完整藏文原文 · 德格版页 当前仅加载第 87 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སུ། །གུས་པས་བསྒྲིམས་བཅས་འཇོ་ཚུལ་དང་། །བཞིན་འཛུམ་རྒྱགས་དང་ལྡན་པ་ཡིས། །རྡོ་རྗེའི་གར་ནི་རབ་བྱས་ལ། །ལག་པ་བསྐྱོད་པའི་སྦྱོར་བ་ཡིས། །ཕྱོགས་རྣམས་ཀུན་དུ་གར་བྱ་ཞིང་། །དངོས་དང་མཐུན་པར་བཟུང་བྱས་ལ། །བསྒོམ་པ་ལ་ནི་སེམས་བཞག་ཅིང་། །
D496.087.0135b01.01རྡོ་རྗེའི་རང་བཞིན་ལུས་སྲ་བས། །མི་མཐུན་རྐང་སྟབས་ཚུལ་གྱིས་ནི། །རྡོ་རྗེ་འཆང་བས་ལག་བསྒྲེང་སྟེ། །རྡོ་རྗེ་མིག་གིས་ཀུན་བལྟས་ལ། །སྲིད་པ་གསུམ་པོ་ཐམས་ཅད་གནོན། །དཔའ་བོའི་གནས་སུ་གནས་ནས་སུ། །རྐང་པ་གདེངས་པའི་ཚུལ་གྱིས་སུ། །ཧཱུྃ་བརྗོད་འཇིགས་
D496.087.0135b02.01པ་འཇིགས་སུ་རུང་། །མིག་གཉིས་ཉི་མ་ཟླ་བ་སྟེ། །ཁ་ནི་རྒོད་མ་རྟ་ཡི་ཁ། །ལྟེ་བ་དགའ་བོ་ཉེ་དགའ་བོ། །ལྟོ་བ་རྒྱ་མཚོར་བསམ་པར་བྱ། །ལྷུན་པོ་དེ་ཡི་མགོ་བོར་བྱ། །དེ་བཞིན་ལག་པ་འཁོར་ཡུག་རི། །ས་ནི་རྐང་པ་གཉིས་ཡིན་ཏེ། །ནོར་རྒྱས་བུ་སྤྲུལ་གསང་བསྲེལ་ཡིན། །
D496.087.0135b03.01རླུང་ནི་དེ་ཡི་རྣ་བ་གཉིས། །དེ་ཡི་སྐྲ་རྣམས་མེ་ཡིན་ཏེ། །ལྕེ་ནི་འཇིགས་པ་ཆེན་པོའི་གློག །ཨ་ལ་ལ་ཞེས་སྒྲ་ཆེན་ལྡན། །འབྲུག་སྒྲ་ཧཱུཾ་ཞེས་སྒྲ་ཕྱུང་བས། །ཕྱོགས་རྣམས་ཀུན་དུ་ཡོངས་སུ་བསྐོར། །རབ་ཏུ་བསྐུལ་བས་དེ་ནས་ནི། །རྡོ་རྗེའི་སྒྲ་ཡིས་བསྒྱེལ་གྱུར་ནས། །ཀླུ་དང་
D496.087.0135b04.01དྲི་ཟ་སྲིན་པོ་དང་། །ལྷ་དང་ལྷ་མིན་སོགས་ཀུན་དོང་། །ཧཱུྃ་བརྗོད་པས་ནི་འཇིགས་གྱུར་ཞིང་། །འཆི་བར་འགྱུར་ཏེ་ཐེ་ཚོམ་མེད། །རྡོ་རྗེ་སྒྲ་ཡིས་ཚིག་འགྱུར་ཞིང་། །བློང་བར་གྱུར་ཅིང་དམན་པར་བལྟ། །རྡོ་རྗེ་རྣལ་འབྱོར་ཆེར་ལྡན་པ། །ག་ལ་བ་དེར་ཉེ་བར་དོང་། །རྡོ་རྗེ་ཆེན་པོས་བཀའ་
D496.087.0135b05.01སྩོལ་ལ། །ལྷན་ཅད་དེ་ལྟར་མ་མཛད་ཅིག །དེ་ནས་དམ་ཚིག་བཞག་བྱས་ལ། །ལྷ་རྣམས་ཐམས་ཅད་གཏང་བར་བྱ། །རྡོ་རྗེ་འཇིགས་པ་གཏུམ་ཆེ་བ། །འཇིགས་པ་ཆེན་པོ་འཇིགས་བྱེད་པ། །འཇིགས་པར་བྱ་རྣམས་འཇིགས་བསྐྱེད་པ། །ཆེན་པོས་མཆོད་འོས་རྨད་བྱུང་བས། །
D496.087.0135b06.01མི་དང་མི་མ་ཡིན་རྣམས་ལ། །འཇིགས་ཆེན་ལྟས་འབྱུང་ཆེ་འབྱུང་དང་། །ལྷ་དང་ཀླུ་དང་ཤ་ཟ་དང་། །གཟའ་དང་མ་མོ་བརྩེ་མེད་རྣམས། །ནད་དང་མུ་གེ་ལ་སོགས་དང་། །ཡུལ་འཁྲུགས་པ་དང་འཆི་བྱེད་དང་། །བདུད་རྣམས་དང་ནི་ལོག་འདྲེན་དང་། །སྲུལ་པོ་སྲིན་པོ་ལ་སོགས་
D496.087.0135b07.01