完整藏文原文 · 德格版页 当前仅加载第 87 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཡང་ལག་ན་རྡོ་རྗེ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའི་སྟོབས་བཅུའི་སྟོབས་དང་ལྡན་པ། རྡོ་རྗེ་ཡེ་ཤེས་ལས་མངོན་པར་འབྱུང་བ་རྣམས་ཀྱི་དོན་དུ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་ལས་བྱུང་བའི་ཕྱག་རྒྱ་གསང་བ་རབ་འབྱམ་བསྟན་
D496.087.0120b01.01པའི་སྒོ་སྨྲས་པ། ཐོག་མར་སངས་རྒྱས་ཐམས་ཅད་ལ་ཕྱག་བྱས་ཏེ། བྱང་ཆུབ་ཀྱི་སེམས་མངོན་དུ་བྱས་ལ། །བྱམས་པ་ཆེན་པོ་དང་སྙིང་རྗེ་ཆེན་པོའི་མིག་གིས་སེམས་ཅན་གྱི་ཁམས་ཁྱབ་པར་བྱས་ཏེ། སྤོས་ཀྱིས་ལག་པ་བསྐུས་ལ་ཁ་ཤར་ཕྱོགས་སམ། བྱང་ཕྱོགས་སུ་བལྟས་ཏེ་
D496.087.0120b02.01ཕྱག་རྒྱ་ལེགས་པར་བཅིང་བར་བྱའོ། །ལག་པ་གཉིས་སྙིམ་པར་སྦྱར་ལ་བསྟོད་དེ་གཞག་པ་ནི་དེ་བཞིན་གཤེགས་པ་རིན་པོ་ཆེ་ཏོག་གི་ཕྱག་རྒྱའོ། །སྔགས་ལ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཏྲི་རཏྣ་ནིཪྫཱ་ཏ་ཧཱུྃ་ཧཱུྃ་སྭཱ་ཧཱ། ཕྱག་རྒྱ་འདི་ཉིད་ལས་མཐེ་བོང་གཉིས་
D496.087.0120b03.01བཀུག་སྟེ་ངོས་ལ་བཅར་བ་ནི་དེ་བཞིན་གཤེགས་པ་མེ་ཏོག་ཀུན་དུ་རྒྱས་པའི་དབང་པོའི་རྒྱལ་པོའི་ཕྱག་རྒྱའོ། །སྔགས་ལ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཛྙཱ་ན་སམྦྷ་བ་སྭཱ་ཧཱ། ཕྱག་རྒྱ་འདི་ཉིད་ལས་མཛུབ་མོ་གཉིས་རྡོ་རྗེའི་ཚུལ་དུ་བཀུག་སྟེ་གུང་མོའི་ངོས་ཀྱི་ཐད་
D496.087.0120b04.01ཀར་གཞག་པ་ནི་བཅོམ་ལྡན་འདས་འོད་དཔག་མེད་ཀྱི་ཕྱག་རྒྱའོ། །སྔགས་ལ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཨ་མི་ཏོདྦྷ་བེ། ཛྙཱ་ན་པ་རི་ཎི་སྭཱ་ཧཱ། ཕྱག་རྒྱ་འདི་ཉིད་ལས་མཛུབ་མོ་གཉིས་བཀུག་སྟེ་འདི་ཉིད་ཀྱི་རྩེ་མོ་གུང་མོ་ལ་རེག་པར་བྱས་པ་ནི་མི་འཁྲུགས་
D496.087.0120b05.01པའི་ཕྱག་རྒྱའོ། །སྔགས་ལ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་བྷི་ག་ད་ཛྭཱ་ཛྙཱ་ན་སྃ་བྷ་བ་སྭཱ་ཧཱ། ལག་པ་གཉིས་ཁུ་ཚུར་བཅངས་ལ། མཛུབ་མོ་གཉིས་ཀྱིས་མཐེ་བོ་གཉིས་ལ་འཁྱུད་པ་ནི་བཅོམ་ལྡན་འདས་རྣམ་པར་གཟིགས་ཀྱི་ཕྱག་རྒྱའོ། །སྔགས་
D496.087.0120b06.01ལ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཀ་ན་བི་ཙུ་ཏི་ཏ་ཛྙཱ་ནོ་ད་ཡ་སྭཱ་ཧཱ། ཕྱག་རྒྱ་འདི་ཉིད་ལས་གུང་མོ་གཉིས་གཤིབས་ཏེ་བསྒྲེང་བ་ནི་བཅོམ་ལྡན་འདས་དེ་བཞིན་གཤེགས་པ་གཙུག་ཏོར་ཅན་གྱི་ཕྱག་རྒྱའོ། །སྔགས་ལ། ན་མཿསརྦ་ཏ་ཐཱ་ག་ཏི་བྷྱཿ། སརྦ་མུ་ཁེ་
D496.087.0120b07.01