完整藏文原文 · 德格版页 当前仅加载第 87 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་བྱེད་ལ་ནད་མེད་པ་དང་། མཛེས་པ་དང་། ལྷ་མོ་རྣམས་དང་རྩེ་བར་འགྱུར་རོ། །གང་གི་ཚེ་ཤི་འཕོས་པ་དེའི་ཚེ་ཤིང་སཱ་ལ་ཆེན་པོ་ལྟ་བུའི་རིགས་སུ་སྐྱེ་བར་འགྱུར་ཏེ། ཚེ་རབས་དྲན་པར་འགྱུར་རོ། །ཅི་སྟེ་རྟ་བསྒྲུབ་ཅིང་དེ་ལ་ཞོན་ན་ཉི་མ་གཉིས་པར་འགྱུར་ཏེ། མཐུ་ཆེ་ཞིང་
D496.087.0103a01.01ཆེ་བར་གྱི་བསྐལ་པ་ཐུབ་པར་འགྱུར་རོ། །གང་གི་ཚེ་ཤི་འཕོས་པ་དེའི་ཚེ་ཤིང་སཱ་ལ་ཆེན་པོ་ལྟ་བུའི་རིགས་སུ་སྐྱེ་བར་འགྱུར་ཏེ། ཚེ་རབས་དྲན་པར་འགྱུར་རོ། །ཅི་སྟེ་རྡོ་རྗེ་བསྒྲུབ་པར་འདོད་ན་ཟངས་སམ། ཨ་ག་རུའམ། ཙནྡན་ནམ། ཙནྡན་དམར་པོའམ། ཐང་ཤིང་ངམ། སེང་
D496.087.0103a02.01ལྡེང་ངམ། ཤིང་བནྡའམ། ཤིང་ནི་མ་པའམ། ཤེལ་ལམ། སྒྲོན་ཤིང་ལས་རྡོ་རྗེ་རྩེ་གཅིག་པ་སོར་བརྒྱད་པའམ། སོར་བཅུ་དྲུག་པ་མགར་བའམ། ཤིང་མཁན་གསོ་སྦྱོང་བཟུང་བ་བྱེད་དུ་བཅུག་ལ་བ་སེར་མོའི་སྣ་ལྔས་བསྐུས་ཏེ། ཟླ་བ་ཡར་གྱི་ངོ་ཚེས་{བཅྭ་,བཅོ་}ལྔ་ལ་བཅོམ་ལྡན་
D496.087.0103a03.01འདས་ཀྱི་མདུན་དུ་མཆོད་པ་རྒྱ་ཆེར་བྱས་ལ་གཏོར་མ་ཡང་བྱིན་ཏེ། རྡོ་རྗེ་སྤོས་ཆུས་བཀྲུས་ལ་བྱང་ཆུབ་སེམས་དཔའ་ཐམས་ཅད་ལ་བདག་ཕུལ་ཏེ། སྨོན་ལམ་བཏབ་ལ་ཁྲོ་བོའི་སྙིང་པོ་བརྗོད་དེ་མཆོད་ཡོན་གྱིས་ལྷ་སྤྱན་དྲངས་ལ་མཆོད་ཡོན་དང་སྟན་ཕུལ་ཏེ། མར་དང་སྦྲང་རྩིའི་
D496.087.0103a04.01སྲེག་བླུགས་ལན་བདུན་སྦྱིན་སྲེག་བྱའོ། །དེ་ནས་སྔགས་པས་ལག་པ་གཡས་པས་རྡོ་རྗེ་བླངས་ལ་འབར་ཞིང་སྒྲ་ཙེག་ཙེག་མི་ཟེར་གྱི་བར་དུ་བཟླས་བརྗོད་བྱའོ། །དེ་ནས་སྔགས་པས་ལ་གོར་ལ་གོར་དུ་བཟླས་བརྗོད་བྱ་སྟེ། ཤར་ཕྱོགས་ནས་ཁྲོ་བོའི་རྒྱལ་པོ་རྡོ་རྗེ་མཐའ་དང་བྲལ་
D496.087.0103a05.01བ་ཕ་རོལ་ཏུ་ཕྱིན་པ་ཐམས་ཅད་ཀྱིས་ཡོངས་སུ་བསྐོར་ལ། རིག་པ་བྱེ་བ་ཕྲག་དགུས་ཡོངས་སུ་བསྐོར་ཞིང་འོང་གི་བར་དུ་བྱའོ། །རིག་པ་དེ་རེ་རེ་ལ་ཡང་འཁོར་བྱེ་བ་ཕྲག་ལྔ་བརྒྱས་ཡོངས་སུ་བསྐོར་བའོ། །རིག་པའི་རྒྱལ་པོ་དེ་ལག་པ་གཡོན་པར་རྡོ་རྗེ་བཟུང་སྟེ། ལག་པ་གཡས་པས་
D496.087.0103a06.01སྒྲུབ་པ་པོ་ལ་སྙན་ཅིང་ཟབ་པའི་སྒྲས་དབུགས་འབྱིན་ཅིང་། གཟི་བརྗིད་ཉི་མ་ལྟར་འབར་ལ་ལྷ་ཐམས་ཅད་ཀྱིས་ནི་མཆོད་མེ་ཏོག་གི་ཆར་ནི་འབེབས་ཤིང་འོང་ངོ་། །དེ་ནས་སྒྲུབ་པ་པོས་འོངས་པ་ལ་མཆོད་ཡོན་དབུལ་ལོ། །སྟན་ཡང་དབུལ་ལོ། །སྨོན་ལམ་བཏབ་ལ་བཅོམ་ལྡན་འདས་
D496.087.0103a07.01