完整藏文原文 · 德格版页 当前仅加载第 87 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོ་ག་མཐོང་བའི་ལས་ཀྱིས་སུ། །རྡོ་རྗེ་གནས་སུ་གཞག་པར་བྱ། །གཞན་དུ་ན་ནི་གསང་བ་དང་། །སྲིན་པོ་ཐམས་ཅད་གནོད་བྱེད་དེ། །གླགས་ལྟ་ཀླན་ཀ་ཚོལ་བྱེད་པ། །གཟིར་བ་དེ་དག་གནོད་པར་བྱེད། །གླགས་སུ་གྱུར་པ་རྟོགས་ནས་སུ། །སྔགས་པ་ལ་ནི་གནོད་པར་བྱེད། །དེ་
D496.087.0125b01.01ལྟ་བས་ན་རྣམ་ཀུན་དུ། །བློ་དང་ལྡན་པའི་སྒྲུབ་པ་པོས། །རྡོ་རྗེའི་གནས་ནི་རིག་བྱས་ལ། །སྟང་སྟབས་བྱ་བ་སྦྱར་བར་བྱ། །གཡོན་བརྐྱང་རྐང་པའི་སྟང་སྟབས་སོ། །རྡོ་རྗེའི་འབྱུང་བར་འདུག་ནས་སུ། །དཔྲལ་བར་ཐལ་མོ་སྦྱར་བར་བྱ། །རྡོ་རྗེ་གར་ནི་བྱས་ནས་སུ། །ཐལ་མོ་སྙིང་
D496.087.0125b02.01གར་གཞག་པར་བྱ། །ཚངས་པའི་རྐང་སྟབས་བྱས་ནས་སུ། །པདྨའི་ཐལ་མོ་རྒྱས་པར་བྱ། །གཉི་ག་ཁུ་ཚུར་བཅངས་ནས་སུ། །གཡས་པ་གྱེན་དུ་བརྐྱང་བར་བྱ། །གཡོན་པ་སྙིང་གར་བཞག་ནས་སུ། །ཧཱུཾ་དང་ཕཊ་བཅས་ཁྲོས་བསྒྱིངས་ཤིང་། །སོས་ནི་མཆུ་ཡང་མནན་བྱས་
D496.087.0125b03.01ནས། །རྡོ་རྗེ་ཉི་མའི་མིག་ལྡན་ཞིང་། །བཞིན་ནི་ཁྲོ་གཉེར་རིམ་འཆས་པས། །གར་བྱེད་པ་ཡི་ཚུལ་གྱིས་ནི། །རྐང་པ་གཡས་པ་དགུག་པར་བྱ། །གཡོན་པ་ཡང་ནི་དེ་བཞིན་དགུག །རྡོ་རྗེ་གསོར་བའི་ཕྱག་རྒྱ་ཡིས། །ལག་པ་གྱེན་དུ་བསྒྲེང་བར་བྱ། །གྱེན་དུ་བལྟས་ན་དྲག་ཏུ་ནི། །
D496.087.0125b04.01རྡོ་རྗེ་ཕྱག་རྒྱས་བསྣུན་པར་བྱ། །རྡོ་རྗེ་ཕྱག་རྒྱས་བསྣུན་པས་ནི། །ཚངས་པ་བཅས་དང་བརྒྱ་བྱིན་བཅས། །གནས་དང་བཅས་པ་ཐམས་ཅད་འགུལ། །ཕན་ཚུན་གཅིག་ལ་གཅིག་ལྟ་ཞིང་། །གྲོགས་དག་བསྐལ་པ་འཁྲུགས་གྱུར་ཏམ། །འོན་ཏེ་སེམས་ཅན་ཆེ་བྱུང་ངམ། །འོན་ཏེ་
D496.087.0125b05.01སངས་རྒྱས་བྱུང་གྱུར་ཏམ། །ཅི་ཞེས་ཐམས་ཅད་ཕན་ཚུན་སྨྲ། །མྱོས་ཆེས་གྱུར་ནས་ཕན་ཚུན་དང་། །ཕྱོགས་བཅུ་དག་ཏུ་ལྟ་བར་བྱེད། །རྡོ་རྗེ་འབར་བས་གཟིར་བས་ན། །གནས་དེ་ནས་ནི་དོང་ནས་སུ། །རྡོ་རྗེའི་ལྡན་པ་ཅི་བཞེད་པ། །གསུངས་ཞེས་ལུང་ནི་ནོད་པར་བྱེད། །བདག་
D496.087.0125b06.01ཅག་ནོངས་པ་མ་མཆིས་ཤིང་། །བཀའ་དང་འགལ་བར་བགྱིད་མ་ལགས། །རྡོ་རྗེ་འབར་བས་གཟིར་གྱུར་ནས། །བཀའ་ལུང་མྱུར་དུ་བདག་ལ་སྩོལ། །རྡོ་རྗེ་ཅན་གྱིས་རྡོ་རྗེ་ལ། །མིག་མི་འཛུམས་པར་རྟག་ཏུ་བལྟ། །ལྷ་ཕལ་གཞན་རྣམས་དེ་དག་ཀྱང་། །རྡོ་རྗེ་འབར་
D496.087.0125b07.01