完整藏文原文 · 德格版页 当前仅加载第 87 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་བལྟ་ཞིང་ཕྱོགས་གཅིག་ཏུ་འདུག་གོ། །དེ་ནས་ཁང་པ་བརྩེགས་པ་དེ་དང་བཀོད་པ་དེ་དག་དང་སིལ་སྙན་དང་ཕེག་རྡོབ་པ་དེ་དག་ལས་ཐེག་པ་ཆེན་པོའི་ཐོག་མའི་སྤྱོད་པའི་སྒྲ་གཅིག་ནས་གཅིག་ཏུ་འུར་
D496.087.0021a01.01ཞེས་གྲག་སྟེ། གཟོད་ནས་ཞི་ཞིང་མཚན་ཉིད་མེད། །ཆོས་ཉིད་གཅིག་ཏུ་དག་པ་སྟེ། །ཁྱེད་ཅག་ཐེ་ཙོམ་དོགས་སྤོངས་ལ། །ཀྱེ་མའོ་འདི་ལ་བརྩོན་པར་གྱིས། །ཐེག་པ་ཆེན་པོའི་གནས་འདི་ནི། །སྔོན་གྱི་སྤྱོད་པ་བླ་ན་མེད། །སྤྱོད་པའི་རྒྱལ་པོ་སྐྱིད་ཆེ་བ། །
D496.087.0021a02.01ཀུན་གྱིས་ཤིན་ཏུ་ཐོབ་པར་གྱིས། །སྔོན་གྱི་སྤྱོད་པ་རྒྱ་མཚོ་རྣམས། །ཡོངས་སུ་དག་པའི་རྒྱུ་ཡིས་ནི། །རྒྱལ་བ་རྣམ་པར་སྣང་མཛད་ནི། །རྟག་ཏུ་འདི་ན་མཛེས་ལ་ལྟོས། །སྟོན་པ་གང་དུའང་མི་གནས་ལ། །གང་དུའང་སྤྱོད་པར་མི་གནས་ཀྱང་། །གང་དག་སྤྱོད་
D496.087.0021a03.01པ་རྣམས་སྦྱངས་པ། །དེ་དག་ཀུན་ལ་གནས་པར་འགྱུར། །འགྲོ་བའི་མངའ་བདག་མིག་དང་ནི། །རྣ་བ་དེ་བཞིན་སྣ་དང་ནི། །ལྕེ་དང་དེ་བཞིན་ལུས་དང་ཡང་། །ཡིད་དུ་སྣང་བ་མ་ལགས་སོ། །དང་པོ་འབྱུང་བའི་སྤྱོད་པ་ནི། །གང་གི་ཚེ་ན་སྦྱངས་གྱུར་པ། །དེ་
D496.087.0021a04.01ཚེ་བཅོམ་ལྡན་རྣམ་སྣང་མཛད། །རྣལ་འབྱོར་ཅན་གྱིས་རྟག་ཏུ་མཐོང་། །རིང་བ་མ་ལགས་ཉེ་མ་ལགས། །ནང་དང་ཕྱི་ནི་མ་ལགས་ཏེ། །རྟག་ཏུ་ནམ་མཁའ་འདྲར་གནས་པ། །རྣལ་འབྱོར་པ་ནི་ཆེན་པོ་སྣང་། །བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་
D496.087.0021a05.01བཟང་པོས་དེ་ལྟར་ཚིགས་སུ་བཅད་པ་དེ་དག་ཐོས་མ་ཐག་ཏུ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་
D496.087.0021a06.01ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན་བདག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱོགས་འགའ་ཞིག་ཞུའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་
D496.087.0021a07.01