完整藏文原文 · 德格版页 当前仅加载第 50 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བཅོམ་ལྡན་འདས་ལས་ཆོས་ཀྱང་ཉོན་ཅིག །དེ་ནས་ལྷའི་རྒྱལ་པོ་དེ་ལྔ་རང་རང་གི་གནས་ཀྱི་ཁྱད་པར་རྣམས་སུ་དོང་སྟེ་ཕྱིན་པ་དང་། ལྷའི་དབང་པོ་བརྒྱ་བྱིན་གྱིས་སུམ་ཅུ་རྩ་གསུམ་པའི་ལྷ་རྣམས་བསྡུས་ཏེ་འདི་སྐད་ཅེས་སྨྲས་སོ། །གྲོགས་པོ་དག་ཤེས་པར་
D112.050.0164a01.01གྱིས་ཤིག །འཛམ་བུའི་གླིང་ན་རྒྱལ་པོ་རྩིབས་ཀྱི་མུ་ཁྱུད་ཀྱི་མདུན་ན་འདོན་གྱི་གཙོ་བོ་བྲམ་ཟེ་རྒྱ་མཚོའི་རྡུལ་ཅེས་བྱ་བ་དེས་དེ་བཞིན་གཤེགས་པ་རིན་པོ་ཆེའི་སྙིང་པོ་དགེ་སློང་གི་དགེ་འདུན་དཔག་ཏུ་མེད་པ་དང་བཅས་པ་ལ་ལོ་བདུན་དུ་ཡོ་བྱད་ཐམས་ཅད་ཀྱིས་སྤྱན་དྲངས་ཤིང་རི་མོར་བྱེད་དེ། བྲམ་
D112.050.0164a02.01ཟེ་རྒྱ་མཚོའི་རྡུལ་གྱིས་ཡང་དག་པར་འཛིན་དུ་བཅུག་པས་ཁོ་བོ་ཅག་གིས་ཀྱང་བཅོམ་ལྡན་འདས་དང་དགེ་སློང་གི་དགེ་འདུན་གྱི་ཕྱིར་སྐྱེད་མོས་ཚལ་ཐམས་ཅད་བརྒྱན་ཟིན་གྱིས། དེའི་ཕྱིར་ཁྱོད་ཀྱིས་ཀྱང་དགེ་བའི་རྩ་བ་དེ་ལ་རྗེས་སུ་ཡི་རང་བར་གྱིས་ལ། བླ་ན་མེད་པ་ཡང་དག་པར་
D112.050.0164a03.01རྫོགས་པའི་བྱང་ཆུབ་ཏུ་སེམས་སྐྱེད་ཅིག །དེའི་ཚེ་ན་སུམ་ཅུ་རྩ་གསུམ་པའི་ལྷ་བྱེ་བ་ཁྲག་ཁྲིག་འབུམ་ཕྲག་མང་པོ་དག་གིས་ཐལ་མོ་སྦྱར་ཏེ་ཚིག་ཏུ་སྨྲས་པ། གྲོགས་པོ་བདག་ཅག་གིས་བསོད་ནམས་ཀྱི་ཕུང་པོ་དེ་ལ་རྗེས་སུ་ཡི་རང་བར་བྱ་ཞིང་རྗེས་སུ་ཡི་རང་བ་དེ་ལས་བྱུང་བའི་བསོད་
D112.050.0164a04.01ནམས་གང་ཡིན་པ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱའོ། །ལྷའི་བུ་རབ་འཐབ་བྲལ་གྱིས་ཀྱང་འཐབ་བྲལ་གྱི་ལྷའི་བུ་རྣམས་བསྡུས་ཏེ། རྒྱ་ཆེར་སྔ་མ་བཞིན་དུ་སྦྱར་བར་བྱའོ། །ལྷའི་བུ་ཡོངས་སུ་དགའ་ལྡན་དང་། ལྷའི་
D112.050.0164a05.01བུ་འཕྲུལ་དགའ་དང་། ལྷའི་བུ་གཞན་འཕྲུལ་དབང་བྱེད་ཀྱིས་ཀྱང་གཞན་འཕྲུལ་དབང་བྱེད་ཀྱི་བར་གྱི་ལྷའི་བུ་དག་བསྡུས་ནས་ལྷའི་བུ་བྱེ་བ་ཁྲག་ཁྲིག་འབུམ་ཕྲག་མང་པོ་དག་གིས་ཐལ་མོ་སྦྱར་ཏེ་ཚིག་ཏུ་སྨྲས་པ། གྲོགས་པོ་དག་བདག་ཅག་གིས་དགེ་བའི་རྩ་བ་རྣམས་ཀྱི་བསོད་ནམས་
D112.050.0164a06.01གང་ཡིན་པ་དེ་ལ་རྗེས་སུ་ཡི་རང་བར་བྱ་ཞིང་། དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱས། གྲོགས་པོ་དག་དེའི་ཕྱིར་འཛམ་བུའི་གླིང་དུ་འབབ་ཅིང་བཅོམ་ལྡན་འདས་དང་། དགེ་སློང་གི་དགེ་འདུན་ལ་བལྟ་བ་དང་། ཕྱག་བྱ་བ་དང་།
D112.050.0164a07.01