完整藏文原文 · 德格版页 当前仅加载第 87 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ཐུགས་བརྩེ་བར་མཛད་དུ་གསོལ། བདག་ལ་དངོས་གྲུབ་སྩལ་དུ་གསོལ་ཞེས་གསོལ་བ་གདབ་བོ། །དེ་ནས་བྱང་ཆུབ་སེམས་དཔའ་ཆེན་པོ་ལག་པ་གཡས་པས་སྒྲུབ་པ་པོའི་མགོ་ལ་རེག་པར་བྱེད་ཅིང་འདི་སྐད་དུ་བུ་ཅི་བྱ་ཞེས་སྨྲའོ། །དེ་ནས་སྒྲུབ་པ་པོས་མཆོད་ཡོན་ཕུལ་ལ་
D496.087.0103b01.01པུས་མོ་གཉིས་བཙུགས་ཏེ་བདག་ལ་རྡོ་རྗེའི་དངོས་གྲུབ་སྩལ་དུ་གསོལ། དེས་བདག་ཁྱོད་ཀྱི་བཀའ་དྲིན་གྱིས་བརྩོན་འགྲུས་ཆེན་པོ་དང་། སྟོབས་ཆེན་པོ་དང་ལྡན་ཞིང་རིག་སྔགས་འཆང་གི་རྒྱལ་པོར་གྱུར་ཏེ། རིག་སྔགས་འཆང་ཐམས་ཅད་ཀྱི་བདག་པོར་འགྱུར་བར་ཤེས་པར་བྱའོ། །
D496.087.0103b02.01དེ་ནས་བཅོམ་ལྡན་འདས་ཀྱིས་སྒྲུབ་པ་པོ་ལ་བུ་ཁྱོད་ཀྱིས་རྡོ་རྗེ་འདི་གྲུབ་སྟེ། བརྩོན་འགྲུས་དང་ཕ་རོལ་གནོན་པ་དང་ལྡན་ཞིང་རིག་སྔགས་འཆང་གི་རྒྱལ་པོ་ཐམས་ཅད་ཀྱི་རྒྱལ་པོ་ཆེན་པོར་འགྱུར་ཞེས་བརྗོད་པར་འགྱུར་རོ། །རྡོ་རྗེ་ཅི་ལྟ་བར་མདུང་ཐུང་ལ་སོགས་པ་བསྒྲུབ་པའང་དེ་བཞིན་
D496.087.0103b03.01ནོ། །བཅོམ་ལྡན་འདས་རྡོ་རྗེ་མཐའ་དང་བྲལ་བའི་ཆོ་ག་ཞིབ་མོ་ཐོགས་པ་མེད་པ་རྫོགས་སོ།། །།དེ་ནས་བྱང་ཆུབ་སེམས་དཔའ་ལག་ན་རྡོ་རྗེས། བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཀྱེ་སེམས་དཔའ་ཆེན་པོ་རྡོ་རྗེས་དབང་བསྐུར་བ་ཞེས་བྱ་
D496.087.0103b04.01བའི་དཀྱིལ་འཁོར་ཡོད་དེ། བཅོམ་ལྡན་འདས་ཀྱིས་དེ་ཁོ་བོ་གཅིག་པུ་ལ་བཤད་དོ། །ཡོངས་སུ་མྱ་ངན་ལས་འདས་པ་ཆེན་པོའི་ཚེ། བསྟན་པ་དང་གསང་བའི་ཡང་ཆེས་གསང་བ། གསང་ཆེན་དམ་པ། ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་རྣམ་པར་
D496.087.0103b05.01མི་རིག་ན། གཞན་འཇིག་རྟེན་པ་རྣམས་ཀྱིས་ལྟ་སྨོས་ཀྱང་ཅི་དགོས་པ་གསང་བ་དམ་པ་འདི་ཡང་ཁོ་བོ་ལ་གཏད་དེ། ཞི་བའི་བློ་གྲོས་མཆོག་ཏུ་གསང་བ་ཆེན་པོའི་དཀྱིལ་འཁོར་གང་ཞེ་ན་འདི་ལྟ་སྟེ། རྡོ་རྗེས་དབང་བསྐུར་བ་ཞེས་བྱའོ། །འདིས་རྒྱུ་བ་དང་མི་རྒྱུ་བ་དང་བཅས་
D496.087.0103b06.01པ་མ་ལུས་པ་འདི་མཐའ་དག་ཁྱབ་སྟེ། ཞི་བའི་བློ་གྲོས་འདིས་སངས་རྒྱས་ཀྱི་ཞིང་ཡང་མ་ཁྱབ་པ་མེད་དོ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ཞི་བའི་བློ་གྲོས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཀྱེ་སེམས་དཔའ་ཆེན་པོ་
D496.087.0103b07.01