完整藏文原文 · 德格版页 当前仅加载第 87 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
པགས་པའམ་བྱི་ལའི་པགས་པའི་ཤམ་ཐབས་བགོས་ལ་སྙིང་པོ་ལན་འབུམ་བཟླས་བརྗོད་བགྱིའོ། །ཐ་མར་ཉ་ཤ་ལ་སོགས་པ་ཅི་འབྱོར་པས་མཆོད་ལ་བ་ལང་གི་ལྕི་བའི་བདུག་པ་བསྲེག་ཅིང་མཚན་ཐོག་ཐག་བཟླས་བརྗོད་བགྱི་སྟེ། ཕྱོགས་ཕྱོགས་སུ་བྱ་བྷེ་རུ་ཎ་ཊི་ཀ་ཕྱོགས་བཞིར་སྒྲ་
D496.087.0068b01.01འབྱིན་པའམ། བོང་བུའི་ཁ་ནས་མེ་ལྕེ་འབར་བ་འབྱུང་གི་བར་དུ་བཟླས་བརྗོད་བགྱི་ཞིང་། འཇིགས་པ་མི་བགྱི་བར་ལེགས་པར་འོངས་སོ་ཞེས་བརྗོད་ལ་མཆོད་ཡོན་སྩལ་ཏོ། །ལེགས་སོ་ཞེས་བརྗོད་ནས་མི་སྣང་བར་འགྱུར་རོ། །དེ་ནས་གྲུབ་པར་འགྱུར་ཏེ་གང་འཚལ་བ་དེ་བགྱིད་དོ། །
D496.087.0068b02.01བོང་བུ་ལ་ཞོན་ཞིང་གང་དགའ་བར་འགྲོ་བར་འགྱུར་རོ། །དེ་ནས་འབྱུང་པོའི་རྒྱལ་པོ་བརྩེགས་པ་ལ་སོགས་པ་འབྱུང་པོའི་རྒྱལ་པོ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་
D496.087.0068b03.01ཀྱང་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ཀྱི་དོན་དང་ཕན་པའི་སླད་དུ་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཧི་སི་ཧི་སི། མི་སི་མི་སི། གི་ལི་གི་ལི།
D496.087.0068b04.01བྷཱུ་ཏེ་ཤྭ་རི་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན་བདག་ཅག་དེས་བསྒོ་བ་བཞིན་དུ་བགྱིའོ། །བྱེ་བྲག་ཏུ་ནི་ཟས་ཀྱི་ཕུད་སྩལ་ལ་དོན་ཐམས་ཅད་བསྒྲུབ་པར་བགྱིའོ། །ཅི་སྟེ་བསྒྲུབ་པར་འཚལ་ན་དེས་ཤིང་པ་ཏིའི་དྲུང་དུ་འབྱུང་པོ་ཐམས་ཅད་
D496.087.0068b05.01པའི་གཏོར་མ་བགྱིའོ། །ཙནྡན་གྱི་བདུག་པ་བསྲེག་ཅིང་ཁ་ཟས་མི་བཟའ་བར་འབྱུང་པོའི་རྒྱལ་པོ་ཐམས་ཅད་ལྷགས་ནས་གསེར་དང་། ནོར་བུ་དང་། མུ་ཏིག་ལ་སོགས་པ་སྩོལ་གྱི་བར་དུ་བཟླས་བརྗོད་བགྱིའོ། །ཡང་ན་རང་གི་ཁྱིམ་དུ་ཁྲིད་ནས་དངོས་པོ་ཐམས་ཅད་ཀྱིས་འགྲོན་
D496.087.0068b06.01བགྱིད་དོ། །གང་འཚལ་བ་དེ་སྩལ་ཏོ། །ལས་རྣམ་པ་སྣ་ཚོགས་གཞན་དག་ཀྱང་བགྱིད་དོ། །དེ་ནས་བ་ལང་སྐྱོང་བ་ལ་སོགས་པ་ཤ་ཟ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་ཕྱག་འཚལ་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་
D496.087.0068b07.01