完整藏文原文 · 德格版页 当前仅加载第 87 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པའི་འགྲོ་བ་གཅོད་པར་བྱེད་པ། དེ་བཞིན་གཤེགས་པའི་
D496.087.0122b01.01རྟོགས་པ་ཐོབ་པར་བྱེད་པ། དེ་བཞིན་གཤེགས་པའི་སྐུ་དང་གསུང་དང་ཐུགས་ཀྱི་བཀོད་པ་བསྟན་པའི་རྣམ་པར་གནས་པར་བྱེད་པ། བསམ་པ་ཇི་ལྟ་བ་བཞིན་དུ་ཡོངས་སུ་རྫོགས་པར་བྱེད་པ། རྡོ་རྗེ་དོན་ཡོད་པའི་དཀྱིལ་འཁོར་བཀོད་པ་སྒྲུབ་པར་བྱེད་པ། བྱང་ཆུབ་སེམས་དཔའི་སྤྱོད་
D496.087.0122b02.01པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་དང་། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱི་མིག་ཏུ་གྱུར་པ་ཤ་སྟག་གོ། །ལག་ན་རྡོ་རྗེ་དབང་བསྐུར་བའི་དཀྱིལ་འཁོར་ཆེན་པོ་བཀོད་པ་དེ་བཞིན་གཤེགས་པའི་སྔོན་གྱི་སྤྱོད་པའི་རྒྱུ་མཐུན་པ་བསྟན་པ་དང་ཆོ་
D496.087.0122b03.01འཕྲུལ་རྣམ་པར་འཕྲུལ་པའི་གནས་ལས་ཕྱག་རྒྱ་རབ་འབྱམ་ཇི་སྙེད་པའོ།། །།འཕགས་པ་ལག་ན་རྡོ་རྗེ་དབང་བསྐུར་བ། བམ་པོ་བཅུ་པ། དེ་ནས་ཡང་ལག་ན་རྡོ་རྗེས་བདུད་ཐམས་ཅད་ཕམ་པར་བྱེད་པ། བཀོད་པ་རྣམ་པར་སྤྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་
D496.087.0122b04.01ཞུགས་སོ། །བྱང་ཆུབ་སེམས་དཔའ་ལག་ན་རྡོ་རྗེ་སྙོམས་པར་ཞུགས་མ་ཐག་ཏུ། དེ་ནས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་ཕྱག་གཡས་པ་བརྐྱང་སྟེ། ལག་ན་རྡོ་རྗེའི་མགོ་ལ་བྱུགས་ནས་ལེགས་སོ་ཞེས་བྱ་བ་བྱིན་ཏེ། སེམས་ཅན་ཀུན་ལ་ཕན་བྱེད་པ། །དཔའ་
D496.087.0122b05.01བོ་ཆེན་པོ་ལེགས་སོ་ལེགས། །གསང་སྔགས་སྤྱོད་ལས་བྱུང་བ་ཡི། །རྡོ་རྗེ་སྟང་སྟབས་ཆེད་ཀྱི་ཕྱིར། །སྡང་བའི་སེམས་ཅན་འཇིགས་བྱེད་པ། །ཏིང་འཛིན་འདི་ལ་སྙོམས་པར་ཞུགས། །རྡོ་རྗེ་སྟང་སྟབས་ཆོ་གའི་རིམ། །སེམས་ཅན་ཆེན་པོ་ཁྱོད་ཀྱིས་སྟོན། །རྡོ་རྗེ་
D496.087.0122b06.01འབྱུང་བའི་རྐང་སྟབས་ནི། །སྔགས་རྒྱལ་རྣམས་ཀྱི་སྤྱི་ཡིན་ཏེ། །འདུག་པ་དང་ནི་འགྲོ་བ་དང་། །ལྡང་དང་རྣམ་པར་གཏོར་བ་དང་། །དགུག་པ་དང་ནི་བརྐྱང་བ་དང་། །རྐང་པས་བཅིང་དང་བསྐུམ་པ་དང་། །སྤོ་བ་དང་ནི་གཞག་པ་དང་། །ཁུ་ཚུར་བཅངས་པས་གཟུང་བ་དང་། །
D496.087.0122b07.01