完整藏文原文 · 德格版页 当前仅加载第 87 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྡོ་རྗེའི་མཚན་མ་ཅན་ལྷ་ལ་སོགས་པ་ཐམས་ཅད་ཀྱིས་ཕྱག་བྱས་པའམ། མ་དུལ་བ་འདུལ་བ་སྣ་ཚོགས་གཟུགས་ཅན་གྱི་ནོར་བུ་དང་འདྲ་བ། རིག་སྔགས་འཆང་བྱེ་བ་ཁྲག་ཁྲིག་བརྒྱ་སྟོང་དུ་མའི་གཡོག་འཁོར་དང་བཅས་པར་ཡིད་ལས་བྱུང་བའི་ཁང་པ་ཆེན་པོ་ན་
D496.087.0093b01.01གནས་པ། དེ་མཐོང་བས་རིག་སྔགས་འཆང་རྣམས་མི་དབུལ་པོ་དང་འདྲ་བར་སེམས་ཤིང་བདག་ཅག་ཀྱང་དེ་བཞིན་དུ་གྱུར་ཅིག་ཅེས་སྨོན་ལམ་འདེབས་པར་འགྱུར་རོ། །མ་བསྒྲུབས་ཀྱང་ལས་སུ་འགྱུར་ཏེ། ཉིན་གཅིག་བཞིན་དུ་རྗེས་སུ་དྲན་པར་བྱེད་ན། མཚམས་མེད་
D496.087.0093b02.01པ་ལྔ་ལ་སོགས་པའི་ལས་རྣམས་ཀྱང་བྱང་བར་འགྱུར་རོ། །ཉིན་གཅིག་བཞིན་དུ་ཉི་མ་ཤར་ཀར་ཕྱག་རྒྱ་བཅིངས་ཏེ། ལན་བརྒྱ་རྩ་བརྒྱད་བཟླས་བརྗོད་བྱས་ན་ཟླ་བ་དྲུག་ན་ཡུལ་གྲུ་སྦྱིན་པར་བྱེད་དོ། །ཤིང་ཀ་ར་བཱི་རའི་མེ་ཏོག་དག་ལ་སྔགས་ལན་རེ་རེ་བཏབ་སྟེ། ཉི་མའི་
D496.087.0093b03.01གཟུགས་ལ་བསྣུན་ན་ཟླ་བ་གཅིག་ན་གྲོང་དམ་པ་བརྒྱད་སྦྱིན་པར་བྱེད་དོ། །པདྨའི་རྫིང་བུར་སོང་སྟེ་པདྨ་དག་ལ་ལན་འབུམ་སྔགས་ཀྱིས་བཏབ་ནས། བཅོམ་ལྡན་འདས་དམ་པ་སྦྱིན་པའི་རྡོ་རྗེ་ལ་ཕུལ་ལ་སྙིང་པོ་མཆོག་དེ་ཉིད་ཀྱིས་འབྲས་ཀྱི་འོ་ཐུག་གིས་ལན་འབུམ་སྦྱིན་
D496.087.0093b04.01སྲེག་བགྱིས་ན་རྒྱལ་སྲིད་སྦྱིན་པར་བྱེད་དོ། །གདོང་ལ་སྔགས་ཀྱིས་བཏབ་ནས་གང་ལ་བལྟས་པ་དེ་དབང་དུ་འགྱུར་རོ། །ཁྲོས་པ་ལ་ཕྱག་རྒྱ་བཅིངས་ཏེ་སྙིང་པོ་དྲན་པར་བྱས་ན་དང་བར་འགྱུར་རོ། །ཆུ་ཀླུང་ཆུ་སྲིན་འཛིན་ཁྲིས་གང་བ་མཐོང་ན་བོང་བ་ལ་སྔགས་ཀྱིས་བཏབ་
D496.087.0093b05.01སྟེ་འཕངས་ན་ཆུ་ན་རྒྱུ་བ་ཐམས་ཅད་རེངས་པར་འགྱུར་རོ། །གོས་ཀྱི་མཐའ་མར་མདུད་པ་བོར་ཏེ་གོས་བགོས་ན་ཁ་བཅིངས་པ་བྱས་པར་འགྱུར་རོ། །དེ་བཞིན་དུ་འབྲོག་དགོན་པའམ་ཆོམ་རྐུན་གྱི་འཇིགས་པ་ཡོད་པར་ཡང་དེ་ལྟར་མདུད་པ་བོར་ན་རེངས་པ་བྱས་པར་འགྱུར་རོ། །
D496.087.0093b06.01གདུག་པས་ཟིན་པ་ལམ་གོའམ་མགུལ་པར་བཀོད་ན་དུག་མེད་པར་འགྱུར་རོ། །སྙིང་པོ་དམ་པ་ཐིག་ལེ་དང་བཅས་པར་རྐང་མཐིལ་ཡན་ཆད་དུ་བསམས་ན་དུག་མེད་པར་འགྱུར་རོ། །མཁའ་འགྲོ་མས་རྒྱས་བཏབ་པ་ལ་རང་གི་སྙིང་གར་བསམས་ལ་ནད་པའི་མགོ་ལ་རང་གི་
D496.087.0093b07.01