完整藏文原文 · 德格版页 当前仅加载第 87 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཀུན་གྱིས་ཀྱང་བཀུར་ཏོ། །སྙིང་པོ་འདིས་ཅི་ལ་ཡང་མི་བརྗེད་དོ། །ཅི་སྟེ་གང་ལ་ལ་ཞིག་བསྒྲུབ་པར་འཚལ་ན་དེས་གཅིག་པུ་དགོན་པར་སློང་མོའི་ཟས་འཚལ་ཞིང་སྙིང་པོ་འདི་ལན་ཉིས་འབུམ་བཟླས་བརྗོད་བགྱིའོ། །ཐ་མར་བ་ལང་གི་ལྕི་བ་ས་ལ་མ་ལྷུང་བའི་སྣ་ལྔ་དང་བསྲེས་
D496.087.0060a01.01པས་དཀྱིལ་འཁོར་བསྐུས་ལ་ཅི་འབྱོར་པས་མཆོད་དེ། གུར་གུམ་གྱི་སྲེག་བླུགས་ལན་ཁྲི་སྦྱིན་སྲེག་བགྱིས་ན་དེ་ནས་འགྲུབ་པར་འགྱུར་ཏེ་མིའམ་ཅིའི་གནས་ཐམས་ཅད་དུ་ཀུན་གྱིས་བཀུར་ཅིང་གང་འདོད་པ་དེ་བགྱིད་དོ། །དེ་ནས་རྣམ་པར་བདུད་ཀྱི་བུ་ལ་སོགས་པ་ནམ་མཁའ་ལྡིང་གི་རྒྱལ་པོ་
D496.087.0060a02.01ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འདི་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ར་ངྐཱ་རི་བི་ཥ་རི་བི་ཥེ་ཥ་ཎི་ཀྲྀནྟ་ནི་ཀུ་མཱ་རི་ཀེ་ཧ་སྭཱ་ཧཱ། ཕུ་ཕུ་སྭཱ་ཧཱ།
D496.087.0060a03.01བདག་ཅག་གི་སྙིང་པོ་འདིས་ཀླུ་ཐམས་ཅད་རང་གི་དམ་ཚིག་ལ་དགོད་པར་བགྱིའོ། །སྙིང་པོ་འདིའི་མིང་ཐོས་པ་ཙམ་གྱིས་ཀླུ་ཐམས་ཅད་བདག་ཅག་གི་ཕྱག་བརྙན་དུ་འགྱུར་ཏེ་འཇིགས་ཤིང་ཞུམ་པ་དང་འདར་བ་དང་རེ་བ་ཆད་པར་འགྱུར། དུག་མ་མཆིས་ཤིང་ཕྱོགས་ཕྱོགས་སུ་འབྲོས་པར་འགྱུར་རོ། །
D496.087.0060a04.01བཅོམ་ལྡན་འདས་ཇི་སྟེ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་སྙིང་པོ་འདི་བསྒྲུབ་པར་འཚལ་ན་དེས་མཚོ་ཆེན་པོར་ཞུགས་ལ་མིད་པ་ཙམ་ནུབ་པར་འགྲེང་སྟེ། སྙིང་པོ་འདི་ལན་འབུམ་བཟླས་བརྗོད་བགྱིས་ན་དེ་ནས་མཚོ་དེ་ཉིད་ཉིན་གཅིག་བཞིན་སྐམ་མོ། །ཀླུའི་གནས་ཐམས་ཅད་ཀྱང་འབར་
D496.087.0060a05.01བར་འགྱུར་རོ། །རང་གི་གཟུགས་ཀྱང་སྟོན་ཏོ། །བགེགས་གཞན་བརྒྱ་དག་ཀྱང་བགྱིད་དེ་དེ་ལ་འཇིགས་པར་མི་བགྱིའོ། །དེ་ནས་མཚན་མ་དེ་དག་བྱུང་ནས་ཐ་མར་བ་ལང་གི་ལྕི་བ་ས་ལ་མ་ལྷུང་བ་དེ་ཉིད་ཀྱིས་རྒྱ་མཚོའི་ངོགས་སུ་དཀྱིལ་འཁོར་བསྐུས་ལ་བཅོམ་ལྡན་འདས་ལག་ན་རྡོ་རྗེ་ལ་ཅི་འབྱོར་པས་
D496.087.0060a06.01མཆོད་དེ་དུག་དང་ཉེ་བའི་དུག་ཐམས་ཅད་ལས་ཀླུའི་རྒྱལ་པོ་བརྒྱད་བགྱིས་ལ་དེ་ནས་སྐེ་ཚེའི་འབྲུ་རེ་རེ་ནས་ཁྲག་གིས་བསྐུས་ཏེ་སྦྱིན་སྲེག་བགྱིའོ། །དེ་ནས་ཀླུ་ཐམས་ཅད་ལྷགས་ནས་དམ་པ་ལོང་ཤིག་ཅེས་མཆིས་ན་སྐྲག་པར་མི་བགྱིའོ། །འདི་སྐད་དུ་ཕྱག་བརྙན་དག་ཏུ་གྱུར་ཅིག་ཅེས་བརྗོད་
D496.087.0060a07.01