完整藏文原文 · 德格版页 当前仅加载第 87 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
པའང་། །བདག་ཡུལ་གཞན་ཡུལ་ལས་བྱུང་བའི། །གནོད་པ་གཞན་ཡང་དུ་མ་རྣམས། །དེ་དག་རྣམ་པར་གཞིག་པའི་ཕྱིར། །རྡོ་རྗེ་འཇིགས་བྱེད་སྦྱར་བར་བྱ། །རྐང་པ་རྒྱས་པར་བྱ་ཚུལ་གྱིས། །ཧཱུྃ་ཞེས་བྱ་བའི་སྒྲ་བརྗོད་ན། །རྡོ་རྗེ་འཇིགས་པས་རབ་བསྐུལ་
D496.087.0136a01.01བས། །ཐམས་ཅད་མྱུར་དུ་འཇིགས་པར་འགྱུར། །འདི་ནི་དོན་ཡོད་ཐོགས་པ་མེད། །རྡོ་རྗེ་འཇིགས་པ་མི་བཟད་པ། །སྔགས་པས་ཀུན་དུ་སྦྱོར་བྱས་ནས། །སྲིད་པ་གསུམ་ཡང་དབང་འགྱུར་ན། །མི་ཡི་འཇིག་རྟེན་མངག་གཞུག་པ། །བྱེད་པར་གྱུར་པ་སྨོས་ཅི་དགོས། །
D496.087.0136a02.01ཚིག་གིས་ཅུང་ཟད་བསྐུལ་བས་ན། །གང་དག་ཤིན་ཏུ་དྲེགས་ལྡན་པས། །སྲིན་པོ་ལྷ་མིན་གསང་བ་པ། །དེ་དག་ཐམས་ཅད་དབང་དུ་འགྱུར། །རྡོ་རྗེ་ཡེ་ཤེས་ལེགས་བསླབས་པས། །དབང་ཕྱུག་ཀུན་དང་ཡོན་ཏན་ཐོབ། །ལྷ་རྣམས་ཀུན་གྱི་རྒྱལ་པོར་འགྱུར། །མཁས་
D496.087.0136a03.01པས་དབང་ལ་འགོད་པར་བྱེད། །ཀླུ་ཡི་གནས་སུ་ཀླུ་རྣམས་དང་། །གནོད་སྦྱིན་རྒྱལ་དང་གནོད་སྦྱིན་དང་། །དྲི་ཟ་རྣམས་ཀྱི་བདག་པོར་འགྱུར། །ལྷ་མིན་གནས་སུ་ལྷ་མིན་དང་། །མཁའ་ལྡིང་གནས་སུ་མཁའ་ལྡིང་དང་། །མི་ཅི་རྣམས་ཀྱི་བདག་པོར་འགྱུར། །ལྷ་དང་ལྷ་མིན་
D496.087.0136a04.01མིར་བཅས་པ། །བསྒོ་བའི་ལུང་བཞིན་གུས་སེམས་ཀྱིས། །རྡོ་རྗེ་འཇིགས་སྒྲ་ཆེར་ལྡན་པ། །དེ་ཡི་དབང་དུ་ཐམས་ཅད་འགྱུར། །རྡོ་རྗེ་འཇིགས་སུ་རུང་བ་ཡི། །སྒྲ་ཆེན་པོ་ཡི་ཕྱག་རྒྱའོ། །ཀུན་ལ་རྡོ་རྗེ་རབ་འཕྲུལ་བ། །དེ་ཡི་འོག་ཏུ་བརྗོད་པར་བྱ། །དཔལ་ལྡན་མཆོད་པ་བྱེད་
D496.087.0136a05.01པ་པོས། །ཕྱོགས་བཅུ་དག་ན་བཞུགས་རྣམས་ཀྱི། །སངས་རྒྱས་རྣམ་པ་ཀུན་དུ་མཆོད། །སྲིད་པར་བདག་ཉིད་ཆེ་རྣམས་ཀྱི། །བསམ་ཡས་མཆོད་མིན་གང་ཡང་མེད། །འཛུམ་དང་བཅས་ཤིང་མིག་རྒྱས་པས། །གཡས་པ་དང་ནི་གཡོན་ཚུལ་གྱིས། །རྡོ་རྗེའི་ཐལ་མོ་
D496.087.0136a06.01བཙུམ་བྱས་ལ། །ཕྱོགས་བཅུ་རྣམ་པ་ཀུན་དུ་འདུད། །དཔྲལ་བར་ཐལ་མོ་སྦྱར་བྱས་ལ། །ཕྱོགས་རྣམས་ཀུན་དུ་ཡོངས་བསྐོར་ཞིང་། །དུས་གསུམ་རྣམ་པར་བཞུགས་པ་ཡི། །སངས་རྒྱས་ཀུན་ལ་ཕྱག་བྱའོ། །བདེ་གཤེགས་ཀུན་ལ་ཕྱག་བྱ་མཆོད། །སེམས་ཅན་འདུལ་
D496.087.0136a07.01