完整藏文原文 · 德格版页 当前仅加载第 50 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་ནས་དགུང་ཕྱེད་ན་མངོན་པར་བྱུང་སྟེ། རྒྱན་དང་ལྷབ་ལྷུབ་སྤངས་ནས་ཡང་དང་ཡང་དུ་གོས་དམར་པོ་དང་། ཆོས་གོས་ངུར་སྨྲིག་ཡོངས་སུ་ཚོལ་བ་དང་། བྱང་ཆུབ་ཀྱི་ཤིང་དྲུང་དུ་ཉེ་བར་བགྲོད་པའི་སླད་དུ་མཆི་བ་མཐོང་བར་གྱུར་པའི་སེམས་ཅན་དེ་དག་ལ་ཡང་བདག་
D112.050.0227a01.01གིས་བསོད་ནམས་ཐམས་ཅད་ཡང་དག་པར་བསྩགས་པའི་ཏིང་ངེ་འཛིན་གྱིས། ཅི་ནས་ཀྱང་ཐེག་པ་གསུམ་པོ་དག་གིས་སེམས་ཅན་དེ་དག་འདུན་པ་དྲག་ཅིང་བརྩོན་པར་གྱུར་པ་དེ་ལྟར་ཆོས་སྟོན་པར་གྱུར་ཅིག །དེ་ན་གང་དག་རང་སངས་རྒྱས་ཀྱི་ཐེག་པ་བར་གྱུར་པའི་སེམས་ཅན་དེ་
D112.050.0227a02.01དག་ཐམས་ཅད་ཀྱིས་རྣམ་པར་སྣང་བྱེད་མེ་ཏོག་གི་ཏིང་ངེ་འཛིན་ཐོབ་པར་གྱུར་ཅིག །གང་དག་གིས་ཐེག་པ་ཆེན་པོའི་ས་བོན་བཏབ་པར་གྱུར་པ་དེ་དག་ཐམས་ཅད་ཀྱིས་རྡོ་རྗེའི་ཏིང་ངེ་འཛིན་རྒྱ་མཚོ་འཁྲུགས་ཀྱི་ཏིང་ངེ་འཛིན་ཐོབ་པར་གྱུར་ཅིག །ཏིང་ངེ་འཛིན་དེས་ས་གསུམ་པོ་དག་ལས་
D112.050.0227a03.01ཡང་དག་པར་འདས་པར་གྱུར་ཅིག །བདག་ཉིད་ཀྱིས་སྟན་བཏིང་བ་བསྡུས་ཏེ་བྱང་ཆུབ་ཀྱི་ཤིང་དྲུང་དུ་རྡོ་རྗེའི་གདན་བཤམས་པ་ལ་སྐྱིལ་མོ་ཀྲུང་བཅས་ནས་ལུས་དྲང་པོར་བསྲང་སྟེ། མཆིས་ནས་བདག་དབུགས་འབྱུང་བ་དང་། དབུགས་རྔུབ་པ་ཉེ་བར་ཞི་བ་དེ་ལྟ་བུའི་མཁའ་ཁྱབ་
D112.050.0227a04.01ཀྱི་བསམ་གཏན་སྒོམ་པར་གྱུར་ཅིག །བདག་གདུགས་ལ་ལན་ཅིག་བསམ་གཏན་ལས་ལྡང་བར་གྱུར་ཅིག །ལངས་ནས་ཀྱང་ཟས་སུ་ཏིལ་གྱི་འབྲས་བུ་ཕྱེད་ཅིག་འཚལ་བར་གྱུར་ཅིག །ཕྱེད་ནི་སློངས་མོ་པ་ལ་སྩོལ་བར་གྱུར་ཅིག །གང་དག་སངས་རྒྱས་ཀྱི་ཞིང་མི་མཇེད་དུ་
D112.050.0227a05.01གཏོགས་པའི་འོག་མིན་གྱི་གནས་ཀྱི་མཐར་ཐུག་པའི་བར་གྱི་ལྷ་ཇི་སྙེད་པ་དེ་དག་ཐམས་ཅད་ཀྱང་བདག་ལ་མཆོད་པ་བགྱི་བའི་སླད་དུ་ཉེ་བར་མཆི་བར་འགྱུར་ཞིང་། དེ་དག་ཐམས་ཅད་ཀྱང་བདག་དཀའ་བ་སྤྱོད་པའི་དབང་དུ་འགྱུར་བ་དེ་སྲིད་དུ་ཡུན་རིང་པོར་བདག་དེ་ལྟ་བུའི་དཀའ་བ་སྤྱད་པ་སྤྱོད་
D112.050.0227a06.01པར་གྱུར་ཅིག །བཙུན་པ་བཅོམ་ལྡན་འདས་དེ་ན་གང་དག་གིས་ཉན་ཐོས་ཀྱི་ཐེག་པ་བར་ས་བོན་བཏབ་པར་གྱུར་པ་དེ་དག་གི་རྒྱུད་ལ་ཉོན་མོངས་པ་རབ་ཏུ་ཞི་བར་བགྱིད་པར་གྱུར་ཅིག །ཇི་ལྟར་སྔར་སྨོས་པ་བཞིན་དུ་རང་སངས་རྒྱས་ཀྱི་ཐེག་པ་པ་གང་ལགས་པ་དག་ཀྱང་བདག་གིས་འདུལ་
D112.050.0227a07.01