完整藏文原文 · 德格版页 当前仅加载第 87 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས། །དེ་དག་དངོས་གྲུབ་ཚེ་འདི་དང་། །ཚེ་གཞན་འབྲས་བུར་གྱུར་འདིར་མེད། །གལ་ཏེ་འབྲས་བུ་མཆོག་འདོད་ན། །དེ་ལྟ་བས་ན་རྣམ་ཀུན་དུ། །བློ་དང་ལྡན་པས་བསྒྲིམས་བྱས་ལ། །དམ་ཚིག་འདི་ནི་བསྲུང་བར་བྱ། །ཕྱག་རྒྱ་འདི་ཉིད་ལས་མཛུབ་མོ་གཉིས་དེ་ཉིད་དུ་
D496.087.0107a01.01སྦྱར་བ་ནི་རྡོ་རྗེ་འཆང་ཐམས་ཅད་ཀྱི་ཕྱག་རྒྱའོ། །མཛུབ་མོ་གཉིས་མྱུར་དུ་སླར་བཀྱེད་པ་ནི་རྡོ་རྗེ་ཛྷི་ག་རའི་ཕྱག་རྒྱའོ། །མཛུབ་མོ་གཉིས་བསེགས་སུ་བཀྱེད་པ་ནི་ཀུན་དུ་བརྗོད་པའི་མེའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་ནང་དུ་གཞུག་པ་ནི་རྡོ་རྗེ་ར་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་
D496.087.0107a02.01མོ་གཉིས་བཀུག་སྟེ་ཐུར་དུ་བསྟན་ལ་མཐེ་བོ་དང་ལྷན་ཅིག་གཞག་པ་ནི་རྡོ་རྗེ་ཕུར་བུའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེའུ་ཆུང་གཉིས་བཀུག་ལ་ལྷག་མ་དེ་བཞིན་གཞག་པ་ནི་རྡོ་རྗེ་དྲ་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་སོར་མོ་ཐམས་ཅད་གཅིག་ཏུ་ཁ་བྱེ་བ་ལ་ཐུག་པའི་ཚུལ་དུ་བྱས་པ་ནི་རྡོ་རྗེ་ཨུཏྤ་
D496.087.0107a03.01ལའི་ཕྱག་རྒྱའོ། །རྡོ་རྗེ་ཨུཏྤ་ལའི་ཕྱག་རྒྱ་ལས་མཛུབ་མོ་གཉིས་ཀྱིས་སོར་མོ་ཐམས་ཅད་འཁྱུད་ལ། མཐེ་བོ་གཉིས་མཛུབ་མོའི་དྲུང་དུ་བཞར་བ་ནི་རྡོ་རྗེ་གདུ་བུའི་ཕྱག་རྒྱའོ། །རྡོ་རྗེ་གདུ་བུའི་ཕྱག་རྒྱ་ལས་མཐེ་བོ་གཉིས་མཛུབ་མོའི་ངོས་ལ་བཞར་བ་ནི་ཁྲོ་བོ་རྡོ་རྗེ་ཁའི་ཕྱག་རྒྱའོ། །རྡོ་རྗེ་ཁའི་ཕྱག་རྒྱ་དེ་
D496.087.0107a04.01ཉིད་ལས་མཛུབ་མོ་གཉིས་ནང་ལོགས་སུ་བཅུག་ལ་སྟོད་དེ་གཞག་པ་ནི་རྡོ་རྗེ་མཆེ་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཉིས་མཛུབ་མོའི་ལོགས་སུ་ཡིད་ཙམ་དགུག་པ་ནི་དེ་བཞིན་གཤེགས་པ་ཐམས་ཅད་ཀྱི་སྙིང་པོའི་ཕྱག་རྒྱའོ། །མཐེའུ་ཆུང་གཉིས་ནང་དུ་བཀུག་ལ་སྲིན་ལག་གཉིས་
D496.087.0107a05.01གཤིབས་ཏེ་གྱེན་དུ་བསྒྲེང་བ་ནི་བྱང་ཆུབ་སེམས་དཔའ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེའུ་ཆུང་གཉིས་ཀྱིས་སྲིན་ལག་གཉིས་བསྣོལ་མར་འཁྱུད་ལ་ལྷག་མ་དེ་བཞིན་དུ་གཞག་པ་ནི་འགྲོ་བ་ཐམས་ཅད་ཡོངས་སུ་སྐྱོབ་པའི་རྡོ་རྗེའི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་
D496.087.0107a06.01གཉིས་ཀྱིས་སྲིན་ལག་གཉིས་འཁྱུད་ལ་ལྷག་མ་དེ་བཞིན་དུ་གཞག་པ་ནི་བཅོམ་ལྡན་འདས་མ་མཱ་མ་ཀཱིའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཉིས་སྲིན་ལག་གི་དྲུང་དུ་བཞར་བ་ནི་རྡོ་རྗེ་སྒེག་པའི་ཕྱག་རྒྱའོ། །རྡོ་རྗེ་སྒེག་པའི་ཕྱག་རྒྱ་འདི་ཉིད་ལས་མཛུབ་མོ་གཉིས་བཀྱེད་པ་ནི་རྡོ་རྗེ་མེ་
D496.087.0107a07.01