完整藏文原文 · 德格版页 当前仅加载第 50 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ལ་མི་མཉམ་པ་དང་མཉམ་པ་ཉིད་རབ་ཏུ་ཐོབ་པར་བྱེད་དོ། །ཡེ་ཤེས་ཏོག་གི་ཏིང་ངེ་འཛིན་གྱིས་ནི་ཁམས་གསུམ་ཐམས་ཅད་ལས་ཡང་དག་པར་འདའ་བར་བྱེད་དོ། །ཤེས་པ་ཉེ་བར་གཅོད་པའི་ཏིང་ངེ་འཛིན་གྱིས་ནི་ཆོས་ཐམས་ཅད་རྣམ་པར་གཅོད་
D112.050.0263a01.01པ་ཡང་དག་པར་རྗེས་སུ་མཐོང་བར་བྱེད་དོ། །ཡེ་ཤེས་རྣམ་པར་འཕྲོ་བའི་ཏིང་ངེ་འཛིན་གྱིས་ནི་ཆོས་ཐམས་ཅད་ཀྱི་རྣམ་པར་འཕྲོ་བ་ཉིད་རྗེས་སུ་ཐོབ་པར་བྱེད་དོ། །གནས་མེད་པའི་ཏིང་ངེ་འཛིན་གྱིས་ནི་ཆོས་ཐམས་ཅད་གནས་སུ་གྱུར་པ་མེད་པ་ཉིད་དུ་ཡང་དག་པར་རྗེས་སུ་
D112.050.0263a02.01མཐོང་བར་བྱེད་དོ། །བཀོད་པ་གཅིག་པའི་ཏིང་ངེ་འཛིན་གྱིས་ནི་ཆོས་འགའ་ཡང་གཉིས་སུ་ཡང་དག་པར་རྗེས་སུ་མི་མཐོང་བར་བྱེད་དོ། །རྣམ་པར་སྒྲུབ་པ་དང་ལྡན་པའི་ཏིང་ངེ་འཛིན་གྱིས་ནི་ཆོས་ཐམས་ཅད་ཀྱི་རྣམ་པར་བསྒྲུབ་པར་ཡང་དག་པར་རྗེས་སུ་མཐོང་བར་བྱེད་དོ། །
D112.050.0263a03.01སྲིད་པའི་གཞི་ཐམས་ཅད་རྣམ་པར་སེལ་བ་ཐམས་ཅད་དུ་གཏོགས་པའི་ཏིང་ངེ་འཛིན་གྱིས་ནི་ཆོས་ཐམས་ཅད་ལ་ངེས་པར་འབྱེད་པའི་ཡེ་ཤེས་འཇུག་ཅིང་གང་ལ་འཇུག་པ་འགའ་ཡང་མི་རྙེད་པར་བྱེད་དོ། །བརྡ་དང་སྒྲ་ལ་འཇུག་པའི་ཏིང་ངེ་འཛིན་གྱིས་ནི་སྒྲ་དང་བརྡ་ཐམས་ཅད་
D112.050.0263a04.01ཀྱི་རྗེས་སུ་འཇུག་པར་བྱེད་དོ། །སྒྲ་དབྱངས་ཀྱི་ཡི་གེ་དང་བྲལ་བའི་ཏིང་ངེ་འཛིན་གྱིས་ནི་ཆོས་ཐམས་ཅད་ཡི་གེ་དང་བྲལ་བར་ཡང་དག་པར་རྗེས་སུ་མཐོང་བར་བྱེད་དོ། །ཡེ་ཤེས་ཀྱི་སྒྲོན་མ་དང་ལྡན་པའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་ལ་གཟི་བརྗིད་ཀྱིས་ལམ་མེ་
D112.050.0263a05.01ལྷན་ནེ་ལྷང་ངེར་བྱེད་དོ། །ཡེ་ཤེས་མཆོག་གི་མཚན་ཉིད་རྣམ་པར་བསྒྱིངས་པའི་ཏིང་ངེ་འཛིན་གྱིས་ནི་ཆོས་ཐམས་ཅད་ལ་ཡོངས་སུ་དག་པའི་མཚན་ཉིད་སྟོན་པར་བྱེད་དོ། །མངོན་པར་ཤེས་པ་མེད་པའི་མཚན་ཉིད་དང་ལྡན་པའི་ཏིང་ངེ་འཛིན་གྱིས་ནི་ཆོས་ཐམས་ཅད་ལ་
D112.050.0263a06.01མངོན་པར་རིག་པ་མེད་པར་ཡང་དག་པར་རྗེས་སུ་མཐོང་བར་བྱེད་དོ། །རྣམ་པ་ཐམས་ཅད་ཀྱི་མཆོག་དང་ལྡན་པའི་ཏིང་ངེ་འཛིན་གྱིས་ནི་ཆོས་དང་ཏིང་ངེ་འཛིན་ཐམས་ཅད་ལ་རྣམ་པ་ཐམས་ཅད་ཀྱི་མཆོག་དང་ལྡན་པར་བྱེད་དོ། །སྡུག་བསྔལ་ཐམས་ཅད་ཤིན་ཏུ་སྤོང་
D112.050.0263a07.01