །སེམས་ཅན་གང་དག་གིས་དྲི་དེ་ཚོར་བར་གྱུར་པ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་གྱུར་ཅིག །
D112.050.0189b04.01བདག་གིས་ཀྱང་ཏིང་ངེ་འཛིན་གྱ་ནོམ་སྣང་ཞེས་བགྱི་བ་ཐོབ་པར་གྱུར་ཅིག །དེ་ཡང་བདག་ཉིད་ཀྱིས་མཐོང་བར་གྱུར་ཅིག །རིགས་ཀྱི་བུ་དེས་ཏིང་ངེ་འཛིན་གྱ་ནོམ་སྣང་བ་བསྐྱེད་པ་དང་སངས་རྒྱས་ཀྱི་ཞིང་གི་རྡུལ་ཕྲ་རབ་ཀྱི་རྡུལ་སྙེད་ཀྱི་ཕྱོགས་བཅུའི་འཇིག་རྟེན་གྱི་
D112.050.0189b05.01ཁམས་གཞན་དག་ཏུ་ཙན་དན་སྦྲུལ་གྱི་སྙིང་པོའི་ཕྱེ་མའི་ཆར་བབ་པ་དེ་ཡང་བདག་ཉིད་ཀྱིས་མཐོང་ལ་ཕྱོགས་བཅུའི་ཕྱོགས་རེ་རེར་ཡང་སེམས་ཅན་བགྲང་བ་ལས་འདས་པ་གང་དག་གི་ཐལ་མོ་སྦྱར་ཏེ་བྱང་ཆུབ་ཏུ་སེམས་བསྐྱེད་པ་དག་ཀྱང་མཐོང་བ་དང་། བཅོམ་ལྡན་འདས་
D112.050.0189b06.01ཀྱིས་བཀའ་སྩལ་པ། རིགས་ཀྱི་བུ་ཤིན་ཏུ་མྱུར་བར་སྤོས་ཀྱི་ཆར་ཡང་བབ་ལ་སེམས་ཅན་བགྲང་བ་ལས་འདས་པ་དག་ཀྱང་བྱང་ཆུབ་ཡང་དག་པར་འཛིན་དུ་བཅུག་པས་ན་རིགས་ཀྱི་བུ་དེའི་ཕྱིར་ཁྱོད་སེང་གེ་སྤོས་ཞེས་བྱ་བར་གྱུར་ཅིག །སེང་གེ་སྤོས་ཁྱོད་ནི་བསྐལ་པ་
D112.050.0189b07.01