完整藏文原文 · 德格版页 当前仅加载第 87 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
ཀིའི་ལྟོ་བ་འདྲ་བ། མིག་དམར་བ། ཁྲོས་པ་དང་བཅས་པ། ཨན་ད་རྙིལ་ལྟར་སྔོ་བ། ལག་ན་བེ་ཅོན་ཐོགས་པ། སྐྲག་པར་བྱེད་པ་དྲག་པ། སྡིག་པའི་པགས་པའི་ཤམ་ཐབས་ཅན་སྡིགས་མོ་བྱེད་པ་བསྟན་ཏོ། །ཡང་སྟོབས་མཆོག་ཅེས་བྱ་བའི་ཏིང་ངེ་འཛིན་ལ་སྙོམས་པར་
D496.087.0047b01.01ཞུགས་ཏེ། སྙོམས་པར་ཞུགས་ནས་ཁྲོ་བོའི་རྒྱལ་པོ་ཆེན་པོ་སྟོབས་པོ་ཆེ་ཞེས་བྱ་བ་ལག་པ་བཞི་པ། སྐྲ་གྱེན་དུ་འགྲེང་བ་མིག་སེར་བ་མཆེ་བ་བཞི་པ་དབྱར་གྱི་སྤྲིན་འདྲ་བ་ལག་ན་བེ་ཅོན་ཐོགས་པ་ལག་ན་དགྲ་སྟ་ཐོགས་པ་གསུས་འཕྱང་པོ་མིག་གསུམ་པ་སྟག་ལྤགས་ཀྱི་ཤམ་ཐབས་
D496.087.0047b02.01ཅན་རང་གི་ལུས་མེ་ལྕེ་འབར་བའི་ནང་ན་འདུག་པ་བསྟན་ཏོ། །ཡང་ལག་ན་རྡོ་རྗེ་དེ་བཞིན་གཤེགས་པའི་གོམ་པས་རྣམ་པར་གནོན་པའི་ཏིང་ངེ་འཛིན་ལ་སྙོམས་པར་ཞུགས་ཏེ། གོམ་པ་འདོར་བའི་རྡོ་རྗེ་ཆེན་པོ་ཞེས་བྱ་བའི་ཁྲོ་བོ་སྐྲ་བཤོར་ཞིང་གྱེན་དུ་འགྲེང་བ། གཤིན་རྗེའི་གཟུགས་
D496.087.0047b03.01འདྲ་བ། གདོང་གི་དཔྲལ་བ་ཁྲོ་གཉེར་གྱི་རིམ་པ་ཅན་མིག་དམར་བ། གད་མོ་ཆེར་རྒོད་པ། ཁ་གདངས་པ། ལག་པ་བཞི་པ། ལག་ན་མདུང་རྩེ་གསུམ་པ་དང་། རྡོ་རྗེ་དང་། འཁོར་ལོ་དང་། རལ་གྲི་ཐོགས་པ། ཕྱོགས་བཅུར་བལྟ་བ་བསྟན་ཏོ། །ཡང་ལག་ན་རྡོ་རྗེ་
D496.087.0047b04.01རྡོ་རྗེ་དྲག་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རིག་པའི་རྒྱལ་མོ་ཆེན་མོ་རྡོ་རྗེ་ལུ་གུ་རྒྱུད་དོན་ཡོད་ཅིང་ཐོགས་པ་མེད་པ། འཇིག་རྟེན་གསུམ་ཀུན་དུ་རྨོངས་པར་བྱེད་པ། སེམས་ཅན་ཐམས་ཅད་ལ་མི་འཇིགས་པ་བསྐྱེད་པ། དེ་བཞིན་གཤེགས་པ་
D496.087.0047b05.01ཐམས་ཅད་ལས་བྱུང་བ། མདོག་པྲི་ཡང་ཀུ་ལྟར་སྔོ་བསངས་མ། རྡོ་རྗེའི་རྟགས་ཅན་མ་མེ་ལྕེའི་ཕྲེང་བས་ལང་ལོང་དུ་གྱུར་པ། བཞིན་ཡིད་ཁྲོས་པ་འདྲ་བ། ལག་ན་རྡོ་རྗེའི་ལྕགས་ཐག་ཐོགས་པ། བཀའ་ཉན་པ་ལྷུར་ལེན་པ། འཁོར་ཕོ་ཉ་མོ་ཁྲི་དང་ལྡན་པ་འདི་བསྟན་
D496.087.0047b06.01ཏོ། །ཡང་རྡོ་རྗེ་རྩེ་མོ་ཆོས་ཐམས་ཅད་ངེས་པར་རྟོགས་པ། སྟོབས་ཐོགས་པ་མེད་པ། སེམས་ཅན་སྡང་བ་ཐམས་ཅད་འདུལ་བ། སྟོབས་ཆེ་བ། རྡོ་རྗེའི་རྩེ་མོ་ལག་ན་ཐོགས་པ། གདོང་ཁྲོ་གཉེར་གྱི་རིམ་པ་ཅན་བུད་མེད་འབྲིང་མོའི་ཚོད་ཙམ་པ། ལག་པ་དྲུག་པ་ལ་ལག་
D496.087.0047b07.01