完整藏文原文 · 德格版页 当前仅加载第 50 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་འབུམ་པོ་དེ་དག་གིས་མི་སྐྱེ་བའི་ཆོས་ལ་བཟོད་པ་ཐོབ་ནས་དེ་བཞིན་གཤེགས་པ་ཤཱཀྱ་ཐུབ་པས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོས་ཆོས་ཀྱི་རྣམ་གྲངས་འདི་བཤད་པ་ན་བྱང་
D112.050.0266b01.01ཆུབ་སེམས་དཔའ་སེམས་དཔའ་ཆེན་པོ་གང་གཱའི་ཀླུང་བཞི་བཅུ་རྩ་བརྒྱད་ཀྱི་བྱེ་མ་སྙེད་ཀྱིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་གླིང་བཞི་པའི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་སྙེད་ཀྱིས་ནི་ཕྱིར་མི་ལྡོག་པའི་ས་ཐོབ་
D112.050.0266b02.01པར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་གཱའི་ཀླུང་གི་བྱེ་མ་སྙེད་ཀྱིས་ནི་ཏིང་ངེ་འཛིན་གྱི་སྒོ་བསྟན་པ་དང་། ཚོགས་རྣམ་པར་དག་པའི་སྒོའི་ཆོས་ཀྱི་རྣམ་གྲངས་འདི་མཐའ་དག་ཡོངས་སུ་རྫོགས་ཤིང་རྣམ་པར་དག་པའི་ཡེ་ཤེས་ཁོང་དུ་ཆུད་པར་
D112.050.0266b03.01གྱུར་ཏོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་དེ་ཡང་མཆོག་ཏུ་དགའ་བ་དང་རབ་ཏུ་དང་བ་དེས་གཞོན་ནུ་ལོ་ཉི་ཤུ་ལོན་པ་ལྟ་བུར་རེད་ནས་དེ་བཞིན་གཤེགས་པ་རིན་པོ་ཆེའི་སྙིང་པོའི་ཞབས་འབྲིང་དུ་འབྲང་བར་གྱུར་ཏོ། །
D112.050.0266b04.01རིགས་ཀྱི་བུ་རྒྱལ་པོ་བདུད་རྩི་དག་པ་དེ་ཡང་བུ་སྟོང་དང་། ཁམས་ཀྱི་རྒྱལ་པོ་བརྒྱད་ཁྲི་དང་། གཞན་ཡང་སྲོག་ཆགས་བྱེ་བ་ཕྲག་དགུ་བཅུ་རྩ་གཉིས་དང་ལྷན་ཅིག་འགྲོགས་ཏེ། མངོན་པར་བྱུང་ཞིང་རབ་ཏུ་བྱུང་ནས་ཚུལ་ཁྲིམས་དང་། ཐོས་པ་དང་། ཏིང་ངེ་འཛིན་
D112.050.0266b05.01དང་། དེས་པ་དག་གིས་མངོན་པར་བརྩོན་པར་བྱས་པར་གྱུར་ཏོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་དེས་ཀྱང་དེ་བཞིན་གཤེགས་པ་རིན་པོ་ཆེའི་སྙིང་པོའི་ཐད་ནས་མཐར་གྱིས་ཉན་ཐོས་ཀྱི་ཐེག་པའི་གཏམ་གྱི་ཆོས་
D112.050.0266b06.01ཀྱི་ཕུང་པོ་བརྒྱད་ཁྲི་བཞི་སྟོང་བཀླགས་ཤིང་ཀུན་ཆུབ་པར་བྱས་སོ། །རང་སངས་རྒྱས་ཀྱི་ཐེག་པའི་གཏམ་གྱི་ཆོས་ཀྱི་ཕུང་པོ་དགུ་ཁྲི་ལུང་མནོས་ཤིང་བཀླགས་ཏེ་ཀུན་ཆུབ་པའི་བར་དུ་བྱས་སོ། །དེ་བཞིན་དུ་བླ་ན་མེད་པའི་ཐེག་པ་ཆེན་པོའི་གཏམ་ལ་ཡང་ལུས་དྲན་པ་ཉེ་བར་
D112.050.0266b07.01