完整藏文原文 · 德格版页 当前仅加载第 87 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བུ་ཁྱོད་རིན་པོ་ཆེ་རྡོ་རྗེ་ཆེན་པོའི་སྙིང་པོ་འདིས་འཇིག་རྟེན་གྱི་ཁམས་དེར་གནས་པར་གྱིས་ཤིག །དེ་ནས་བྱང་ཆུབ་སེམས་དཔའ་རིན་ཆེན་བློ་གྲོས་ཀྱིས་སྙིང་པོ་འདི་བླངས་ཏེ། འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་
D496.087.0004b01.01དུ་མས་ཡོངས་སུ་བསྐོར་ཏེ། བཅོམ་ལྡན་འདས་རྣམ་པར་སྣང་མཛད་ལ་མཆོད་པའི་ཕྱིར། བྱང་ཆུབ་སེམས་དཔའི་རྣམ་པར་འཕྲུལ་པ་ཆེན་པོ་དང་། རིན་པོ་ཆེ་རྡོ་རྗེ་ཆེན་པོ་ལ་སྙིང་པོ་འདིས་མཆོད་པའི་སྤྲིན་ཆེན་པོ་སྔོན་མ་མཐོང་བ་མངོན་པར་སྤྲུལ་ནས། འཇིག་རྟེན་གྱི་ཁམས་མེ་ཏོག་
D496.087.0004b02.01གི་གཞིའི་སྙིང་པོའི་རྒྱན་བཀོད་པ་ག་ལ་བ་དང་། རྒྱལ་པོ་དབང་སྒྱུར་གྱི་ཁང་པ་ག་ལ་བ་དེར་སོང་སྟེ་ཕྱིན་ནས། ཐམས་ཅད་དང་ལྡན་པའི་འཇིག་རྟེན་གྱི་ཁམས་དང་རྒྱལ་པོ་དབང་སྒྱུར་གྱི་ཁང་པ་ཆེན་པོ་ཡང་རིན་པོ་ཆེ་དང་རྡོ་རྗེ་མེ་ཏོག་གི་སྤྲིན་ཆེན་པོས་མངོན་པར་བཀབ་བོ། །དེ་བཞིན་དུ་བདུག་
D496.087.0004b03.01པ་དང་། སྤོས་དང་། ཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དང་། ཕྱེ་མ་དང་། ན་བཟའ་དང་། རྒྱན་དང་། རིན་པོ་ཆེ་དང་། རྡོ་རྗེའི་སྤྲིན་ཆེན་པོ་དག་གིས་བཀབ་བོ། །བཅོམ་ལྡན་འདས་རྣམ་པར་སྣང་མཛད་ག་ལ་བ་དེར་ཡང་སོང་ནས། བྱང་
D496.087.0004b04.01ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ནས། ཇི་ལྟར་འོངས་པ་བཞིན་དུ་ཤར་ཕྱོགས་ཉིད་དུ་གནས་ཏེ། རིན་པོ་ཆེ་དང་རྡོ་རྗེའི་ཁང་པ་བརྩེགས་པ་ཆེན་པོ་དང་རིན་པོ་ཆེའི་རྒྱལ་པོ་ཆེན་པོ་དང་རྡོ་རྗེའི་དབྱུག་གུ་
D496.087.0004b05.01དང་པདྨའི་སྙིང་པོའི་སེང་གེའི་ཁྲི་ཆེན་པོ་དག་མངོན་པར་སྤྲུལ་ནས་རིན་པོ་ཆེ་རྡོ་རྗེ་ཆེན་པོའི་སྙིང་པོས་བྱིན་གྱིས་བརླབས་ཏེ། རིན་པོ་ཆེ་རྡོ་རྗེ་ཆེན་པོའི་ཡི་གེའི་སྙིང་པོའི་ཡི་གེའི་སྙིང་པོས་ཕྱོགས་བཅུ་རྒྱས་པར་འགེངས་ཤིང་བཞུགས་སོ། །ལྷོ་ཕྱོགས་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་
D496.087.0004b06.01པར་རྫོགས་པའི་སངས་རྒྱས་མེ་ཏོག་ཀུན་ཏུ་རྒྱས་པའི་རྒྱལ་པོའི་དབང་པོས། འཇམ་དཔལ་གཞོན་ནུར་གྱུར་པ་ལ། རྡོ་རྗེ་ཆེན་པོའི་སྙིང་པོའི་སྙིང་པོས་བྱིན་གྱིས་བརླབས་ནས་བཀའ་སྩལ་པ། རིགས་ཀྱི་བུ་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་དེར།
D496.087.0004b07.01