完整藏文原文 · 德格版页 当前仅加载第 50 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག །མི་རྣམས་དང་། གནོད་སྦྱིན་དང་། སྲིན་པོ་རྣམས་དང་། དུད་འགྲོའི་སྐྱེ་གནས་ཐམས་ཅད་དང་། གང་དག་ཤ་ཟ་ཞིང་ཁྲག་འཐུང་བ་སོ་སོའི་གནོད་སྦྱིན་རྣམས་དང་། ཐ་ན་གཤིན་རྗེའི་འཇིག་རྟེན་གྱི་བར་དེ་དག་ཀྱང་བདག་གིས་ཚིམ་པར་བྱེད་པར་གྱུར་ཅིག །
D112.050.0275a01.01ཇི་ལྟར་བདག་གིས་སངས་རྒྱས་ཀྱི་ཞིང་གཅིག་ཏུ་རང་གི་ལུས་ཀྱིས་སེམས་ཅན་ཐམས་ཅད་ཚིམ་པར་བྱེད་པར་འགྱུར་བ་དེ་བཞིན་དུ། ཕྱོགས་བཅུ་ཀུན་གྱི་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དག་ཏུ་ཡང་རང་གི་ཤ་དང་། ཁྲག་དང་། པགས་པ་དང་། མིག་དང་།
D112.050.0275a02.01ལྕེའི་བར་དག་དང་། དེ་ལྟ་བུའི་ལུས་ཀྱིས་བསྐལ་པ་ཆེན་པོ་གང་གཱའི་ཀླུང་གི་བྱེ་མ་སྙེད་དུ་སངས་རྒྱས་ཀྱི་ཞིང་དེ་དང་དེ་དག་ཏུ་དེ་ལྟ་བུའི་ལུས་ཐོབ་ནས་རང་གི་ལུས་དང་སྲོག་གིས་སེམས་ཅན་རྣམས་ཚིམ་པར་བྱེད་པར་གྱུར་ཅིག །གལ་ཏེ་བདག་སེམས་ཅན་རྣམས་ཚིམ་པར་བྱ་
D112.050.0275a03.01བའི་ཕྱིར་རང་གི་ལུས་དེ་ལྟ་བུ་དག་ཡོངས་སུ་གཏོང་བར་མི་བྱེད་དམ། ཇི་ལྟར་བདག་རེ་ཞིང་སེམས་པའི་སྨོན་ལམ་དེ་ལྟ་བུ་ཡོངས་སུ་རྫོགས་པར་མ་གྱུར་ན་བདག་གིས་གང་དག་ཕྱོགས་བཅུའི་སངས་རྒྱས་ཀྱི་ཞིང་གཞན་དང་། གཞན་དག་ན་ཆོས་ཀྱི་འཁོར་ལོ་བསྐོར་ནས་
D112.050.0275a04.01བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་པའི་སངས་རྒྱས་བཅོམ་ལྡན་འདས་དེ་དག་བསླུས་པར་གྱུར་ཅིག །བདག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མ་གྱུར་ཅིག །བདག་འཁོར་བ་ན་འཁོར་བའི་ཚེ་སངས་རྒྱས་
D112.050.0275a05.01ཀྱི་སྒྲ་ཐོས་པར་མ་གྱུར་ཅིག །ཆོས་ཀྱི་སྒྲ་ཡང་མི་ཐོས། དགེ་འདུན་གྱི་སྒྲ་ཡང་མི་ཐོས། ཕ་རོལ་ཏུ་ཕྱིན་པའི་སྒྲ་ཡང་མི་ཐོས། བདུད་ཀྱི་དཔུང་ཕམ་པའི་སྒྲ་ཡང་མི་ཐོས། མི་འཇིགས་པའི་སྒྲ་ཡང་མི་ཐོས་པ་ནས། འཁོར་བ་ན་དགེ་བའི་སྒྲའི་བར་ཡང་ཐོས་པར་མི་འགྱུར་
D112.050.0275a06.01ཞིང་། རྟག་ཏུ་མནར་མེད་པའི་སེམས་ཅན་དམྱལ་བ་ཆེན་པོ་ན་གནས་པར་གྱུར་ཅིག་ཅེས་སྨོན་ལམ་དེ་ལྟ་བུ་ཡང་བཏབ་བོ། །ཇི་ལྟར་སངས་རྒྱས་ཀྱི་ཞིང་འདིའི་གླིང་ཐམས་ཅད་ཀྱི་གླིང་རེ་རེར་ཡང་དེ་ལྟ་བུའི་ལུས་དག་ཡོངས་སུ་བཏང་ཞིང་། རང་གི་ཤ་དང་ཁྲག་གིས་སེམས་
D112.050.0275a07.01