完整藏文原文 · 德格版页 当前仅加载第 87 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ནི་ཤེས་པ་མེད་པ་ཐོབ་པ་མེད་པ་མངོན་པར་རྟོགས་པ་མེད་པ་མངོན་སུམ་དུ་བྱེད་པ་མེད་པའོ། །རིགས་ཀྱི་བུ་རྣམ་གྲངས་འདིས་ཀྱང་འདི་ལྟར་རིག་པར་བྱ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ནི་སྤྱོད་པ་སྤྱད་པའོ། །གང་དུ་ཡང་མི་ཆགས་པའོ། །གང་དུ་ཡང་རྗེས་
D496.087.0023b01.01སུ་ཆགས་པ་མེད་དོ། །གང་དུ་ཡང་ཁོང་ཁྲོ་བ་མེད་དོ། །གང་དུ་ཡང་ཞེ་སྡང་བ་མེད་དོ། །དེ་མི་སྣང་མ་རྨོངས་ཕྱིན་ཅི་མ་ལོག་པས་རྟག་ཏུ་མཉམ་པར་གཞག་པ་སྟེ། རྣམ་པར་མི་རྟོག་པ། ཞི་བ། ལེགས་པར་གནས་པ། ཟླ་མེད་པ། རབ་ཏུ་མི་གཡོ་བ།
D496.087.0023b02.01སངས་རྒྱས་དང་ཆོས་དང་དགེ་འདུན་དང་སེམས་ཅན་གྱི་དོན་བྱ་བ་ལ་ཡོངས་སུ་མི་སྐྱོ་བ་དུས་གསུམ་དུ་ཡང་སྒྱིད་ལུག་པ་མེད་དོ། །རིགས་ཀྱི་བུ་འདི་ལྟ་སྟེ་དཔེར་ན། ནམ་མཁའི་ཁམས་ནི་རྡུལ་ལམ། དུ་བའམ། སྤྲིན་གྱིས་ཀུན་ནས་ཉོན་མོངས་པར་མི་འགྱུར། སྒྱིད་ལུག་
D496.087.0023b03.01པར་མི་འགྱུར་རོ། །དེ་ཅིའི་ཕྱིར་ཞེ་ན། ནམ་མཁའི་ཁམས་རྣམ་པར་མི་རྟོག་པའི་ཕྱིར་རོ། །རིགས་ཀྱི་བུ་དེ་བཞིན་དུ་བྱང་ཆུབ་སེམས་དཔའ་སྤྱོད་པ་འདི་ལྟ་བུ་སྤྱད་པ་ཡང་སྒྱིད་ལུག་པར་མི་འགྱུར། ཀུན་ནས་ཉོན་མོངས་པར་མི་འགྱུར་རོ། །རིགས་ཀྱི་བུ་དེ་ལ་སྤྱོད་པ་འདི་
D496.087.0023b04.01ལྟ་བུ་ལ་གནས་པའི་བྱང་ཆུབ་སེམས་དཔས་རྡོ་རྗེ་ཆེན་པོའི་དཀྱིལ་འཁོར་བཀོད་པའི་རྒྱན་རྡོ་རྗེ་ཆེན་པོའི་ཏོག་གི་སྤྱོད་པ་རྡོ་རྗེ་ཆེན་པོ་ལས་བྱུང་བའི་དེ་བཞིན་གཤེགས་པའི་སྤྱོད་པས་བསོད་ནམས་ལ་སོགས་པའི་ཆོས་ཀྱི་རྣམ་གྲངས་གཟུང་བར་བྱ། བཀླག་པར་བྱ། གཞན་
D496.087.0023b05.01དག་ལ་ཡང་རྒྱ་ཆེར་ཡང་དག་པར་བཤད་པར་བྱའོ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་
D496.087.0023b06.01ཏོ། །ཆོས་ཀྱི་རྣམ་གྲངས་འདི་དག་གང་དག་གི་རྣ་ལམ་དུ་གྲག་པར་འགྱུར་བའི་བྱང་ཆུབ་སེམས་དཔའ་དེ་དག་རྙེད་པ་ལེགས་པ་རྙེད་པ་ལགས་ན། གང་དག་ཉན་པ་དང་། འཛིན་པ་དང་། ཀློག་པ་དང་། ཡིད་ལ་བགྱིད་པ་དག་ལྟ་སྨོས་ཀྱང་ཅི་འཚལ་ཏེ། བཅོམ་
D496.087.0023b07.01