完整藏文原文 · 德格版页 当前仅加载第 50 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་བྱུང་བའི་རྟགས་ཅན་ནམ། ཁྱིམ་པའི་རྟགས་ཅན་ལྟུང་བ་བྱུང་བའམ། ལྟུང་བ་མ་བྱུང་བ་དག་ལ་སྐུར་བར་བགྱིད་པར་མ་གྱུར་ཅིག །བདག་རྙེད་པ་དང་། བཀུར་སྟི་དང་། ཚིགས་སུ་བཅད་པ་དག་ལ་རྟག་ཏུ་མེ་དང་། དུག་དང་། མཚོན་ཆ་ལྟ་བུར་འདུ་ཤེས་སྐྱེད་
D112.050.0195a01.01པར་གྱུར་ཅིག །བཙུན་པ་བཅོམ་ལྡན་འདས་གལ་ཏེ་བདག་གིས་ཇི་ལྟར་བཅོམ་ལྡན་འདས་ཀྱི་སྤྱན་སྔར་སྨོན་ལམ་བཏབ་པའི་སྨོན་ལམ་འདི་དག་བྱང་ཆུབ་ཀྱི་མཐར་ཐུག་པ་ཉེ་བར་བཟུང་བའི་བར་དུ་ཡང་དག་པར་འགྲུབ་པར་འགྱུར་བ་ལྟ་ན། དེའི་སླད་དུ་བདག་གི་སུག་པ་གཉིས་སུ་
D112.050.0195a02.01ལྷའི་འཁོར་ལོ་རིན་པོ་ཆེའི་རྩིབས་སྟོང་མཆིས་པ། ལྟེ་བ་དང་བཅས་པ། མུ་ཁྱུད་དང་བཅས་པ། ཉི་མའི་ཁ་དོག་ལྟར་འོད་གསལ་བ་དག་འབྱུང་བར་གྱུར་ཅིག །རྒྱལ་བུ་སྡིག་མེད་ཀྱིས་ཚིག་དེ་སྐད་སྨྲས་མ་ཐག་ཏུ་ལག་པ་གཉིས་སུ་ཇི་ལྟར་འདོད་པ་དེ་ལྟ་བུའི་འཁོར་ལོ་དག་བྱུང་བར་གྱུར་
D112.050.0195a03.01པ་དང་། ཡང་གསོལ་པ། བཙུན་པ་བཅོམ་ལྡན་འདས་གལ་ཏེ་བྱང་ཆུབ་ཀྱི་མཐར་ཐུག་གི་བར་དུ་བདག་གི་རེ་བ་འདི་ལྟ་བུ་ཡོངས་སུ་རྫོགས་པར་འགྱུར་བ་ལྟ་ན། དེའི་སླད་དུ་འཁོར་ལོ་འདི་དག་འདི་ལྟར་ཐམས་ཅད་དང་ལྡན་པའི་སངས་རྒྱས་ཀྱི་ཞིང་དག་སྒྲས་མངོན་པར་གོ་བར་བགྱི་བ་དང་།
D112.050.0195a04.01བྱང་ཆུབ་སེམས་དཔའ་ལུང་སྟོན་པ་དྲན་པ་མི་བརྗེད་པའི་ཡེ་ཤེས་མཐོང་བ་དང་། སྟོང་པ་ཉིད་བསྒོམ་པ་ལ་སྤྱོད་པ་སངས་རྒྱས་ཀྱི་ཡུལ་གྱི་ཆོས་ཀྱི་རྣམ་གྲངས་འདི་སྤྱོད་དུ་སྩལ་བའི་སླད་དུ་ཇི་ལྟར་ཀླུའི་རྒྱལ་པོ་དགའ་བོ་དང་། ཉེ་དགའ་བོ་གཉིས་མཆིས་པ་དེ་ལྟ་བུའི་སྒྲ་གསང་མཐོན་པོས་
D112.050.0195a05.01སངས་རྒྱས་ཀྱི་ཞིང་སྙིགས་མ་ལྔ་དང་ལྡན་པ་སྟོང་པ་དག་དུ་མཆི་བར་གྱུར་ཅིག །གང་དག་དེར་སྐྱེས་པའི་སེམས་ཅན་དེ་དག་ཐམས་ཅད་ཀྱིས་རྣ་བའི་དབང་པོ་དག་ཏུ་ཡང་ཆོས་ཀྱི་རྣམ་གྲངས་འདི་གྲག་པར་གྱུར་ཅིག །གྲགས་མ་ཐག་ཏུ་ཡང་སེམས་ཅན་དེ་དག་གི་འདོད་ཆགས་རབ་ཏུ་ཞི་བར་
D112.050.0195a06.01གྱུར་ཅིག །ཞེ་སྡང་དང་། གཏི་མུག་དང་། ང་རྒྱལ་དང་། ཕྲག་དོག་དང་། སེར་སྣ་རབ་ཏུ་ཞི་བར་གྱུར་ཅིག །ཐམས་ཅད་ཀྱང་སངས་རྒྱས་རྗེས་སུ་དྲན་པ་ཡིད་ལ་བགྱིད་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་གྱུར་ཅིག །རིགས་ཀྱི་བུ་རྒྱལ་བུ་སྡིག་མེད་ཀྱིས་
D112.050.0195a07.01