完整藏文原文 · 德格版页 当前仅加载第 50 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱི་ཞིང་དེ་ན་འགུམ་པ་མ་མཆིས་པར་འགྱུར་ཞིང་སྟེང་གི་བར་སྣང་ལ་དེ་བཞིན་གཤེགས་པ་ལྟར་བླ་ན་མེད་པའི་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་གྱུར་ཅིག །བྱང་ཆུབ་སེམས་དཔའ་རྣམས་ཀྱང་ལོངས་སྤྱོད་དང་། ཡོངས་སུ་
D112.050.0180a01.01སྤྱོད་པ་ཇི་ལྟ་བུ་དག་འཚལ་བ་དེ་ལྟ་བུ་དག་མངོན་པར་འགྲུབ་པར་གྱུར་ཅིག །སངས་རྒྱས་ཀྱི་ཞིང་ཀུན་ཏུ་ནམ་མཁའི་དཀྱིལ་ནས་སིལ་སྙན་བྱེ་བ་ཁྲག་ཁྲིག་འབུམ་ཕྲག་དུ་མ་དག་སྒྲ་འཁྲོལ་བར་གྱུར་ཅིག །སིལ་སྙན་དེ་དག་ལས་ཀྱང་ཕ་རོལ་ཏུ་ཕྱིན་པ་རྣམས་ཀྱི་སྒྲ་འབྱུང་བ་དང་།
D112.050.0180a02.01སངས་རྒྱས་ཀྱི་སྒྲ་དང་། ཆོས་ཀྱི་སྒྲ་དང་། དགེ་འདུན་གྱི་སྒྲ་དང་། བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་ཀྱི་སྒྲ་འབྱུང་བར་འགྱུར་བ་དང་། བྱང་ཆུབ་སེམས་དཔའ་རྣམས་ཇི་ལྟར་མོས་པ་དེ་ལྟ་བུའི་སྒྲ་ཐོས་པར་འགྱུར་བ་མ་གཏོགས་པར་འདོད་པ་དང་ལྡན་པའི་སྒྲ་དག་
D112.050.0180a03.01མི་འབྱུང་བར་གྱུར་ཅིག །བཅོམ་ལྡན་འདས་བདག་བྱང་ཆུབ་སེམས་དཔའི་སྤྱད་པ་སྤྱོད་པ་ན་བདག་གིས་སངས་རྒྱས་བྱེ་བ་ཁྲག་ཁྲིག་འབུམ་ཕྲག་དཔག་ཏུ་མ་མཆིས་གྲངས་མ་མཆིས་པ་དག་གི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཇི་སྙེད་མཐོང་བ་དག་ལས་ཉན་ཐོས་དང་།
D112.050.0180a04.01རང་སངས་རྒྱས་ཀྱི་བཀོད་པ་རྣམས་དང་། སངས་རྒྱས་ཀྱི་ཞིང་སྙིགས་མ་ལྔ་དང་ལྡན་པའི་བཀོད་པ་རྣམས་མ་གཏོགས་པར་བཀོད་པ་དེ་དག་དང་། རྒྱན་དེ་དག་དང་། རྟགས་དེ་དག་དང་། མཚན་མ་དེ་དག་དང་། གནས་དེ་དག་དང་། ངོ་མཚར་དེ་དག་དང་། སྨོན་
D112.050.0180a05.01ལམ་དེ་དག་ཐམས་ཅད་བདག་གིས་སངས་རྒྱས་ཀྱི་ཞིང་ན་མཆིས་པར་གྱུར་ཅིག །སངས་རྒྱས་ཀྱི་ཞིང་དེ་ན་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}རྣམས་མ་མཆིས་པར་གྱུར་ཅིག །རི་རབ་དང་། ཁོར་ཡུག་དང་། ཁོར་ཡུག་ཆེན་པོ་རྣམས་དང་།
D112.050.0180a06.01གོར་མ་དང་། རྡུལ་གྱི་རི་རྣམས་ཀྱང་མ་མཆིས་པར་གྱུར་ཅིག །རྒྱ་མཚོ་ཆེན་པོ་ཡང་མ་མཆིས་པར་གྱུར་ཅིག །སངས་རྒྱས་ཀྱི་ཞིང་དེ་ལྷའི་ལས་ཤིན་ཏུ་འདས་པའི་ཤིང་ལྗོན་པ་སྣ་ཚོགས་དག་དང་། ལྷའི་མེ་ཏོག་མན་དཱ་ར་བ་དང་། མན་དཱ་ར་བ་ཆེན་པོ་དག་གིས་ཀུན་ཏུ་
D112.050.0180a07.01