完整藏文原文 · 德格版页 当前仅加载第 50 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཙམ་ལ་ཡང་རྟག་ཏུ་སངས་རྒྱས་རྗེས་སུ་དྲན་པའི་སེམས་དང་སེམས་ལས་བྱུང་བ་དག་འཇུག་པར་གྱུར་ཅིག །བདག་བྱང་ཆུབ་ཀྱི་མཐར་ཐུག་གི་བར་དུ་སངས་རྒྱས་མཐོང་བ་དང་། ཆོས་ཉན་པ་དང་། དགེ་འདུན་ལ་བསྙེན་བཀུར་བགྱིད་པ་དང་མི་འབྲལ་བར་གྱུར་ཅིག །ཚེ་རབས་
D112.050.0194b01.01ཐམས་ཅད་དུ་ཡང་རབ་ཏུ་འབྱུང་བ་ཐོབ་པར་གྱུར་ཅིག །ཚེ་རབས་ཐམས་ཅད་དུ་ཕྱག་དར་ཁྲོད་པར་གྱུར་ཅིག །ཆོས་གོས་གསུམ་པ་དང་། ཤིང་དྲུང་པ་དང་། ཅོག་བུ་པ་དང་། དགོན་པ་པ་དང་། བསོད་སྙོམས་པ་དང་། འདོད་པ་ཆུང་བ་དང་། ཆོག་ཤེས་པ་དང་། ཆོས་སྟོན་པ་དང་།
D112.050.0194b02.01ཚིག་བཙུན་པ་དང་སྤོབས་པ་དཔག་ཏུ་མ་མཆིས་པ་ཕུན་སུམ་ཚོགས་པར་གྱུར་ཅིག །ལྟུང་བའི་རྩ་བ་འབྱུང་བར་མ་གྱུར་ཅིག །{བརྫུན་,རྫུན་}དུ་སྨྲ་བ་དང་ལྡན་པའི་ཚིག་རྣམས་ཀྱིས་ཕས་ཀྱི་རྒོལ་བ་འདུལ་བར་མ་གྱུར་ཅིག །བུད་མེད་ལ་སྟོང་པ་ཉིད་དང་ལྡན་པའི་ཆོས་སྟོན་པར་མ་གྱུར་ཅིག །སྟོང་
D112.050.0194b03.01པ་ཉིད་ཡིད་ལ་བགྱིད་པས་བུད་མེད་ལ་ཆོས་སྟོན་པར་བགྱིད་པར་མ་གྱུར་ཅིག །ལག་པ་སྒྱུར་ཞིང་ཆོས་སྟོན་པར་མ་གྱུར་ཅིག །རྟག་ཏུ་བདག་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ལ་སྟོན་པའི་འདུ་ཤེས་སྐྱེད་པར་གྱུར་ཅིག །བདག་ཆོས་སྨྲ་བ་གང་ལ་ཆོས་
D112.050.0194b04.01ཉན་པ་ན་དེ་ལ་སྟོན་པའི་འདུ་ཤེས་ཀྱིས་བསྙེན་བཀུར་བགྱིད་པར་གྱུར་ཅིག །བདག་ཆོས་སྨྲ་བ་དེ་ལ་དེ་བཞིན་གཤེགས་པ་ལ་ཇི་ལྟ་བ་དེ་ལྟར་རིམ་གྲོ་བགྱིད་པ་དང་། བསྙེན་བཀུར་བགྱིད་པ་དང་། བླ་མར་བགྱིད་པ་དང་། རི་མོར་བགྱིད་པ་དང་། མཆོད་པར་བགྱིད་པར་གྱུར་ཅིག །ཆོས་སྨྲ་
D112.050.0194b05.01བ་ལ་བདག་གི་ཤ་དག་གི་བར་གྱིས་ཀྱང་བསྙེན་བཀུར་བགྱིད་པར་གྱུར་ཅིག །བདག་སྣོད་དང་སྣོད་མ་ལགས་པར་མི་རྟོག་པར་སྦྱིན་པ་སྦྱིན་པར་གྱུར་ཅིག །བདག་ཆོས་ཀྱི་སྦྱིན་པ་ལ་སེར་སྣའི་སེམས་དང་སེམས་ལས་བྱུང་བ་དག་སྐྱེད་པར་མ་གྱུར་ཅིག །བདག་བྱང་ཆུབ་དོན་དུ་གཉེར་བའི་
D112.050.0194b06.01སེམས་ཅན་རྣམས་ལ་རང་གི་སྲོག་གི་སྦྱིན་པས་ཡོངས་སུ་སྐྱོབ་པར་གྱུར་ཅིག །བདག་ཉིད་ཀྱི་བརྩོན་འགྲུས་ཀྱི་སྟོབས་དང་། སྨོན་ལམ་གྱིས་ཉེ་བར་བསྒྲུབས་པའི་རྫས་ཀྱིས་སེམས་ཅན་སྡུག་བསྔལ་བར་གྱུར་པ་རྣམས་སྡུག་བསྔལ་དག་ལས་ཡོངས་སུ་ཐར་བར་བགྱིད་པར་གྱུར་ཅིག །བདག་
D112.050.0194b07.01