完整藏文原文 · 德格版页 当前仅加载第 50 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལས་ཆོས་མཉན་པའི་ཕྱིར་གླིང་བཞི་པ་འདིར་ལྷགས་སོ། །གླིང་བཞི་པ་གཉིས་པའི་ལྷ་མ་ཡིན་གྱི་དབང་པོ་དང་། བདུད་དང་། ཚངས་པ་རྣམས་ཀྱང་དེ་བཞིན་ནོ། །དེ་བཞིན་དུ་གླིང་བཞི་པ་གསུམ་པ་དང་། བཞི་པ་དང་། ལྔ་པའི་བར་དག་གི་བརྒྱ་བྱིན་དང་། ལྷའི་
D112.050.0165b01.01བུ་རབ་འཐབ་བྲལ་དང་། ཡོངས་སུ་དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་དང་། ལྷ་མ་ཡིན་གྱི་དབང་པོ་དང་། བདུད་དང་། ཚངས་པ་རྣམས་ཀྱང་བཅོམ་ལྡན་འདས་ཀྱི་མཐུས་ཆོས་མཉན་པའི་བར་གྱི་ཕྱིར་དེ་དག་འཁོར་དང་བཅས་ཏེ་གླིང་བཞི་པ་
D112.050.0165b02.01འདིར་ལྷགས་སོ། །དེ་བཞིན་དུ་སྟོང་གསུམ་གྱི་སྟོང་ཆེན་པོའི་སངས་རྒྱས་ཀྱི་ཞིང་གི་བར་དག་ནས་ཀྱང་བརྒྱ་བྱིན་ཐེར་འབུམ་དང་། ལྷའི་བུ་རབ་འཐབ་བྲལ་ཐེར་འབུམ་དང་། ཡོངས་སུ་དགའ་ལྡན་ཐེར་འབུམ་དང་། འཕྲུལ་དགའ་ཐེར་འབུམ་དང་། གཞན་འཕྲུལ་དབང་བྱེད་ཐེར་འབུམ་
D112.050.0165b03.01དང་། ལྷ་མ་ཡིན་གྱི་དབང་པོ་ཐེར་འབུམ་དང་། བདུད་ཐེར་འབུམ་དང་། ཚངས་པ་ཆེན་པོ་ཐེར་འབུམ་དག་ཀྱང་བཅོམ་ལྡན་འདས་ཀྱི་མཐུས་ཚངས་པ་ཆེན་པོའི་བར་དུ་རེ་རེ་ཞིང་ཡང་ཚངས་རིས་ཀྱི་ལྷ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་བྱེ་བ་ཁྲག་ཁྲིག་
D112.050.0165b04.01འབུམ་ཕྲག་དུ་མའི་བར་དག་གིས་ཡོངས་སུ་བསྐོར་ཅིང་མདུན་དུ་བདར་ནས་བཅོམ་ལྡན་འདས་དང་། དགེ་སློང་གི་དགེ་འདུན་ལ་བལྟ་བ་དང་། ཕྲད་པར་བྱ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། བཅོམ་ལྡན་འདས་ལས་ཆོས་མཉན་པའི་ཕྱིར་གླིང་བཞི་པ་འདིར་ལྷགས་སོ། །དེའི་
D112.050.0165b05.01ཚེ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དག་ཀྱང་ཁྱབ་པར་མ་གྱུར་པའི་ས་ཕྱོགས་དེ་ནི་ཅུང་ཟད་ཀྱང་མེད་དོ། །རིགས་ཀྱི་བུ་དེ་ནས་བྲམ་ཟེ་རྒྱ་མཚོའི་རྡུལ་འདི་སྙམ་དུ་སེམས་ཏེ། གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བདག་གི་རེ་བ་ཡོངས་སུ་རྫོགས་པར་
D112.050.0165b06.01འགྱུར་ཞིང་། ཇི་ལྟར་རྣམ་ཐོས་ཀྱི་བུ་ཐེར་འབུམ་དང་། ཚངས་པ་ཆེན་པོ་ཐེ་འབུམ་གྱི་བར་འདི་དག་བདག་དང་འཐུན་པར་འཇུག་པ་དེ་བཞིན་དུ་བཅོམ་ལྡན་འདས་ཀྱང་བདག་དང་འཐུན་པར་མཛད་པ་ལྟ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བར་གྱི་མི་དང་། དུད་འགྲོ་དང་།
D112.050.0165b07.01