完整藏文原文 · 德格版页 当前仅加载第 87 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། །དཔའ་ཆེན་བསམ་པར་ཀུན་ཆགས་པས། །དཔའ་བོས་ལྔ་པོ་བསྟན་པར་བྱ། །མཐུན་པའི་རྐང་སྟབས་བྱས་ནས་སུ། །གཡས་པ་བརྐྱང་བས་ཕ་རོལ་གནོན། །གཡོན་པ་བརྐྱང་བའི་ཚུལ་གྱིས་ནི། །སེང་གེ་བཞིན་དུ་བསྒྱིངས་བར་བྱ། །ཚངས་པའི་གནས་ལ་ཡང་གནས་
D496.087.0137b01.01ཏེ། །རྡོ་རྗེ་སེ་གོལ་སྦྱོར་བ་དང་། །རྡོ་རྗེ་བསྣུན་སྟབས་ཚུལ་གྱིས་ནི། །ཚངས་པ་ལ་སོགས་བསྡུ་བར་བྱ། །རྡོ་རྗེའི་གླུ་ནི་ལེན་བྱེད་ཅིང་། །ས་གསུམ་འབར་བའི་སྐུ་ལྡན་པ། །ཉི་མ་བྱེ་བ་འབར་མཚུངས་པ། །ནམ་མཁའ་མཚུངས་ཤིང་མཉམ་མེད་པ། །ཆོས་དང་རྒྱལ་མཆོག་
D496.087.0137b02.01རྣམས་ཀྱི་གཙོ། །སངས་རྒྱས་སྐུ་མཆོག་དེ་ལ་འདུད། །སོ་ཡིས་མཆུ་ནི་རབ་གནོན་ཅིང་། །ཀུན་ནས་མིག་ཅན་ཁྲོ་གཉེར་བཞིན། །རྐེད་པར་རྡོ་རྗེ་བརྟེན་ནས་སུ། །ཕྱོགས་བཅུ་ཀུན་དུ་བལྟ་བར་བྱ། །གཡས་པ་རྡོ་རྗེ་ཚུལ་གྱིས་ནི། །ཕྱོགས་རྣམས་ཀུན་དུ་རབ་བསྒྲགས་པས། །
D496.087.0137b03.01ལྟ་འཇིགས་འོད་ཟེར་འབར་ལྡན་ཞིང་། །བསྲེག་པའི་བསྐལ་པ་གཞན་ལྟ་བུ། །གྲུབ་འགྱུར་རྡོ་རྗེ་མེ་འབར་བ། །འཇིགས་པ་ཆེ་ལྟར་བཟོད་དཀའ་བས། །བགེགས་རྣམས་ལ་ནི་སྦྱོར་བར་བྱ། །འཇིག་རྟེན་གསུམ་པོ་ཐལ་བར་རློག །ཉེས་པ་ཆེན་པོ་མ་ཡིན་ལ། །ཕྱག་རྒྱ་
D496.087.0137b04.01འདི་ནི་སྦྱར་མི་བྱ། །ཐུན་མོང་མ་ཡིན་དགོས་པ་ནི། །ཐ་མའི་ཚེ་ན་སྦྱར་བར་བྱ། །རྡོ་རྗེ་འཆང་བས་བསྲུངས་གྱུར་ཀྱང་། །ཧཱུཾ་བརྗོད་པས་ནི་ཐལ་བར་རློག །འཇིག་པའི་མེ་ལྟར་བཟོད་དཀའ་བ། །རྡོ་རྗེ་ཆེན་པོའི་ཕྱག་རྒྱའོ། །དེ་ནས་སློབ་དཔོན་རྡོ་རྗེ་འཆང་། །རྡོ་རྗེའི་ཡེ་
D496.087.0137b05.01ཤེས་ལེགས་བསླབས་པས། །སྙིང་གར་རྡོ་རྗེ་ཁུ་ཚུར་གཉིས། །བཞག་ནས་འདི་སྙམ་བསམ་པ་སྟེ། །སེམས་དམྱལ་{ཡི་དགས་,ཡི་དྭགས་}དུད་འགྲོ་དང་། །གང་གཞན་སྡུག་བསྔལ་སྡུག་བསྔལ་རྣམས། །ལག་པས་དྲང་བའི་སྦྱོར་བ་ཡིས། །བདེ་བ་ཀུན་གྱིས་བསྟབས་
D496.087.0137b06.01པར་བྱ། །བཟའ་བཏུང་ལ་སོགས་ཆར་པ་དང་། །གོས་དང་རིན་ཆེན་རྒྱན་གྱི་ཆར། །དེ་དག་རྣམས་ལ་ཀུན་དུ་ད་བབ། །ཅི་བདེར་ཡང་དག་བསྟབས་པས་ན། །སྙིང་རྗེ་སྤྱན་རས་གཟིགས་དབང་བཞིན། །ཀུན་དུ་ཡོངས་སུ་རྒྱས་པར་བྱ། །སེམས་ཅན་ཀུན་གྱི་བླ་མེད་བདེ། །
D496.087.0137b07.01