完整藏文原文 · 德格版页 当前仅加载第 87 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་པ་འདི་ཐོབ་མ་ཐག་ཏུ་ཁོ་བོས་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་སྙེད་ཀྱི་ཏིང་ངེ་འཛིན་དང་། གཟུངས་ཆེན་པོ་འབུམ་ཕྲག་བཅུ་དང་། མངོན་པར་ཤེས་པ་ཆེན་པོ་འབུམ་ཕྲག་བྱེ་བ་ཕྲག་བཅུ་ཐོབ་བོ། །སངས་རྒྱས་ཀྱི་ཞིང་བཅུའི་རྡུལ་ཕྲ་རབ་སྙེད་ཀྱི་དེ་བཞིན་གཤེགས་པ་དག་མངོན་
D496.087.0095b01.01དུ་སྣང་བར་གཤེགས་ཏེ་དེ་བཞིན་གཤེགས་པ་དེ་དག་གིས་ཁོ་བོ་ལ་དུས་གསུམ་ལས་ཡང་དག་པར་འདས་པ་ཞེས་བྱ་བའི་ཆོས་ཀྱི་རྣམ་གྲངས་འདི་བཤད་དོ། །ཁོ་བོས་ཆོས་ཀྱི་རྣམ་གྲངས་དེ་འདི་ལྟ་སྟེ། སྙིང་པོ་མཆོག་འདི་ཉིད་ཀྱི་བྱིན་གྱིས་བརླབས་ཀྱི་སྟོབས་ཀྱིས་སྐད་ཅིག་ཐང་ཅིག་ཡུད་
D496.087.0095b02.01ཙམ་ལ་བཟུང་ངོ་། །བླངས་སོ། །དེ་ཅིའི་ཕྱིར་ཞེ་ན། ཞི་བའི་བློ་གྲོས་གང་གི་ཚེ་ཁོ་བོས་སྙིང་པོ་དམ་པ་འདི་ཐོབ་པའི་སྐད་ཅིག་དེ་ལ། ཞི་བའི་བློ་གྲོས་སངས་རྒྱས་ཀྱི་དབྱངས་ཀྱིས་དབྱངས་བཀོད་པའི་རྒྱན་ལ་སོགས་པ་གཟུངས་ཀྱི་སྒོ་འབུམ་ཕྲག་གྲངས་མེད་པ་ཐོབ་བོ། །ཞི་བའི་བློ་
D496.087.0095b03.01གྲོས་ཁྱོད་ཀྱིས་རྣམ་གྲངས་འདིས་ཀྱང་འདི་ལྟར་རིག་པར་བྱ་སྟེ། ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་དག་ན། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ལ་གནས་ཏེ། གསང་སྔགས་ཡང་དག་པར་སྟོན་པ་དང་། ཏིང་ངེ་འཛིན་དང་གཟུངས་ཀྱི་སྒོ་རྣམས་སྒྲུབ་
D496.087.0095b04.01ཅིང་། རྒ་བ་དང་། ན་བ་དང་། འཆི་བ་ལས་གྲོལ་བ་དེ་དག་ཐམས་ཅད་ཀྱང་སྙིང་པོ་དམ་པ་འདི་ཉིད་ཀྱིས་བྱིན་གྱིས་བརླབས་ནས་ཐམས་ཅད་ཁ་དོག་སྣ་ཚོགས་སུ་འགྱུར་ཏེ། གཞོན་ནུའི་གཟུགས་འཛིན་ཅིང་རྫུ་འཕྲུལ་གྱི་ཆོ་འཕྲུལ་རྣམ་པ་སྣ་ཚོགས་བྱེད་དོ། །ཞི་བའི་བློ་གྲོས་
D496.087.0095b05.01བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་ཆེར་རྒྱས་རྒྱལ་བའི་དབང་པོ་འདི་ཡང་། གཞོན་ནུའི་ཆོ་ག་མེད་པ་དང་། ཡོ་བྱད་མེད་པ་དང་། རི་མོའི་གཟུགས་མེད་པར་བདག་ཉིད་རང་བཞིན་གྱིས་འགྲུབ་བོ། །ཅི་
D496.087.0095b06.01སྟེ་རི་མོའི་གཟུགས་བསྒྲུབ་པར་འདོད་ན་ཚེས་གྲངས་དང་། བྱེད་པ་དང་། ཡུད་ཙམ་བཟང་པོར་རྟོགས་པ་ལ་རིན་ལ་མི་བརྩེགས་པར་རྒྱུ་སྐུད་ཉོས་ལ། རྡོ་རྗེ་དྲག་པོ་ཆེན་པོའི་སྙིང་པོས་བསྲུང་བའི་ཆོ་ག་བྱས་པས་བ་ལང་གི་ལྕི་བས་དཀྱིལ་འཁོར་བྱས་ལ། མེ་ཏོག་བཀྲམ་པར་
D496.087.0095b07.01