完整藏文原文 · 德格版页 当前仅加载第 87 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །དེ་ནས་རྒྱལ་མས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཙ་ཡེ་ཙ་
D496.087.0070a01.01ཡོདྦྷ་བེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་དྲན་པར་བགྱིད་ན་བདག་རྟག་ཏུ་དེའི་སླད་བཞིན་འབྲང་བར་བགྱིའོ། །བསྲུང་བར་བགྱིའོ། །དཔལ་བསྐྱེད་པར་བགྱིའོ། །བུ་མང་པོར་བགྱིའོ། །སྐལ་པ་བཟང་པོ་སྩལ་བར་བགྱིའོ། །ཅི་སྟེ་བསྒྲུབ་
D496.087.0070a02.01པར་འཚལ་ན་དེས་རྒྱ་མཚོར་འབབ་པའི་ཆུའི་ཀླུང་དུ་ཞུགས་ཀྱང་རུང་། རིའི་རྩེ་མོར་མཆིས་ཀྱང་རུང་སྙིང་པོ་འདི་ལན་འབུམ་བཟླས་བརྗོད་བགྱིའོ། །ཐ་མར་གཅིག་པུས་ས་ཕྱོགས་གཙང་མ་དབེན་པར་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་བྱུགས་ལ་བ་སེར་མོའི་མར་གྱི་
D496.087.0070a03.01མར་མེ་བུས་ཏེ། ནམ་གྱི་གུང་ལ་ཡུངས་ཀར་གྱིས་སྦྱིན་སྲེག་བགྱིས་ན་དེ་ནས་འགྲུབ་པར་འགྱུར་རོ། །སྐྱེ་བོ་ཐམས་ཅད་ཀྱི་སྙིང་དུ་སྡུག་པ་དང་། འདོད་དགུར་འགྲོ་བ་དང་། འདོད་པའི་གཟུགས་འཛིན་པ་དང་དཔལ་དང་ལྡན་པར་འགྱུར་རོ། །དེ་ནས་རྣམ་པར་རྒྱལ་མས་རང་གི་
D496.087.0070a04.01སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཛ་ཡོཏྟ་རེ་ཛ་ཡ་བི་ཛ་ཡ་ནི་ནནྡ་ནི་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་དྲན་པར་བགྱིད་ན་བདག་རྟག་ཏུ་དེའི་སླད་བཞིན་དུ་འབྲང་བར་བགྱིའོ། །ཚེ་རིང་བ་དང་ནད་མེད་པ་ཕུན་སུམ་ཚོགས་
D496.087.0070a05.01པ་སྩལ་བར་བགྱིའོ། །བསྲུང་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་ཡང་སྔ་མ་བཞིན་དུ་ལན་ཉིས་འབུམ་བཟླས་བརྗོད་བགྱིའོ། །ཐ་མར་སྔ་མ་བཞིན་དུ་བསྒྲུབ་པར་བགྱིའོ། །མ་གྲུབ་ན་ཡང་སྐྱེ་བོ་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །ནོར་ཆེན་པོ་དང་ལྡན་པ་དང་
D496.087.0070a06.01ལན་ཐེབས་པར་འགྱུར་རོ། །དེ་ནས་མི་འཕམ་མས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཨནྟ་ཨ་ཛི་ཏེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་རྟག་ཏུ་དྲན་པར་བགྱིད་ན། བདག་དེའི་བསམ་པ་ཐམས་ཅད་ཡོངས་
D496.087.0070a07.01