完整藏文原文 · 德格版页 当前仅加载第 50 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། བྱང་ཆུབ་སེམས་དཔའ་
D112.050.0130a01.01སེམས་དཔའ་ཆེན་པོ་མཐོང་བ་དོན་ཡོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཆུ་ལྷ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེའི་བློ་གྲོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་སྣང་བྱེད་བློ་གྲོས་དང་། དེ་དག་ལ་སོགས་པ་བྱང་ཆུབ་
D112.050.0130a02.01སེམས་དཔའ་ཁྲིས་བཅོམ་ལྡན་འདས་ཀྱི་ཆོས་བསྟན་པ་བཅད་ནས་ལྷན་ཅིག་ཏུ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་མོ་སྦྱར་བ་བཏུད་ནས་ཤར་ལྷོའི་ཕྱོགས་ལོགས་སུ་མངོན་པར་ཕྱོགས་ཏེ་རབ་ཏུ་དགའ་ཞིང་རབ་ཏུ་དང་བའི་
D112.050.0130a03.01ཡིད་ཀྱིས་བལྟས་ནས་ཚིག་འདི་སྐད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མ་དམ་པ་མངོན་པར་རྫོགས་པར་སངས་རྒྱས་ནས། རིང་པོ་མ་ལོན་པར་ཆོ་འཕྲུལ་ཆེན་པོ་དག་བསྟན་ནས། སྲོག་ཆགས་བྱེ་བ་ཁྲག་ཁྲིག་འབུམ་ཕྲག་དུ་མ་དགེ་བའི་རྩ་བ་དག་
D112.050.0130a04.01ལ་ཡོངས་སུ་སྨིན་པར་མཛད་པ་ནི་ངོ་མཚར་ཏེ་ཕྱག་འཚལ་ལོ་ཕྱག་འཚལ་ལོ་ཞེས་མཆི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མ་དམ་པ་ཤུལ་ནི་ཇི་སྲིད་ཅིག་ན་བཞུགས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་
D112.050.0130a05.01རྫོགས་པར་སངས་རྒྱས་ནས་ནི་ཡུན་ཇི་སྲིད་ཅིག་ལགས། གང་ན་དེ་བཞིན་གཤེགས་པ་པད་མ་དམ་པ་ཞེས་བགྱི་བ་བཞུགས་པའི་འཇིག་རྟེན་གྱི་ཁམས་དེའི་མིང་ཅི་ཞེས་བགྱི། འཇིག་རྟེན་གྱི་ཁམས་དེའི་བཀོད་པ་ནི་ཇི་ལྟ་བུ་ཞིག་གིས་བརྒྱན་པ་ལགས། ཅིའི་སླད་དུ་དེ་བཞིན་གཤེགས་པ་
D112.050.0130a06.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མ་དམ་པས་ཆོ་འཕྲུལ་ཆེན་པོ་རྣམ་པ་དེ་ལྟ་བུ་དག་བསྟན་པ་མཛད། རྐྱེན་གང་གིས་ན་བྱང་ཆུབ་སེམས་དཔའ་ཁ་ཅིག་གིས་ནི་ཕྱོགས་བཅུའི་འཇིག་རྟེན་གྱི་ཁམས་བགྲང་བ་ལས་ཡང་དག་པར་འདས་པ་གཞན་དག་ན་བཞུགས་པའི་
D112.050.0130a07.01