完整藏文原文 · 德格版页 当前仅加载第 50 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
གདགས་པའི་སླད་དུ་བཏང་བའི་ཚོགས་རྣམས་ཡོངས་སུ་གཏོང་བར་གྱུར་ཅིག །གལ་ཏེ་ཡང་གཏང་བར་དཀའ་བ་སློང་བའི་སེམས་ཅན་དག་མཆིས་ནས་འདི་ལྟ་སྟེ། བྲན་དང་། བྲན་མོ་དང་། གྲོང་དང་། གྲོང་ཁྱེར་དང་། རྒྱལ་སྲིད་དང་། མཆིས་བྲང་དང་། བུ་དང་།
D112.050.0220b01.01བུ་མོ་དང་། ལག་པ་ཡོངས་སུ་བཏང་བ་དང་། རྐང་པ་ཡོངས་སུ་བཏང་བ་དང་། རྣ་བ་དང་། སྣ་དང་། མིག་དང་། ལྕེ་དང་། པགས་པ་དང་། ཁྲག་དང་། རུས་པ་དང་། ལུས་དང་། སྲོག་དང་། མགོ་ཡོངས་སུ་བཏང་བ་དེ་ལྟ་བུའི་ཡོངས་སུ་གཏོང་བ་དག་སློང་བར་
D112.050.0220b02.01བགྱིད་ན་ཡང་མཆོག་ཏུ་དགའ་ཞིང་སྙིང་རྗེའི་ཡིད་ཀྱིས་འབྲས་བུ་མི་འཚལ་བར་འདུལ་བ་རྣམས་ལ་ཕན་གདགས་པའི་སླད་དུ་སེམས་ཅན་རྣམས་ལ་སྦྱིན་པ་སྦྱིན་པར་གྱུར་ཅིག །བདག་གིས་འདི་ལྟ་བུའི་སྦྱིན་པའི་ཕ་རོལ་ཏུ་ཕྱིན་པ་ལ་ཡང་སྤྱད་པར་བགྱི་སྟེ། གང་སྔོན་ཆད་ནམ་
D112.050.0220b03.01ཡང་སེམས་ཅན་གང་གིས་ཀྱང་དེ་ལྟ་བུའི་ཡོངས་སུ་གཏོང་བ་ཡོངས་སུ་བཏང་བར་མ་གྱུར་པ་དང་། སླན་ཆད་ཀྱང་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སླད་དུ་སྤྱད་པ་སྤྱོད་པ་གང་ཡང་དེ་ལྟ་བུའི་ཡོངས་སུ་གཏོང་བ་ཡོངས་སུ་གཏོང་བར་མི་འགྱུར་བ་
D112.050.0220b04.01དེ་ལྟ་བུ་ཡོངས་སུ་གཏོང་བ་དག་ཡོངས་སུ་གཏོང་བར་གྱུར་ཅིག །གང་དག་ཚེ་རབས་གཞན་ན་བསྐལ་པ་བྱེ་བ་ཁྲག་ཁྲིག་འབུམ་ཕྲག་གྲངས་མ་མཆིས་པ་དེ་དང་དེ་དག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སླད་དུ་སྤྱད་པ་སྤྱོད་པ་ན་ཡང་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་
D112.050.0220b05.01པར་གྱུར་ཅིག །བདག་གིས་སླད་མའི་བྱང་ཆུབ་སེམས་དཔའ་སྙིང་རྗེ་ཆེན་པོ་དང་ལྡན་པ་གང་ལགས་པ་རྣམས་ཀྱང་ཡོངས་སུ་གཏོང་བའི་ཚུལ་གྱི་ཡོན་ཏན་ལ་འགོད་པར་གྱུར་ཅིག །ཉོན་མོངས་པའི་གཡུལ་རབ་ཏུ་ཞི་བ་གང་ལགས་པ་དེ་ནི། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་
D112.050.0220b06.01ལགས་ཏེ། དེ་ལྟར་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སླད་དུ་སྤྱད་པ་སྤྱོད་པ་ན་རྟག་པར་ཚུལ་ཁྲིམས་དང་བརྟུལ་ཞུགས་སྣ་ཚོགས་ཀྱི་དཀའ་བ་སྤྱད་པ་སྤྱོད་པར་གྱུར་ཅིག །ཇི་ལྟར་སྔར་སྨོས་པ་བཞིན་དུ་ཡུལ་རྣམས་ལ་མི་བཟོད་པ་མ་མཆིས་པ་དང་། བདག་
D112.050.0220b07.01