完整藏文原文 · 德格版页 当前仅加载第 87 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མཛད་དེ། འཇམ་དཔལ་ལས་དང་རྣམ་པར་སྨིན་པ་མེད་པ་སྟོང་པ་ཉིད་ཡིན་ལ། སྟོང་པ་ཉིད་དེ་ལ་ཡང་གཅིག་ཅེས་བྱ་བའམ་གཉིས་ཞེས་བྱ་བ་འདོགས་ཏེ། དེ་ལྟར་གྲངས་བསྟན་པ་རྣམས་དང་། མིང་གི་བརྡར་བྱས་པ་རྣམས་ཀྱིས་འདོགས་པ་མཛད་པ་ལ་ལྟོས། འཇམ་དཔལ་གཞན་
D496.087.0043b01.01ཡང་ནམ་མཁའི་ཁམས་ལས་དང་རྣམ་པར་སྨིན་པ་མེད་པ་ཡིན་ན། ནམ་མཁའ་ལ་ཡང་སྔོན་པོ་ཞེས་བྱ་བ་དང་། སེར་པོ་ཞེས་བྱ་བ་དང་། དམར་པོ་ཞེས་བྱ་བ་དང་། དོག་ཅེས་བྱ་བ་དང་། ཡངས་ཞེས་བྱ་བ་དང་། དག་ཅེས་བྱ་བ་དང་། མ་དག་ཅེས་བྱ་བར་འདོགས་སོ། །འཇམ་དཔལ་
D496.087.0043b02.01དེ་བཞིན་དུ་ལས་དང་རྣམ་པར་སྨིན་པ་མེད་པའི་ས་ལ་གནས་པའི་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་རྣམས་འདོགས་པ་མཛད་དེ། འདོགས་པ་དེ་ཡང་ལས་དང་རྣམ་པར་སྨིན་པ་མེད་པས་བྱས་པ་ཡིན་ན། བྱིས་པ་སོ་སོའི་སྐྱེ་བོ་ཕྱིན་ཅི་ལོག་ཏུ་གྱུར་པ་རྣམས་
D496.087.0043b03.01ཀྱིས་ཁོང་དུ་མ་ཆུད་པར་ཟད་དེ། དེ་དག་ཡང་དག་པ་ཇི་ལྟ་བ་བཞིན་དུ་མཐོང་བ་ལ་གཞུག་པའི་སྒོ་དཀྱིལ་འཁོར་འདི་རྒྱལ་བ་རྣམས་ཀྱིས་གསུངས་སོ། །གསུམ་ནི་འདུས་པར་གྱུར་པ་ལས། །སྔགས་འབྱུང་བར་ནི་འདིར་བསྟན་ཏོ། །ཕྱག་རྒྱའང་དེ་བཞིན་འབྱུང་བ་སྟེ། །གཟུགས་ཅན་མ་ཡིན་
D496.087.0043b04.01བསྟན་དུ་མེད། །རྟག་ཏུ་འཇིག་རྟེན་གསུམ་རྣམས་སུ། །ཐོགས་པ་མེད་ཅིང་ཆོད་པ་མེད། །དཔེར་ན་གཙུབ་སྟན་བརྟེན་ནས་སུ། །གཙུབ་ཤིང་གཙུབས་པ་བྱས་གྱུར་ན། །མི་ཡིས་རྩོལ་བ་བྱས་རྒྱུ་ལས། །སྟོབས་དང་ལྡན་པའི་མེ་འབྱུང་ངོ་། །དེ་བཞིན་གསུམ་ནི་འདུས་པ་ལས། །
D496.087.0043b05.01གསང་སྔགས་དང་ནི་ཕྱག་རྒྱ་ལྔ། །ཆེན་པོ་དག་ནི་འབྱུང་འགྱུར་ཏེ། །བྱུང་ནས་ཡིད་ལ་བསམས་པ་ཡི། །ལས་རྣམས་བྱེད་པར་འགྱུར་བ་ཡིན། །འཇམ་དཔལ་དཔེར་ན། རིག་སྔགས་འཆང་རྣམས་ཀྱིས་བསམས་མ་ཐག་ཏུ་ལྷའི་ཟས་དང་། སྐོམ་དང་། རྒྱན་དང་། རྟ་དང་། གླང་པོ་ཆེ་དང་།
D496.087.0043b06.01ཤིང་རྟ་དང་། བུད་མེད་དང་། ཁང་ཁྱིམ་དང་། གཞལ་མེད་ཁང་ལ་སོགས་པ་ཐམས་ཅད་འབྱུང་ངོ་། །འཇམ་དཔལ་དེ་བཞིན་དུ་གསང་སྔགས་དང་། ཕྱག་རྒྱ་དང་། ལྷ་འདུས་པ་ལས་ཐམས་ཅད་འབྱུང་ངོ་། །འཇམ་དཔལ་འདི་ལྟ་སྟེ་དཔེར་ན་ཡིད་བཞིན་གྱི་ནོར་བུ་རིན་པོ་ཆེ་སྐྱོན་ཐམས་ཅད་དང་
D496.087.0043b07.01