完整藏文原文 · 德格版页 当前仅加载第 50 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རབ་བསྒོམ་པ་ཡིན་ཏེ། རྒྱལ་པོ་ཆེན་པོ་གང་དག་སངས་རྒྱས་ཀྱི་ཞིང་དེར་དང་པོ་ཁོ་ནར་སངས་རྒྱས་སུ་འགྱུར་བ་ནི་རིགས་ཀྱི་བུ་འདི་དག་ཡིན་ནོ། །རྒྱལ་པོ་རྩིབས་ཀྱི་མུ་ཁྱུད་ཀྱིས་གསོལ་པ། བཙུན་པ་བཅོམ་ལྡན་འདས་གང་གིས་བདག་འཁོར་དང་བཅས་པ་བླ་ན་མེད་པ་ཡང་དག་
D112.050.0174b01.01པར་རྫོགས་པའི་བྱང་ཆུབ་ཡང་དག་པར་འཛིན་དུ་སྩལ་བའི་བྲམ་ཟེ་རྒྱ་མཚོའི་རྡུལ་དེ་དུས་ཅི་སྲིད་ཅིག་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་བྲམ་ཟེ་རྒྱ་མཚོའི་རྡུལ་
D112.050.0174b02.01འདི་ནི་སྙིང་རྗེ་ཆེན་པོ་དང་ལྡན་པ་ཡིན་ཏེ། འདིས་ཇི་ལྟར་སེང་གེའི་སྒྲ་སྒྲོགས་པར་འགྱུར་བ་ན་ཁྱོད་ཀྱིས་ཀྱང་ཐོས་པར་འགྱུར་རོ། །རྒྱལ་པོས་གསོལ་པ། གལ་ཏེ་བདག་ཅི་ནས་བཅོམ་ལྡན་འདས་ཀྱིས་ལུང་བསྟན་པ་དང་། བདག་གི་སྨོན་ལམ་དེ་གྲུབ་པ་ལྟ་ན། དེའི་སླད་དུ་
D112.050.0174b03.01གང་གི་ཚེ་བདག་བཅོམ་ལྡན་འདས་ཀྱི་ཞབས་ལ་ཡན་ལག་ལྔས་ཕྱག་བགྱིད་པ་དེའི་ཚེ་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་རབ་ཏུ་འགུལ་ཞིང་རབ་ཏུ་གཡོ་བར་གྱུར་ལ་སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས་གང་དག་བཞུགས་ཏེ། འཚོ་ཞིང་གཞེས་པ་དེ་དག་གིས་
D112.050.0174b04.01ཀྱང་བདག་ལ་ལུང་སྟོན་པར་གྱུར་ཅིག །རིགས་ཀྱི་བུ་དེ་ནས་རྒྱལ་པོ་རྩིབས་ཀྱི་མུ་ཁྱུད་ཀྱིས་དེ་བཞིན་གཤེགས་པ་རིན་པོ་ཆེའི་སྙིང་པོའི་ཞབས་ལ་ཡན་ལག་ལྔས་གཏུགས་སོ། །གང་གི་ཚེ་རྒྱལ་པོའི་མགོ་བོ་ས་ལ་རེག་པ་དེའི་ཚེ། སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དག་ཀྱང་
D112.050.0174b05.01འགུལ་རབ་ཏུ་འགུལ། གཡོས་རབ་ཏུ་གཡོས། འཁྲུགས་རབ་ཏུ་འཁྲུགས་ནས། སངས་རྒྱས་གང་གཱའི་ཀླུང་གི་བྱེ་མ་སྙེད་དག་ཀྱང་ལུང་སྟོན་པར་མཛད་དེ། བསྐལ་པ་འཛིན་པ་ཞེས་བྱ་བ་ལ་སངས་རྒྱས་ཀྱི་ཞིང་ཡང་དག་པར་སྒྲོལ་བ་ཞེས་བྱ་བར་སྐྱེ་དགུའི་ཚེ་ལོ་བརྒྱད་ཁྲི་ཐུབ་པ་ན་
D112.050.0174b06.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོའི་རྒྱལ་པོ་རྩིབས་ཀྱི་མུ་ཁྱུད་ལ་ཁྱོད་མ་འོངས་པའི་དུས་ན་བསྐལ་པ་གྲངས་མེད་པ་གང་གཱའི་ཀླུང་གི་བྱེ་མ་སྙེད་འདས་ནས་བསྐལ་པ་གྲངས་མེད་པ་གཉིས་པ་ལ་བབ་པ་ན། འཇིག་རྟེན་གྱི་ཁམས་
D112.050.0174b07.01