完整藏文原文 · 德格版页 当前仅加载第 87 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ལག་ན་རྡོ་རྗེས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་གང་དུ་ཞུགས་པ་ཙམ་གྱིས་མཚམས་མེད་པ་ལྔ་པོ་དག་ཡོངས་སུ་བྱང་བར་འགྱུར་བ་དང་། དོན་ཐམས་ཅད་ཀྱང་འབྱོར་པར་འགྱུར་བ་དང་། དཔལ་
D496.087.0144b01.01ཐམས་ཅད་སྐྱེད་པར་འགྱུར་བ་དང་། སྡིག་པ་ཐམས་ཅད་ལས་རབ་ཏུ་གྲོལ་བར་འགྱུར་བ་དང་། ཡེ་ཤེས་ཆེན་པོར་དབང་བསྐུར་བའི་གཟུངས་སྔགས་ཀྱི་དཀྱིལ་འཁོར་གྱི་རྣམ་པར་དགོད་པ་དེ་ཉོན་ཅིག །འཇམ་དཔལ་དཀྱིལ་འཁོར་བརྗོད་པར་བྱའོ། །འཇམ་དཔལ་དེ་ལ་
D496.087.0144b02.01ལུས་ཅན་ཐམས་ཅད་ལ་གསང་ཆེན་དང་བཅས་པ། སློབ་དཔོན་རྣམས་ཀྱི་གསང་ཆེན་མཆོག །གསང་བ་བས་ཀྱང་ཆེས་གསང་བ། །དེ་བཞིན་གཤེགས་པ་ཐམས་ཅད་གཟུངས་སྔགས་འདི་དག་གི་མིང་དུ་གྱུར་པའི་དཀྱིལ་འཁོར་བརྗོད་པར་བྱའོ། །འཇམ་དཔལ་དེ་ལ་དཀྱིལ་འཁོར་
D496.087.0144b03.01གྱི་ཚད་ལ། ཚད་ནི་ཁྲུ་བརྒྱད་ཐམ་པ་སྟེ། །སློབ་དཔོན་ཉིད་ཀྱི་ཁྲུ་ཡིས་བྱ། །ཡེ་ཤེས་འབྱུང་བའི་དཀྱིལ་འཁོར་དེར། །ཆ་ནི་རྣམ་པ་གསུམ་དུ་བྱ། །བློ་དང་ལྡན་པས་ཆ་གསུམ་དུ། །དེར་ནི་སྒོ་ཁྱུད་རྣམས་བྱས་ཏེ། །དེར་ནི་སྒོ་ཡང་བཞི་གཏོད་དོ། །གྲུ་བཞི་ལྷམ་པ་ཁ་ཁྱེར་བཅས། །སྔོན་གྱི་
D496.087.0144b04.01བཞིན་དུ་ཆ་གསུམ་ལ། །ཆ་ནི་རྣམ་པ་བརྒྱད་བརྒྱད་བྱ། །མཁས་པས་ཆ་བརྒྱད་བྱས་ནས་སུ། །དབུས་ཀྱི་ཆར་ནི་འཇུག་པར་བྱ། །ཆོས་རྣམས་ཐམས་ཅད་མ་སྐྱེས་པར། །ཐང་ཅིག་ཐང་ཅིག་བསམ་བྱས་ལ། །ཕུན་སུམ་ཚོགས་པ་ཀུན་བྱེད་པ། །དཀྱིལ་འཁོར་རྒྱལ་པོ་བྲི་བར་བྱ། །སྔགས་པས་དེ་ཡི་
D496.087.0144b05.01དབུས་སུ་ནི། །པདྨ་མཆོག་ཏུ་མཛེས་པ་བྲི། །ཀུན་ཀྱང་མ་རྒད་འདྲ་བ་སྟེ། །འདབ་མ་བརྒྱད་པ་བརྗོད་པ་ཡིན། །དེ་ཡི་སྟེང་དུ་བུམ་པ་སྟེ། །བུམ་པའི་སྟེང་དུ་ཨུཏྤལ་ལོ། །ཨུཏྤལ་སྟེང་དུ་དུང་བྲི་སྟེ། །མེ་ལྕེ་ཕྲེང་བས་འཁྲིགས་པས་མཛེས། །ཤེས་རབ་ཕ་རོལ་ཕྱིན་དེ་ནི། །ཡེ་ཤེས་ཆེན་པོར་དབང་བསྐུར་
D496.087.0144b06.01ལྡན། །ཆ་བརྒྱད་གང་དག་བརྗོད་པ་ཡང་། །དབུས་ཀྱི་ཆ་ལས་བྱུང་བ་སྟེ། །གཟུངས་ཀྱི་ཚུལ་དུ་བྲི་བ་ཡང་། །ཆོ་གའི་རིམ་བཞིན་མཐུན་པར་བྱ། །དེ་ལ་ཤར་ཕྱོགས་སུ་ནི་བཅོམ་ལྡན་འདས་མ་སོ་སོར་འབྲང་བ་ཆེན་མོ་དབང་པོ་ཆེན་པོའི་དཀྱིལ་འཁོར་ན་གནས་པ་ཨུཏྤ་ལའི་ཕྱག་རྒྱར་བྲི་བར་བྱ་
D496.087.0144b07.01