完整藏文原文 · 德格版页 当前仅加载第 50 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་མཆིས་པ་མཐོང་བར་གྱུར་ཅིག །ཟླ་བ་བཅུ་པོ་འདས་ནས་བདག་གིས་བསོད་ནམས་ཐམས་ཅད་ཡང་དག་པར་བསྩགས་པའི་ཏིང་ངེ་འཛིན་གྱིས་ཐམས་ཅད་དང་ལྡན་པའི་སངས་རྒྱས་ཀྱི་ཞིང་མི་མཇེད་ཀྱི་ས་རྣམ་པ་དྲུག་ཏུ་གཡོ་བར་བགྱིད་པར་འགྱུར་ཞིང་། སྟེང་དུ་
D112.050.0226a01.01ནི་འོག་མིན་གྱི་གནས་ཀྱི་མཐར་ཐུག་པའི་བར་དང་། འོག་ཏུ་ནི་གསེར་གྱི་འཁོར་ལོའི་མཐར་ཐུག་པའི་བར་དག་ཀྱང་རྣམ་པ་དྲུག་ཏུ་གཡོ་བར་བགྱིད་པར་གྱུར་ཅིག །དེའི་ཚེ་ན་སངས་རྒྱས་ཀྱི་ཞིང་མི་མཇེད་དུ་སེམས་ཅན་གང་དག་སེམས་ཅན་དམྱལ་བ་རྣམས་དང་མི་རྣམས་སུ་སྐྱེས་
D112.050.0226a02.01པར་གྱུར་པ་དེ་དག་ཀྱང་རབ་ཏུ་སད་པར་བགྱིད་པར་གྱུར་ཅིག། །།བམ་པོ་བཅུ་པ། བདག་མའི་མཆན་ཁུང་གཡས་པ་ནས་མངོན་པར་འབྱུང་བའི་ཚེ་ཡང་ཐམས་ཅད་དང་ལྡན་པའི་སངས་རྒྱས་ཀྱི་ཞིང་མི་མཇེད་སྣང་བ་རྒྱ་ཆེན་པོས་ཁྱབ་པར་གྱུར་ཅིག །དེའི་
D112.050.0226a03.01ཚེ་དེའི་དུས་ན་སངས་རྒྱས་ཀྱི་ཞིང་མི་མཇེད་ཐམས་ཅད་ཀྱི་སེམས་ཅན་རྣམས་ལ་ཡང་ཡང་དག་པར་སྐུལ་བར་གྱུར་ཅིག །དགེ་བའི་རྩ་བ་མ་བསྐྲུན་པའི་སེམས་ཅན་རྣམས་ཀྱི་རྒྱུད་ལ་མྱ་ངན་ལས་འདས་པའི་ས་བོན་འདེབས་པར་གྱུར་ཅིག །མྱ་ངན་ལས་འདས་པའི་ས་བོན་བསྐྱེད་
D112.050.0226a04.01པའི་སེམས་ཅན་རྣམས་ཀྱི་རྒྱུད་ལ་ཏིང་ངེ་འཛིན་གྱི་མྱུ་གུ་སྐྱེད་པར་གྱུར་ཅིག །གང་གི་ཚེ་བདག་གི་རྐང་པའི་མཐིལ་གྱིས་ས་ལ་རེག་པར་འགྱུར་བ་དེའི་ཚེ་ན་ཐམས་ཅད་དང་ལྡན་པའི་སངས་རྒྱས་ཀྱི་ཞིང་མི་མཇེད་ཀྱི་ས་གཞི་གསེར་གྱི་འཁོར་ལོའི་མཐར་ཐུག་པའི་བར་དག་རྣམ་པ་དྲུག་ཏུ་
D112.050.0226a05.01གཡོས་པ་དང་། རབ་ཏུ་འགུལ་བ་དང་། འཁྲུག་པར་གྱུར་ཅིག །དེའི་ཚེ་ན་བདག་གིས་གང་དག་སྐྱེ་གནས་བཞིར་གཏོགས་ཤིང་འགྲོ་བ་ལྔ་ལ་རྟེན་པའི་སེམས་ཅན་ཆུ་ལ་རྟེན་པ་རྣམས་དང་། ས་ལ་རྟེན་པ་རྣམས་དང་། ནམ་མཁའ་ལ་རྟེན་པ་དེ་དག་ཐམས་ཅད་རབ་ཏུ་སད་པར་
D112.050.0226a06.01བགྱིད་པར་གྱུར་ཅིག །སེམས་ཅན་གང་དག་གི་རྒྱུད་ལ་ཏིང་ངེ་འཛིན་གྱི་མྱུ་གུ་མ་སྐྱེས་པ་རྣམས་ཀྱང་སྐྱེད་པར་གྱུར་ཅིག །ཏིང་ངེ་འཛིན་གྱི་མྱུ་གུ་བརྟན་པར་གྱུར་པ་རྣམས་ནི་ཐེག་པ་གསུམ་པོ་དག་གིས་ཕྱིར་མི་ལྡོག་པ་ལ་འགོད་པར་གྱུར་ཅིག །བདག་བཙས་མ་ཐག་ཏུ་དེའི་མོད་
D112.050.0226a07.01