完整藏文原文 · 德格版页 当前仅加载第 50 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
བསྙེན་དང་། དགེ་བསྙེན་མ་དག་ལ་ཆོས་སྟོན་པར་གྱུར་ཅིག །གང་དག་རྩོད་པ་འཚལ་བར་འགྱུར་བ་དེ་དག་ལ་བདག་གིས་ཆོས་ཀྱིས་བརྩད་པའི་བསྟན་བཅོས་རབ་ཏུ་སྟོན་པར་གྱུར་ཅིག །གང་དག་དགེ་བའི་ཆོས་རྣམས་ལ་མངོན་པར་མི་དགའ་བ་དེ་དག་
D112.050.0235a01.01ལ་བདག་གིས་ཞལ་ཏ་བགྱིད་པའི་ལས་སྟོན་པར་གྱུར་ཅིག །ཁ་ཏོན་ལ་མངོན་པར་དགའ་བ་རྣམས་ལ་ནི་སྟོང་པ་ཉིད་ཀྱིས་བསམ་གཏན་གྱི་ཆ་གཅིག་གིས་རྣམ་པར་གྲོལ་བའི་ལམ་སྟོན་པར་གྱུར་ཅིག །སེམས་ཅན་རེ་རེའི་དོན་གྱི་སླད་དུ་ཡང་བདག་དཔག་ཚད་འབུམ་ཕྲག་མང་པོ་
D112.050.0235a02.01དག་ཏུ་སུག་པས་མཆི་བར་འགྱུར་ཞིང་། དོན་དང་། ཚིག་དང་། ཡི་གེ་དང་། ཐབས་དང་། ཆོ་འཕྲུལ་རྣམ་པ་སྣ་ཚོགས་མང་པོ་དག་གིས་སྐྱོ་བ་མ་མཆིས་ཤིང་སྤྲོ་བར་བགྱིད་པར་འགྱུར་བ་དང་། མྱ་ངན་ལས་འདས་པའི་བར་ལ་འགོད་པར་གྱུར་ཅིག །ཏིང་ངེ་འཛིན་གྱི་སྟོབས་ཀྱིས་བདག་
D112.050.0235a03.01གི་ཚེའི་འདུ་བྱེད་ཇི་ཙམ་པའི་ལྔ་ཆ་འདོར་བར་གྱུར་ཅིག །བདག་ཡོངས་སུ་མྱ་ངན་ལས་འདའ་བའི་དུས་ཀྱི་ཚེ་ན་རང་གི་སྐུ་གདུང་བདག་ཉིད་ཀྱིས་ཡུངས་འབྲུའི་ཚད་ཙམ་དུ་གཅོག་པར་འགྱུར་ཞིང་། སེམས་ཅན་རྣམས་ལ་སྙིང་རྗེའི་སླད་དུ་བདག་ནི་སླད་ཀྱིས་ཡོངས་སུ་མྱ་ངན་ལས་འདའ་བར་གྱུར་
D112.050.0235a04.01ཅིག །བདག་ཡོངས་སུ་མྱ་ངན་ལས་འདས་ནས་ཀྱང་ལོ་སྟོང་དུ་དམ་པའི་ཆོས་གནས་པར་གྱུར་ཅིག །ཡང་ལོ་ལྔ་བརྒྱར་ནི་དམ་པའི་ཆོས་ཀྱི་གཟུགས་བརྙན་གནས་པར་གྱུར་ཅིག །སེམས་ཅན་གང་དག་བདག་ཡོངས་སུ་མྱ་ངན་ལས་འདས་པའི་སྐུ་གདུང་རྣམས་ལས་རིན་པོ་ཆེ་རྣམས་
D112.050.0235a05.01དང་། རོལ་མོའི་སྒྲ་དག་གི་བར་གྱིས་མཆོད་པ་བགྱིད་པར་སྤྲོ་བ་སྐྱེ་བར་འགྱུར་བ་དང་། ཐ་ན་སངས་རྒྱས་ཀྱི་མཚན་གཅིག་ཙམ་དང་། ཕྱག་གཅིག་ཙམ་དང་། བསྐོར་བ་གཅིག་ཙམ་དང་། ཐལ་མོ་སྦྱོར་བ་གཅིག་ཙམ་དང་། མེ་ཏོག་གཅིག་ཙམ་གྱི་རྒྱུས་མཆོད་པ་བགྱིད་
D112.050.0235a06.01པར་འགྱུར་བ་དེ་དག་ཐམས་ཅད་ཀྱང་བསམ་པ་ཇི་ལྟ་བ་བཞིན་དུ་ཐེག་པ་གསུམ་པོ་དག་གིས་སླར་མི་ལྡོག་པར་གྱུར་ཅིག །སེམས་ཅན་གང་དག་བདག་ཡོངས་སུ་མྱ་ངན་ལས་འདས་པའི་བསྟན་པ་ལ་ཐ་ན་བསླབ་པའི་གཞི་གཅིག་ཙམ་འཛིན་པར་འགྱུར་རམ། ཅི་སྐད་བསྟན་པ་
D112.050.0235a07.01