完整藏文原文 · 德格版页 当前仅加载第 50 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
གླིང་མྱུལ་ཅིང་སེམས་ཅན་བགྲང་བ་ལས་ཡང་དག་པར་འདས་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་འཛིན་དུ་བཅུག་ནས་བཏུལ་ཅིང་བཙུད་དེ་རབ་ཏུ་བཀོད་པ་གང་ཡིན་པ་དང་། བདག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D112.050.0155a01.01རྫོགས་པའི་སངས་རྒྱས་དགེ་སློང་གི་དགེ་འདུན་དང་བཅས་པ་ཡོ་བྱད་ཐམས་ཅད་ཀྱིས་ལོ་བདུན་དུ་སྤྱན་དྲངས་པ་དེས་ན། བདག་གིས་སྣང་བ་ཆེན་པོ་མཐོང་ཞིང་ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་ཀྱང་མཐོང་ལ། ཕྱོགས་བཅུའི་སངས་རྒྱས་ཀྱི་ཞིང་གཞན་དག་ནས་སངས་རྒྱས་
D112.050.0155a02.01བཅོམ་ལྡན་འདས་རྣམས་ཀྱིས་པད་མ་དག་བསྐུར་ཞིང་། བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་པ་གང་ཡིན་པ་དེས་སངས་རྒྱས་བཅོམ་ལྡན་འདས་དེ་དག་གིས་བདག་ལ་གདུགས་དག་བསྐུར་བ་ཡིན་ན། བདག་གིས་པད་མ་དེ་དག་ལ་ཉི་
D112.050.0155a03.01མའི་གཟུགས་དག་མཐོང་བ་གང་ཡིན་པ་དང་། བདག་གིས་འོད་ཟེར་དེ་དག་རང་གི་ཁར་ཞུགས་པར་མཐོང་བ་གང་ཡིན་པ་དང་། ལུས་ཆེན་པོར་གྱུར་པར་མཐོང་བ་གང་ཡིན་པ་དང་། ཉི་མའི་གཟུགས་རྣམས་ཕྲེང་བ་དངར་བར་མཐོང་བ་གང་ཡིན་པ་དང་། ཁོང་པ་ན་བྱང་ཆུབ་སེམས་
D112.050.0155a04.01དཔའ་བྱེ་བ་ཁྲག་ཁྲིག་འབུམ་ཕྲག་དྲུག་ཅུ་པད་མ་དག་ལ་སྐྱིལ་མོ་ཀྲུང་བཅས་ཏེ་འདུག་ཅིང་བསམ་གཏན་བྱེད་པ་གང་ཡིན་པ་དེ་ལྟ་བུའི་རྨི་ལམ་དག་རྨི་བ་དང་། བདག་གིས་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དག་མཐོང་ཞིང་པད་མ་འདི་དག་བགོས་ཤིག་ཅེས་བསྒོ་བ་
D112.050.0155a05.01གང་ཡིན་པ་དང་། བདག་གིས་པད་མ་དེ་དག་བགོས་ཏེ་བྱིན་པ་གང་ཡིན་པའི་རྨི་ལམ་དེ་དག་བདག་གིས་བཅོམ་ལྡན་འདས་ལ་གསོལ་ཞིང་རྒྱུ་གང་དང་རྐྱེན་གང་གིས་ན་བདག་ལ་དེ་ལྟ་བུའི་རྨི་ལམ་དག་རྨིས་ཞེས་བདག་གིས་དེ་བཞིན་གཤེགས་པ་ལ་ཞུའོ་སྙམ་མོ། །དེ་ནས་བྲམ་ཟེ་རྒྱ་
D112.050.0155a06.01མཚོའི་རྡུལ་གྱིས་དེ་ཉིད་ཀྱི་མཚན་མོ་འདས་པ་དང་ཞལ་ཟས་སྦྱར་ནས་ནང་པར་སྔར་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བདག་ཉིད་ཀྱིས་བཅོམ་ལྡན་འདས་དང་། དགེ་སློང་གི་དགེ་འདུན་ཕྱག་ཆབ་གསོལ་ཏོ། །ཕྱག་ཆབ་གསོལ་ནས་ཀྱང་བདག་ཉིད་ལག་དར་ཏེ་
D112.050.0155a07.01