完整藏文原文 · 德格版页 当前仅加载第 87 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
རིང་དུ་འབྱོར་པར་འགྱུར། གནོད་སྦྱིན་དང་། སྲིན་པོ་དང་། ཤ་ཟ་ལ་སོགས་པས་ཀྱང་དེ་ལ་ཟིལ་གྱིས་གནོན་པར་མི་འགྱུར་རོ། །མཁའ་འགྲོ་མས་རྒྱས་བཏབ་ན་རྒྱའི་གཟུགས་ཁམ་ཕོར་ཁ་སྦྱོར་གྱི་ནང་དུ་བྲིས་ཏེ་སྔགས་ཀྱིས་བཏབ་སྟེ་ནད་པ་ལ་བསྟན་ན་རྒྱ་བཤིག་པ་བྱས་པར་འགྱུར་
D496.087.0085b01.01རོ། །ཚངས་པའི་སྲིན་པོའི་གདོན་གྱིས་ཟིན་ན་དུར་ཁྲོད་ཀྱི་སོལ་བས་གཟུགས་སམ་མིང་བྲིས་ལ་ཤིང་ཤ་ལ་ཏ་ཀའི་ལྕུག་མས་གཞུའོ། །ཡང་ན་བ་ལང་གི་རྔ་མའི་སྲད་བུ་ཧཱུཾ་ཞེས་བྱ་བ་དང་བཅས་པས་བསྡིགས་ན་དེའི་མོད་ལ་སྒྲ་ཆེར་ངུས་ཏེ་འབྲོས་སོ། །གང་དྲིས་པ་དེ་སྨྲའོ། །གང་ཡང་རུང་བའི་
D496.087.0085b02.01ཆོ་གས་སྦྱོར་བ་བྱས་ཀྱང་དེ་ལྟ་བུར་གྲུབ་པར་གྱུར་ཏེ། གཞན་གྱི་ཆོ་ག་ཞི་བ་མོའི་ཚོགས་བྱས་ཀྱང་གདོན་མི་ཟ་བར་འགྲུབ་བོ། །ལན་ཅིག་བཟླས་བརྗོད་བྱས་ཀྱང་རུང་། བཟླས་བརྗོད་མ་བྱས་ཀྱང་རུང་སྟེ་རྗེས་སུ་དྲན་པ་ཉིད་ཀྱིས་འགྲུབ་བོ། །ཞི་བའི་བློ་གྲོས་གཞན་ཡང་དེ་བཞིན་གཤེགས་
D496.087.0085b03.01པ་ཐམས་ཅད་ཀྱི་སྟོབས་ལས་བྱུང་བ། སྟོབས་དང་ཕ་རོལ་གནོན་པ་དཔག་ཏུ་མེད་པ། ལག་ན་རྡོ་རྗེའི་རིགས་སུ་སྐྱེས་པ་སྟོབས་པོ་ཆེའི་བསྒྲུབ་པ་ནི་འདི་ཡིན་ཏེ། ཚེས་གྲངས་དང་སྐར་མ་འདམ་མི་དགོས་སོ། །སྨྱུང་བ་བྱ་མི་དགོས་ལ་སྦགས་ཀྱང་རུང་། །སྦགས་པ་མ་ཡིན་པ་ཡང་རུང་།
D496.087.0085b04.01ཁྲུས་བྱས་ཀྱང་རུང་། ཁྲུས་མ་བྱས་ཀྱང་རུང་། མི་ཐོད་ཀྱི་ཕྲེང་བ་ཐོགས་ཤིང་། ཁྲིའི་ཟུར་ཤིང་ཐོགས་པ་དུར་ཁྲོད་ན་གནས་པ་ཐལ་བས་ལུས་བསྐུས་ལ་གང་དུ་ཡང་རུང་བར་སྙིང་པོ་འདི་ལན་སུམ་འབུམ་བཟླས་བརྗོད་བྱའོ། །ཐ་མར་དེ་ཉིད་དུ་བ་ལང་གི་ལྕི་བས་དཀྱིལ་འཁོར་
D496.087.0085b05.01བསྐུས་ལ་བསྲུང་བ་བྱས་ཏེ། རྫས་གང་ཡང་རུང་བ་ཞིག་བླངས་ལ་མཚན་ཐོག་ཐག་བཟླས་བརྗོད་བྱས་ན་ནམ་ཕྱེད་དམ་ཉི་མ་ཤར་ཀར་འབར་བར་འགྱུར་རོ། །དེ་ཐོགས་ནས་ཐོགས་པ་མེད་པར་འགྲོ་བའི་རིག་སྔགས་འཆང་དུ་འགྱུར་ཏེ། རིག་སྔགས་འཆང་ཐམས་ཅད་ཀྱིས་འདིའི་
D496.087.0085b06.01སྟོབས་ལ་ཟིལ་གྱིས་གནོན་པར་མི་ནུས་སོ། །བྱང་ཆུབ་སེམས་དཔའ་ས་བཅུ་ལ་གནས་པ་རྣམས་དང་། སྤྱོད་པ་ཐོབ་པའི་རིག་སྔགས་འཆང་གྲུབ་པ་རྣམས་མ་གཏོགས་པར་འདི་དང་མཚུངས་པ་སུ་ཡང་མེད་དོ། །རྟག་ཏུ་རྗེས་སུ་དྲན་པར་བྱེད་ན་སྟོབས་དང་ལྡན་པར་འགྱུར་རོ། །
D496.087.0085b07.01