完整藏文原文 · 德格版页 当前仅加载第 87 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྱུགས་པ་སྟོང་རྩ་བརྒྱད་སྦྱིན་སྲེག་བྱས་ན། གནོད་སྦྱིན་མོ་ཐམས་ཅད་རིག་སྔགས་འཆང་དེ་ལ་ཉིན་གཅིག་བཞིན་སྣོད་གང་བ་ཅི་འདོད་པ་འབུལ་ལོ། །རྨ་བྱའི་སྒྲོ་སྟོང་རྩ་བརྒྱད་སྦྱིན་སྲེག་བྱས་ན། བདུད་ཀྱི་གནོད་པ་ཐམས་ཅད་བསལ་བར་འགྱུར་རོ། །ཨ་ག་རུས་
D496.087.0156b01.01མརྡ་ནྃ་ཨསྟ་ཧ་ས་སྲན་ཛུ་ཧུ་ཡཱ་ད་རཱ་ཛ་བ་ཤོ་བྷ་བ་ཏི། པྲི་ཡང་ཀུའི་ཡམ་སྲེག་ཤིང་གིས་ནི། མ་ཧཱ་རཱ་ཛ་གྲ་མ་ཧི་ཤི་བ་ཤོ་བྷ་བ་ཏི། ཨ་ག་རུའི་ཡམ་སྲེག་ཤིང་གི་མེ་བུས་ལ་ཏིལ་འབྲུ་ཁྲི་སྦྱིན་སྲེག་བྱས་ན་ཡུལ་དབང་དུ་འགྱུར་རོ། །ཤིང་འོ་མ་ཅན་གྱི་མེ་བུས་ལ་ཏིལ་
D496.087.0156b02.01འབྲུ་འབུམ་སྦྱིན་སྲེག་བྱས་ན། ཤ་ཟ་ཐམས་ཅད་དབང་དུ་འགྱུར་ཏེ་ཅི་འདོད་པ་བྱེད་དོ། །ཤིང་མ་ད་ཀས་མེ་བུས་ལ་ན་ལེ་ཤམ་གྱི་འབྲུ་སྟོང་རྩ་བརྒྱད་སྦྱིན་སྲེག་བྱས་ན། འབྱུང་པོ་ཐམས་ཅད་དབང་དུ་འགྱུར་ཏེ། འབྱུང་པོའི་བདག་པོ་རེ་རེ་ལ་ཡང་ཉིན་གཅིག་བཞིན་དུ་གཡོག་
D496.087.0156b03.01བརྒྱའི་གོས་ཟས་སྦྱིན་པར་བྱེད་དོ། །གར་འགྲོ་འདོད་པ་དེར་ཕྲག་པ་ལ་ཞོན་ཏེ་འགྲོའོ། །མོན་སྲན་གྲེའུ་འབྲུ་འབུམ་སྦྱིན་སྲེག་བྱས་ན། འབྱུང་པོ་ཐམས་ཅད་དབང་དུ་འགྱུར་ཏེ། དེ་དག་རིག་སྔགས་འཆང་དེའི་ཡོ་བྱད་ཐམས་ཅད་སྒྲུབ་བོ། །འཇམ་དཔལ་
D496.087.0156b04.01འདི་དག་ལ་སོགས་པ་གཟུངས་སྔགས་འདི་རྣམས་ཀྱི་བསྒྲུབ་པ་དག་གི་ནང་དུ་སྦྱོར་བ་དེའི་དངོས་གྲུབ་སྦྱིན་པར་བྱེད་དེ། འདོད་པ་དང་སྦྱོར་བ་ཐ་དད་པ་དང་། སྦྱོར་བ་མང་ཡང་རུང་། ཉུང་ཡང་རུང་བས་ཀྱང་སྒྲུབ་པར་བྱེད་དོ། །འཇམ་དཔལ་གཞན་ཡང་གསང་
D496.087.0156b05.01སྔགས་འདི་དག་འཛིན་པ་དང་སྒྲུབ་པ་རྣམས་ལ་ནི། བགེགས་རྣམས་ཀྱིས་སྐབས་མེད་དོ། །ཕྱག་ན་རྡོ་རྗེ་དབང་བསྐུར་བ་ལས། དེ་བཞིན་གཤེགས་པ་ཐམས་ཅད་ཀྱི་ཡུམ་རྣམས་ཀྱི་དངོས་གྲུབ་བསྒྲུབ་པའི་ཆོ་ག་རྫོགས་སོ།། །།འཕགས་པ་ལག་ན་རྡོ་རྗེ་དབང་
D496.087.0156b06.01བསྐུར་བའི་རྒྱུད་ཆེན་པོའི་རྒྱལ་པོ་རྫོགས་སོ།། །།རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།།
D496.087.0156b07.01