完整藏文原文 · 德格版页 当前仅加载第 87 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
བར་མི་བྱའོ། །གལ་ཏེ་ཅུང་ཟད་མི་སྨྲ་ན། །དེ་ལ་ཆད་པས་གཅད་བྱ་སྟེ། །ཤིང་གི་དུག་དང་སྟར་བུ་དང་། །ཡུངས་ཀར་དག་ནི་བསྲེས་པ་ལས། །དེ་ཡི་གཟུགས་ནི་བྱས་ནས་སུ། །མེ་ཡི་ནང་དུ་བོར་བྱས་ན། །གལ་ཏེ་ཚངས་པས་བསྲུངས་ན་ཡང་། །བགེགས་དེ་དེ་ཡི་
D496.087.0132a01.01མོད་ལ་འགྲོ། །སྔགས་པས་དེ་ལ་བསྒོ་བར་བྱ། །དེ་ནས་དེ་ལ་རྒྱས་པར་བྱ། །བྱམས་པའི་སེམས་ནི་བསྐྱེད་ནས་སུ། །ཕྱག་རྒྱ་བཏང་བར་བསམ་བྱས་ན། །གཟིར་དང་བཅིང་དང་དགུག་པ་རྣམས། །ཐར་ནས་བདེ་བར་གནས་པར་འགྱུར། །དེ་ནས་སློབ་དཔོན་རྡོ་རྗེ་འཆང་། །ཡེ་ཤེས་
D496.087.0132a02.01ཆེ་ལ་རབ་གཞོལ་ཞིང་། །སེམས་ཅན་དོན་ལ་སྙིང་རྗེ་བས། །རྡོ་རྗེ་ཉིད་དུ་ཡང་བསྒྱུར་ཏེ། །མཐུན་པའི་རྐང་སྟབས་བྱས་ནས་སུ། །རྡོ་རྗེ་གར་ནི་རབ་བྱས་ལ། །རྡོ་རྗེ་ཐལ་མོ་ལེགས་སྦྱར་ཏེ། །ཕྱོགས་རྣམས་ཀུན་དུ་རྒྱས་པར་བྱ། །གོམ་པ་སྤོ་བའི་ཚུལ་གྱིས་སུ། །གཡས་
D496.087.0132a03.01དང་དེ་བཞིན་གཡོན་པ་སྤོ། །ལག་པ་གར་བྱེད་ཚུལ་གྱིས་ནི། །དེ་ནས་ཐལ་མོ་རབ་སྦྱར་རོ། །གོམ་པ་བསྐྱོད་པའི་ཚུལ་གྱིས་སུ། །མཁས་པས་ཕྱོགས་བཞི་རྣམས་སུ་བསྐོར། །རྡོ་རྗེས་རེངས་བྱེད་ཕྱག་རྒྱ་ཡིས། །བགེགས་རྣམས་ཐམས་ཅད་རེངས་པར་བྱ། །མྱུར་དུ་
D496.087.0132a04.01རྡོ་རྗེ་གོམ་པ་ཡིས། །ཕྱོགས་རྣམས་རྡོ་རྗེ་རེངས་པར་བྱ། །རྩེ་མོ་བརྒྱད་པའི་ལྷུན་པོ་ཆེ། །རྡོ་རྗེ་མཚན་ཅན་བསམ་པར་བྱ། །འོག་ཏུ་ལག་པ་རྡོ་རྗེ་ཅན། །སྟེང་དུ་གཡས་པའང་རྡོ་རྗེ་ཅན། །རྡོ་རྗེས་རེངས་བྱེད་རབ་བྱེད་ཅིང་། །ཕྱོགས་རྣམས་ཀུན་དུ་བསྐོར་བྱས་ན། །གང་དག་
D496.087.0132a05.01སྡང་བའི་སེམས་ལྡན་པའི། །བགེགས་རྣམས་ཐམས་ཅད་རེངས་པར་འགྱུར། །རྡོ་རྗེ་རེངས་བྱེད་བྱས་པས་ན། །བགེགས་བྱེད་ཕྱིར་ནི་འཚེ་མི་བྱེད། །དེ་ཡི་སྤྱི་བོར་རྡོ་རྗེ་ནི། །ལེགས་པར་འདུག་པར་བསམས་བྱས་ན། །ཚངས་པའི་གནས་ལ་ཐུག་པ་ནས། །ས་འོག་
D496.087.0132a06.01བདུན་ལ་ཐུག་པའི་བར། །རྡོ་རྗེས་རེངས་པས་རེངས་འགྱུར་ཏེ། །རྨོངས་ཤིང་སེམས་ཀྱང་མེད་པར་འགྱུར། །སྔགས་པ་མཁས་པས་འདོད་བར་དུ། །དེ་སྲིད་དུ་ནི་རེངས་པར་བྱེད། །རྡོ་རྗེ་ཚུལ་གྱིས་དེ་ནས་ཀྱང་། །རྡོ་རྗེའི་གར་ནི་རབ་བྱས་ལ། །མཚོག་མར་ཐལ་མོ་
D496.087.0132a07.01