完整藏文原文 · 德格版页 当前仅加载第 50 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྒྱུད་དང་། དབང་ཕྱུག་དང་། བསྟན་བཅོས་དང་། ཡི་གེ་དང་། རྟ་རྩལ་དང་། མདའ་གཞུ་དང་། མཚོན་ཆ་ཐོགས་པ་དང་། འཁོར་དང་། སྲེར་སྣ་དང་། དྲེགས་ངས་པར་འགྱུར་ཏེ། འཇིག་རྟེན་གྱི་དཀའ་ཐུབ་དང་། བརྟུལ་ཞུགས་ངན་པ་རྣམ་པ་སྣ་ཚོགས་ལ་མངོན་
D112.050.0225b01.01པར་བརྩོན་པར་གྱུར་པ་དེའི་ཚེ་ན། བདག་འདུལ་བའི་སེམས་ཅན་རྣམས་ཀྱི་དགེ་བའི་རྩ་བ་ཡོངས་སུ་སྨིན་པར་བགྱི་བའི་སླད་དུ། དགའ་ལྡན་གྱི་གནས་ནས་བབས་ཏེ་འཁོར་ལོས་སྒྱུར་བའི་རིགས་རྒྱུད་ཁྱད་པར་དུ་འཕགས་པའི་དབང་ཕྱུག་རྒྱལ་པོའི་རིགས་སུ་བཙུན་མོ་དམ་པའི་
D112.050.0225b02.01ཁོང་དུ་མངལ་ན་གནས་པ་ཉེ་བར་འཛིན་པར་གྱུར་ཅིག །དེའི་ཚེ་བདག་གིས་ཐམས་ཅད་དང་ལྡན་པའི་སངས་རྒྱས་ཀྱི་ཞིང་མི་མཇེད་སྣང་བ་རྒྱ་ཆེན་པོས་ཁྱབ་པར་བགྱིད་པར་འགྱུར་ཞིང་། སྟེང་དུ་ནི་འོག་མིན་གྱི་གནས་ཀྱི་བར་གྱི་མཐར་ཐུག་པའི་བར་དང་། འོག་ཏུ་ནི་གསེར་གྱི་
D112.050.0225b03.01འཁོར་ལོའི་མཐར་ཐུག་པའི་བར་དག་ཀྱང་སྣང་བ་རྒྱ་ཆེན་པོས་ཁྱབ་པར་བགྱིད་པར་གྱུར་ཅིག །དེའི་ཚེ་ན་སངས་རྒྱས་ཀྱི་ཞིང་མི་མཇེད་ན་སེམས་ཅན་གང་དག་སེམས་ཅན་དམྱལ་བ་རྣམས་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ལྷ་དང་མི་རྣམས་སུ་
D112.050.0225b04.01སྐྱེས་པར་གྱུར་པ་དེ་དག་ཐམས་ཅད་ཀྱིས་ཀྱང་སྣང་བ་དེ་མཐོང་ཞིང་རེག་པ་དང་། ཀུན་ཏུ་འཚལ་བར་གྱུར་ཅིག །འཁོར་བ་ལ་རྟོག་ཅིང་སྡུག་བསྔལ་གྱིས་ཡིད་བྱུང་བ་དེ་དག་ཀྱང་མྱ་ངན་ལས་འདས་པར་འཚལ་ཞིང་ཐ་ན་ཉོན་མོངས་པ་ཞི་བར་བགྱི་བ་དེའི་སེམས་སྐྱེད་པར་ཡང་གྱུར་ཅིག །དང་
D112.050.0225b05.01པོར་ལམ་མཆོག་གི་ས་བོན་འདི་ཡང་སྐྱེད་པར་གྱུར་ཅིག །གང་གི་ཚེ་བདག་ཆོས་ཐམས་ཅད་ཀྱི་ཚུལ་ལ་མཁས་པའི་ཏིང་ངེ་འཛིན་ཐམས་ཅད་སྟོན་པའི་ཆོས་ཀྱི་སྒོ་གཅིག་གིས་བསྐལ་པ་ཕྱི་མའི་མཐར་སྟོན་ཅིང་སེམས་མཉམ་པར་བཞག་ནས་ཟླ་བ་བཅུར་མའི་མངལ་ན་གནས་པར་གྱུར་
D112.050.0225b06.01ཅིག །བདག་གིས་སངས་རྒྱས་ཉིད་ཐོབ་ནས་ཡོངས་སུ་སྐྱོ་བའི་སེམས་ཅན་གང་དག་འཁོར་བ་ལས་ཡོངས་སུ་ཐར་བར་བགྱིད་པར་འགྱུར་བའི་སེམས་དེ་དག་གིས། བདག་ཟླ་བ་བཅུར་མའི་མངལ་ན་ནོར་བུའི་སྙིང་པོ་ཡང་དག་པར་སྟོན་པ་ལ་སེམས་མཉམ་པར་བཞག་ནས་སྐྱིལ་མོ་ཀྲུང་
D112.050.0225b07.01