完整藏文原文 · 德格版页 当前仅加载第 50 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བའི་ཡོན་ཏན་གྱི་གནས་པས་ལོ་བདུན་དུ་གནས་པ་དང་། དེ་ལྟ་བུའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་དག་མཐོང་ཞིང་སངས་རྒྱས་ཀྱི་ཞིང་ཡོངས་སུ་དག་པའི་ཡོན་ཏན་བཀོད་པའི་སྨོན་ལམ་སེམས་ཤིང་འདུག་པ་དེ་བཞིན་དུ་རྒྱལ་བུ་ཐུ་བོ་མིག་མི་འཛུམས་དང་།
D112.050.0168a01.01མུ་ཁྱུད་དང་། དབང་པོའི་ཚོགས་དང་། དེ་བཞིན་དུ་རྒྱལ་བུ་སྟོང་པོ་དེ་དག་ཐམས་ཅད་དང་། ཁམས་ཀྱི་རྒྱལ་པོ་བརྒྱད་ཁྲི་བཞི་སྟོང་དང་། གཞན་ཡང་སྲོག་ཆགས་དུང་ཕྱུར་ཕྲག་དགུ་དང་། བྱེ་བ་ཕྲག་གཉིས་པོ་ཐམས་ཅད་ཀྱང་དེ་ལྟར་ལོ་བདུན་དུ་གཅིག་པུ་དབེན་པར་སོང་སྟེ་ནང་དུ་
D112.050.0168a02.01ཡང་དག་འཇོག་ལ་ཞུགས་ནས། ཕྱོགས་བཅུའི་ཕྱོགས་རེ་རེར་ཡང་འཇིག་རྟེན་གྱི་ཁམས་སངས་རྒྱས་ཀྱི་ཞིང་སྟོང་གི་རྡུལ་ཕྲ་རབ་ཀྱི་རྡུལ་སྙེད་དག་ཀྱང་མཐོང་ལ། ལོ་བདུན་གྱི་བར་དུ་དེ་དག་འདོད་ཆགས་ལ་འདུན་པ་མ་སྐྱེས་ཤིང་། ཞེ་སྡང་ལ་འདུན་པ་མེད། གཏི་མུག་ལ་འདུན་
D112.050.0168a03.01པ་མེད། དེ་དག་ལ་ངལ་བའི་གནས་སྐྱེས་པར་མ་གྱུར་པའི་བར་དུ་སྟེ། རྟག་པར་རྒྱུན་དུ་ཕྱོགས་བཅུའི་ཕྱོགས་རེ་རེར་ཡང་སངས་རྒྱས་ཀྱི་ཞིང་གི་ཡོན་ཏན་བཀོད་པ་སངས་རྒྱས་ཀྱི་ཞིང་སྟོང་གི་རྡུལ་ཕྲ་རབ་སྙེད་དག་མཐོང་ཡང་དེ་དག་གི་མིག་ལམ་དུ་རི་རབ་ཀྱང་སྣང་བར་མ་གྱུར། རི་གཞན་
D112.050.0168a04.01དག་ཀྱང་མ་ཡིན། ལྷའི་གཞལ་མེད་ཁང་གི་བར་དག་ཀྱང་མིག་ལམ་དུ་སྣང་བར་མ་གྱུར་ཏེ། དེ་དག་གིས་ཇི་ལྟར་སངས་རྒྱས་ཀྱི་ཞིང་གི་ཡོན་ཏན་བཀོད་པ་དག་མཐོང་བ་དེ་བཞིན་དུ་སངས་རྒྱས་ཀྱི་ཞིང་ཡོངས་སུ་དག་པའི་ཡོན་ཏན་བཀོད་པའི་སྨོན་ལམ་སེམས་ཤིང་ཐམས་ཅད་ཀྱང་ཡོན་ཏན་གྱི་
D112.050.0168a05.01གནས་པ་དེ་ལྟ་བུས་ལོ་བདུན་དུ་གནས་ཏེ། ཁ་ཅིག་ནི་སངས་རྒྱས་ཀྱི་ཞིང་ཡོངས་སུ་དག་པའི་ཡོན་ཏན་བཀོད་པ་དག་སེམས་སོ། །ཁ་ཅིག་ནི་སངས་རྒྱས་ཀྱི་ཞིང་ཡོངས་སུ་མ་དག་པའི་ཡོན་ཏན་བཀོད་པ་དག་སེམས་སོ། །དེ་ནས་བྲམ་ཟེ་རྒྱ་མཚོའི་རྡུལ་གྱིས་ལོ་བདུན་པོ་དེ་དག་ཐལ་ཞིང་རྫོགས་
D112.050.0168a06.01པར་རིག་ནས་རིན་པོ་ཆེ་སྣ་བདུན་འབུལ་བར་འདོད་པའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་
D112.050.0168a07.01