完整藏文原文 · 德格版页 当前仅加载第 87 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པའི་མཛོད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །འཇམ་དཔལ་གཞོན་ནུར་གྱུར་པས་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ། དེ་ནས་ཐམས་ཅད་དང་ལྡན་པའི་འཁོར་དེས་མགྲིན་གཅིག་ཏུ་ཚིག་སྨྲས་པ། ཕྱག་འཚལ་མཆོག་སྦྱིན་རྡོ་རྗེ་མཆོག །
D496.087.0092a01.01འཇམ་པའི་དབྱངས་ཅན་སྟོབས་པོ་ཆེ། །དཔའ་བོ་ཆེན་པོ་ཆེར་གྲགས་པ། །མ་དུལ་རྟག་ཏུ་འདུལ་མཛད་པ། །སྔགས་དང་གསང་སྔགས་སྤྱོད་པ་དང་། །རྣམ་པ་ཀུན་དུ་བྱིས་རྩེན་དང་། །ཏིང་ངེ་འཛིན་དང་གཟུངས་རྣམས་དང་། །བསམ་གཏན་བསམ་གཏན་བྱེད་རྣམས་ཀུན། །
D496.087.0092a02.01བདག་ཅག་རྣམས་ལ་ཐུགས་བརྩེའི་ཕྱིར། །ལག་ན་རྡོ་རྗེ་དབང་བསྐུར་བ། །གསང་སྔགས་ཤེས་པ་ཆེ་འབྱུང་བ། །དཀྱིལ་འཁོར་ཆེན་པོ་གཙོར་གྱུར་པ། །སྤྱོད་པ་ཀུན་དུ་བསྟན་པའི་གཞི། །དཀྱིལ་འཁོར་འདི་ནི་བཤད་དུ་གསོལ། །དེ་ནས་འཇམ་དཔལ་གཞོན་ནུར་གྱུར་
D496.087.0092a03.01པས། གཟོད་མ་ནས་སྐྱེ་བ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་སྙིང་པོ་རྡོ་རྗེ་ཆེན་པོའི་ཡི་གེ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་བ་རད་བཛྲ་མྃ། དེ་ནས་དམ་པ་སྦྱིན་པའི་རྡོ་རྗེའི་སྙིང་པོ་ཆེན་པོ་འདི་སྨྲས་མ་ཐག་ཏུ་ཐམས་
D496.087.0092a04.01ཅད་དང་ལྡན་པའི་འཁོར་དེ་ངོ་མཚར་དུ་གྱུར་ནས། མགྲིན་གཅིག་ཏུ་ཀྱེ་མ་དམ་པ་སྦྱིན་པའི་རྡོ་རྗེ་འདི་ནི་སྔོན་གྱི་སྤྱོད་པ་ལས་བྱུང་བའོ་ཞེས་སྨྲས་སོ། །ཡང་འཇམ་དཔལ་གྱིས་རང་གི་དམ་བཅས་པའི་རྡོ་རྗེའི་ཡི་གེ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཧེ་ཧེ་ཀུ་
D496.087.0092a05.01མཱ་ར་ཀ །བཛྲ་བཛྲ་སྨ་ར་སྨ་ར་པྲ་ཏི་ཛྙཱ་སྭཱ་ཧཱ། འཇམ་དཔལ་གྱིས་ཡང་རང་གི་ངག་ཡང་དག་པར་གྲུབ་པའི་གཞིའི་གསང་སྔགས་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་བཱ་ཀྱེ་ད་ཏཱ་རེ་ཀུ་མཱ་ར་རཱུ་པ་དྷ་ར་སྭཱ་ཧཱ། ཡང་འཇམ་དཔལ་གྱིས་རང་གི་ངག་ཡང་
D496.087.0092a06.01དག་པར་གྲུབ་པའི་སྒོའི་གསང་སྔགས་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ སརྦ་ཐཱ་བཱ་ཀྱེ་ད་བཛྲ་ཧེ་སྭཱ་ཧཱ། ཡང་འཇམ་དཔལ་གཞོན་ནུར་གྱུར་པས། རང་གི་ངག་གི་དོན་སྒྲུབ་པར་བྱེད་པའི་གསང་སྔགས་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་
D496.087.0092a07.01