完整藏文原文 · 德格版页 当前仅加载第 87 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
བཟླས་བརྗོད་བགྱིའོ། །ཐ་མར་ཅི་འབྱོར་པས་མཆོད་དེ་ད་ཏུ་ཀེ་ར་ཀའི་མེ་ཏོག་ཞོ་དང་སྦྲང་རྩི་དང་མར་ལ་སྨྱུགས་པ་བཞི་ཁྲི་དུར་ཁྲོད་ཀྱི་མེར་སྦྱིན་སྲེག་བགྱིའོ། །ནམ་ཕྱེད་ན་ཁྱུ་མཆོག་གི་སྒྲའམ། ཨོཾ་ཞེས་བགྱི་བའི་སྒྲ་གྲག་པར་འགྱུར་ཏེ་དེ་ནས་མ་མོ་ཐམས་ཅད་གྲུབ་
D496.087.0066a01.01པར་གྱུར་ཏོ། །དེ་ནས་ཁྱབ་འཇུག་གི་ཆུང་མས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ནཱ་ར་ཡ་ནི་ཛ་ག་ད་ཐི་ཧ་རི། བ་ལ་བ་དི་ཛ་ཡེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན་བསྲུང་བ་དང་། སྦ་བ་དང་།
D496.087.0066a02.01བསྐྱབ་པའི་སླད་དུ་བདག་རྟག་ཏུ་དེའི་སླད་བཞིན་དུ་འབྲང་བར་བགྱིའོ། །ཅི་སྟེ་སྙིང་པོ་འདི་བསྒྲུབ་པར་འཚལ་ན་དེས་བསོད་ནམས་འབབ་པར་ལན་ལྔ་ཁྲི་བཟླས་བརྗོད་བགྱིའོ། །ཐ་མར་སྟོན་ཟླ་ཐ་ཆུང་ས་ཚེས་བཅུ་གཉིས་ལ་ཅི་འབྱོར་པས་མཆོད་དེ། མན་དཱ་ར་བའི་མེ་ཏོག་མར་ལ་
D496.087.0066a03.01སྨྱུགས་པ་ལ་ལན་ཁྲི་སྦྱིན་སྲེག་བགྱིས་ན་འགྲུབ་པར་འགྱུར་ཏེ་གང་འཚལ་བ་དེ་སྩོལ་ཏོ། །མ་མོ་ཐམས་ཅད་ཀྱི་དམ་ཚིག་འཚལ་བར་འགྱུར་རོ། །དེ་ནས་གཞོན་ནུའི་ཆུང་མས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཀུ་མཱ་རི། མ་ཡཱུ་ར།
D496.087.0066a04.01ཙི་ཏྲི་ཀེ་ཏ་ག་དྲེ་ཤཀྟི་དྷཱ་རི་ཎི། བི་ཏྩི་སྭཱ་ཧཱ། ཕུ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན་བདག་དེའི་སླད་བཞིན་འབྲང་ཞིང་དགོས་པ་ཐམས་ཅད་བགྱིའོ། །ཅི་སྟེ་སྙིང་པོ་འདི་བསྒྲུབ་པར་འཚལ་ན་དེས་ཁ་ལྷོ་ཕྱོགས་སུ་བལྟས་ཏེ་ལག་པ་གཡོན་
D496.087.0066a05.01པར་མདུང་ཐུང་ཐོགས་ཤིང་ལན་བཞི་འབུམ་བཟླས་བརྗོད་བགྱིའོ། །དེ་ནས་དེ་བཞིན་དུ་ཅི་འབྱོར་པས་མཆོད་ལ་འབྲུའི་ལ་དུ་རྒྱ་ཤུག་ཙམ་གྱིས་མཚན་ཐོག་ཐག་སྦྱིན་སྲེག་བགྱིའོ། །ནམ་ཕྱེད་དམ་ནང་པར་གཞོན་ནུ་མ་མཆིས་ནས་མདུན་དུ་འགྲེང་སྟེ་དེ་ལ་མཆོད་ཡོན་སྩོལ་ཏོ། །
D496.087.0066a06.01དེ་ཕྱིན་ཅད་གྲུབ་པར་འགྱུར་ཏེ་གང་འཚལ་བ་དེ་བགྱིད་དོ། །དེ་ནས་ཙ་མུཎྜིས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་རུ་དྷི་ར་བེ་ཏཱ་ལི། ཨཱ་ཀཪྵ་ཎི། མ་ཧཱ་ཀྲྀཏྟེ་ཙྪིནྡ་ཙྪིནྡ། བྷིནྡ་བྷིནྡ་ཙ་མུཎྜི་བི་ཏྩེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་
D496.087.0066a07.01