完整藏文原文 · 德格版页 当前仅加载第 50 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བབ་པ་ན་བསྐལ་པ་སྒྲ་སྣང་ཞེས་བྱ་བ་ལ་གླིང་བཞི་པ་འདིར་སངས་རྒྱས་ཀྱི་ཞིང་སྒྲ་ཡང་དག་པར་བསྩགས་པ་ཞེས་བྱ་བ་ཞིག་འབྱུང་བར་འགྱུར་བར་དེ་བཞིན་གཤེགས་པ་རིན་པོ་ཆེ་ཆེན་པོའི་གདུགས་མངོན་པར་འཕགས་པའི་འོད་ཟེར་ཞེས་བྱ་བ་སངས་རྒྱས་བཅོམ་ལྡན་
D112.050.0207a01.01འདས་ཀྱིས་བར་དུ་འགྱུར་རོ། །རིགས་ཀྱི་བུ་དེ་ནས་བྱང་ཆུབ་སེམས་དཔའ་སྐར་མའི་ཁྱུ་མཆོག་གིས། དེ་བཞིན་གཤེགས་པ་རིན་པོ་ཆེའི་སྙིང་པོའི་ཞབས་ལ་ཡན་ལག་ལྔས་གཏུགས་པ་དང་། དེ་བཞིན་གཤེགས་པ་རིན་པོ་ཆེའི་སྙིང་པོས་བཀའ་སྩལ་པ། རྡུལ་
D112.050.0207a02.01དང་རྣམ་བྲལ་སེམས་ཅན་རྣམ་དག་ལོངས། །ཁྱོད་ཀྱིས་སེམས་ཅན་བྱེ་མང་ལུང་བསྟན་ཏོ། །བྱང་ཆུབ་ཕྱིར་ནི་རབ་དག་ལམ་སྦྱོང་ཞིང་། །རྒྱལ་མཆོག་སེམས་ཅན་རྣམས་ཀྱི་འདྲེན་པར་འགྱུར། །དེ་བཞིན་དུ་སྦྱར་ཏེ། བྲམ་ཟེའི་ཁྱེའུ་སྟོང་དང་། བྲམ་ཟེའི་ཁྱེའུ་
D112.050.0207a03.01བྱེ་བ་ཕྲག་གསུམ་པོ་གང་དག་གིས་སངས་རྒྱས་ཀྱི་ཞིང་འདིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་པ་དེ་དག་ཐམས་ཅད་ཀྱང་དེ་བཞིན་གཤེགས་པ་རིན་པོ་ཆེའི་སྙིང་པོས་ལུང་བསྟན་ཏེ། ཐ་མ་ནི་སངས་རྒྱས་རྣམ་པར་གཟིགས་དང་། གཙུག་ཏོར་
D112.050.0207a04.01ཅན་དང་། ཐམས་ཅད་སྐྱོབ་ཀྱི་བར་དག་ཏུ་འགྱུར་རོ། །བྲམ་ཟེའི་ཁྱེའུ་ལུང་བསྟན་པ་དེ་དག་ཐམས་ཅད་ལས་གང་དག་རིག་བྱེད་ཀློག་པའི་བྲམ་ཟེ་སྟོང་ཞིག་ཡོད་པའི་ཐུ་བོ་མང་པོས་བླ་མར་བཀུར་བ་ཁྱབ་འཇུག་རླུང་ཞེས་བྱ་བ་དེས་གསོལ་པ། བདག་ནི་སངས་རྒྱས་ཀྱི་ཞིང་
D112.050.0207a05.01སྙིགས་མ་ལྔ་དང་ལྡན་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རེག་པར་གྱུར་ཅིག །འདོད་ཆགས་བདོ་བ་དང་། ཞེ་སྡང་བདོ་བ་དང་། གཏི་མུག་བདོ་བའི་སེམས་ཅན་རྣམས་ལ་ཆོས་སྟོན་པར་གྱུར་ཅིག །བྲམ་ཟེའི་ཁྱེའུ་སྐར་མ་སྐྱོང་ཞེས་བྱ་བ་དེས་སྨྲས་པ།
D112.050.0207a06.01ཀྱེ་མཁན་པོ་ཁྱབ་འཇུག་རླུང་འདིས་དོན་གྱི་དབང་ཇི་ཞིག་མཐོང་ན་སངས་རྒྱས་ཀྱི་ཞིང་སྙིགས་མ་ལྔ་དང་ལྡན་པར་སྨོན་ལམ་འདེབས་པར་བགྱིད་ལགས། མདུན་ན་འདོན་གྱིས་སྨྲས་པ། སྙིང་རྗེ་ཆེན་པོ་དང་ལྡན་པའི་བྱང་ཆུབ་སེམས་དཔའ་གང་ཡིན་པ་དེ་ནི་སངས་རྒྱས་ཀྱི་ཞིང་
D112.050.0207a07.01